ଧରାକୋଟ………12/10/23 : ଧରାକୋଟ ଅନ୍ତର୍ଗତ ତଳପାଟଣା ଠାରୁ ଚୋରା ଚାଲାଣ ହେଉଥିବା ପିଆଶାଳ କାଠ ଜବତ କଲା ବନ ବିଭାଗ।କୌଣସି ସୂତ୍ରରୁ ବନ ବିଭାଗ ଜାଣିବାକୁ ପାଇଥିଲା ଯେ ସୋରଡାରୁ ଆସିକା କାଠ ଚୋରା ଚାଲାଣ ହେଉଛି। ତେଣୁ ଉତ୍ତରାଞ୍ଚଳ ଡି.ଏଫ.ଓ ଓ ଆସିକା ରେଞ୍ଜରଙ୍କ ନିର୍ଦ୍ଦେଶ କ୍ରମେ ଆସିକା ,ଧରାକୋଟ,ବଡ଼ଗଡ଼ ଓ ସଡ଼ିଙ୍ଗିପଲ୍ଲୀ ଆଦିର ବନପାଳ ଙ୍କ ନେତୃତ୍ୱରେ ତିନୋଟି ଟିମ ଗଠନ କରାଯାଇ ଗତ କାଲି ରାତ୍ର ସମୟ ରେ ବିଭିନ୍ନ ସ୍ଥାନରେ ଛକି ରହିଥିଲେ। ରାତ୍ର ପ୍ରାୟ 10 ଟା ସମୟ ରେ ସୋରଡା ପଟୁ ଆସିକା ଅଭିମୁଖେ ଯାଉଥିବା ଏକ ପିଆଶାଳ ଭୋଝେଇ ପିକପ ଭ୍ୟାନ OR07Z-4346 କୁ ଧରାକୋଟ ଥାନା ଅନ୍ତର୍ଗତ ତାଳପାଟଣା ନିକଟରୁ ଜବତ କରିବାରେ ସକ୍ଷମ ହୋଇଛି ବନବିଭାଗ। ହେଲେ ଗାଡି ଚାଳକ ଫେରାର ହୋଇଥିବା ଜଣା ପଡିଛି। ଜବତ ଗାଡି ଓ ସାଇଜ କାଠକୁ ବନ ବିଭାଗ ଜବତ କରି ଫେରlର ଡ୍ରାଇଭର ଓ ବେପାରୀଙ୍କୁ ଧରିବା ପାଇଁ ତଦନ୍ତ ଜାରି ରଖିଛି।
