କଣିହାଁ : ଅନୁଗୁଳ ଜିଲ୍ଲା କଣିହାଁ ବ୍ଲକ ସମଲ ଥାନା ଅନ୍ତର୍ଗତ ବଲାଂଗୀସ୍ଥ ଗଣାପତି ଢାବାକୁ ଲାଗି ରହିଥିବା ଗୋଳିବନ୍ଧ ପୋଖରୀରୁ ନିଖୋଜ ଢ଼ାବା କର୍ମଚାରୀ ଗନ୍ଧର୍ବ ପ୍ରଧାନ (୪୦) ଙ୍କ ଗଳିତ ଶବ ଉଦ୍ଧାର କରାଯାଇଛି l ଗନ୍ଧର୍ବର ଘର ପରଜଙ୍ଗ ଥାନା ଅନ୍ତର୍ଗତ ରଙ୍ଗଥଳି ଗ୍ରାମରେ l ସମଲ ପୋଲିସ ଘଟଣା ସ୍ଥଳରେ ପହଞ୍ଚି ଏକ ଅପମୃତ୍ୟୁ ମୋକଦମା ୬/୨୦ ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଇ ତାଳଚେର ପଠାଇ ଅନୁସନ୍ଧାନ ଜାରି ରଖିଛନ୍ତି l
ପୋଲିସ ସୁତ୍ରରୁ ପ୍ରକାଶଯେ ଗନ୍ଧର୍ବକୁ ଢ଼ାବାରେ ସେଲସ ମ୍ୟାନ ଭାବରେ କାମ କରିବା ପାଇଁ ଢ଼ାବା ମାଲିକ ଗୁରୁବାର ଦିନ ଆଣି ଢାବାରେ ରଖିଥିଲେ l ଶୁକ୍ରବାର ଅପରାହ୍ନ ପ୍ରାୟ ୩ଘଟିକା ସମୟରେ ଗନ୍ଧର୍ବ ଢ଼ାବାରେ ନଥିବା ଦେଖିବାକୁ ପାଇ ଖୋଜାଖୋଜି କରିଥିଲେ ହେଁ ପାଇନଥିଲେ l ରବିବାର ଢ଼ାବା ପାଖରେ ଗନ୍ଧ ଆସୁଥିବା ଜାଣିବାକୁ ପାଇ ପୋଖରୀରୁ ଗନ୍ଧ ଆସୁଥିବା ଗନ୍ଧର୍ବର ଶବ ବୋଲି ଜାଣିବାକୁ ପାଇଥିଲେ l ଢ଼ାବାକୁ ଲାଗି ରହିଥିବା ପୋଖରୀଟି ଗଭୀର ହୋଇଥିବାରୁ ଗୋଡ ଖସି ଗନ୍ଧର୍ବ ମୃତ୍ୟୁ ବରଣ କରିଥିବା ଜଣାଯାଇଛି l
