ଯଦି ଆପଣ ଙ୍କ ଘରେ ଦେଖା ଦେଉଛି ସବୁବେଳେ ବିଘ୍ନ ତେବେ ଏହିସବୁ ଉପାୟ କୁ ଆପଣାଇବା ଦ୍ଵାରା ଦୂର ହେବ ସମସ୍ତ ବିଘ୍ନ
ଅନେକ ସମୟରେ ଏଭଳି ହୋଇଥାଏ ଯେତେବେଳେ ଆପଣ ଘର ବାହାରେ ରହି ଥାଆନ୍ତି , ସେତେବେଳେ ଆପଣଙ୍କ ମନ ସଂପୂର୍ଣ୍ଣ ଶାନ୍ତ ରହିଥାଏ ଓ ବ୍ୟବହାର ମଧ୍ୟ ଠିକ୍ ରହିଥାଏ । କିନ୍ତୁ ଯେତେବେଳେ ଘର ଭିତରକୁ ପ୍ରବେଶ କରନ୍ତି ମନ ଅଶାନ୍ତ ହେବା ସହିତ ବିଚଳିତ ଲାଗିଥାଏ । ଏହାଛଡା ମାନସିକ ଚାପ ମଧ୍ୟ ବୃଦ୍ଧି ହୋଇଥାଏ । ଘରର ବାତାବରଣ ମଧ୍ୟ ନକାରାତ୍ମକ ଶକ୍ତି ରେ ଭରି ଗଲା ଭଳି ଲାଗିଥାଏ । ଏପରି ପରିସ୍ଥିତିରେ କିଛିଟା କଥାକୁ ବିଶେଷ ଧ୍ୟାନ ଦେବା ଆବଶ୍ୟକ ।
* ଘରର ବାତାବରଣ କୁ କରନ୍ତୁ ସକାରାତ୍ମକ :-
ଏପରି ସ୍ଥିତି ରେ ନିୟମିତ ପୂଜା ଘରେ ଦୀପ ଟିଏ ଜଳାଇ ରଖନ୍ତୁ। ପୁରା ଘରେ ଝୁଣା ଧୂପ ଓ ଅଗରବତୀ ଜଳାଇବା ଦ୍ଵାରା ପବିତ୍ରତା ରହିଥାଏ । ଏହାଛଡା ଘରେ ଗାୟତ୍ରୀ ମନ୍ତ୍ର ଓ ବିଷ୍ଣୁ ସହସ୍ରନାମ ଶୁଣନ୍ତୁ। ଏହାଦ୍ବାରା ଘରର ବାତାବରଣ ରେ ସକାରାତ୍ମକ ପ୍ରଭାବ ଆସିଥାଏ ।
* ଯଦି ଘରେ ଇଲେକ୍ଟ୍ରୋନିକ୍ସ ଜିନିଷ ଖରାପ ରହିଥାଏ -:
ଯଦି ଘରେ ଇଲେକ୍ଟ୍ରୋନିକ୍ସ ଜିନିଷ ଖରାପ ହୋଇ ରହିଥାଏ ତେବେ ଏହାର ଅର୍ଥ ରାହୁ ଙ୍କ ପ୍ରଭାବ ଆପଣଙ୍କ ଉପରେ ରହିଛି । ଏହାର ଅର୍ଥ ଦୁର୍ଘଟଣା ର ସମ୍ଭାବନା ରହିଛି । ଏପରି ସ୍ଥିତି ରେ ଘରର ମୁଖ୍ୟ ଦ୍ଵାରରେ ନାଲି ରଙ୍ଗର ସ୍ଵସ୍ତିକ ଚିହ୍ନ ଟିଏ ଲଗାଇ ନିଅନ୍ତୁ । ରାହୁ ଙ୍କ ପ୍ରଭାବ କମିଯିବ ।
* ଘରେ ବାରମ୍ବାର ଝଗଡ଼ା ହେବା -:
ଯଦି ଘରେ ବାରମ୍ବାର ଝଗଡ଼ା ହେଉଛି ଓ ବାଦବିବାଦ ଉପୁଜିଛି ଏପରି ସ୍ଥିତି ରେ ଜାଣିବେ ଯେ ମଙ୍ଗଳ ଙ୍କ ସ୍ଥିତି ଦୁର୍ବଳ ରହିଛି । ସେଥିପାଇଁ ସୂର୍ଯ୍ୟାଲୋକ ପଡ଼ୁଥିବା ସ୍ଥାନରେ ଘରେ ରୁହନ୍ତୁ ଏବଂ ପ୍ରତ୍ୟେକ ଶନିବାର ଦିନ ଘରର ସମସ୍ତ ସଦସ୍ୟ ସୁନ୍ଦରକାଣ୍ଡ ପାଠ କରନ୍ତୁ ବା ଶୁଣନ୍ତୁ ।
* ଘରର ସୁଖ ଶାନ୍ତି ପାଇଁ -:
– ଘରକୁ ଠିକ୍ ଠାକ୍ ଭାବରେ ସଫା ରଖନ୍ତୁ , ଘରେ ବ୍ୟବହୃତ ନହେଉ ଥିବା ଜିନିଷ କୁ ବାହାର କରି ଫିଙ୍ଗି ଦିଅନ୍ତୁ ।
* ଏପରି ଘରେ ରୁହନ୍ତୁ ଯେଉଁ ଘରେ ପର୍ଯ୍ୟାପ୍ତ ମାତ୍ରାରେ ସୂର୍ଯ୍ୟ କିରଣ ପଡୁଥିବ । ମାନ୍ୟତା ରହିଛି ଯେ ଯେଉଁ ଘରେ ସୂର୍ଯ୍ୟ ଦେବଙ୍କ ଆଲୋକ ପର୍ଯ୍ୟାପ୍ତ ପଡ଼ିଥାଏ ସେଠାରୁ ନକାରାତ୍ମକ ପ୍ରଭାବ ଦୂର ହୋଇଥାଏ ।
* ଏହାଛଡା ଘରର ବାତାବରଣ ରେ ସକାରାତ୍ମକ ପ୍ରଭାବ ରଖିବା ପାଇଁ ନିୟମିତ ଘରେ ଦୁଇ ଓଳି ପ୍ରାର୍ଥନା କରନ୍ତୁ । ଏହା ଆପଣଙ୍କ ଜୀବନ ରେ ପରିବର୍ତ୍ତନ ଆଣିବ ।
