ଦଶପଲ୍ଲା ୯/୨ : ବିଗତବର୍ଷ ପରି ଚଳିତ ବର୍ଷ ପୁରୀ ମହାପ୍ରଭୁ ଶ୍ରୀ ଜଗନ୍ନାଥ ଙ୍କ ନନ୍ଦିଘୋଷ, ବଳଭଦ୍ର ଙ୍କ ତାଳଧ୍ୱଜ ଓ ମା ସୁଭଦ୍ରା ଙ୍କ ଦର୍ପଦଳନ ରଥ ନିର୍ମାଣ ପାଇଁ ମହାବୀର କ୍ଷେତ୍ର ରୁ ଶ୍ରୀକ୍ଷେତ୍ର ଅଭିମୁଖେ ପଠାଯାଇଛି ରଥ କାଠ । ଭବ୍ୟ ଓ ଭକ୍ତି ପୂର୍ଣ ପରିବେଶ ମଧ୍ୟରେ ଦଶପଲ୍ଲା ର ଆରାଧ୍ୟ ଠାକୁର ଶ୍ରୀ ଶ୍ରୀ ରଘୁନାଥ ଜୀଉ ଓ ଶ୍ରୀ ମହାବୀର ଙ୍କ ନିକଟରେ ପୂଜାର୍ଚନା ପରେ ଏହି କାଠ ପଠାଯାଇଛି । ଏ ସି ଏଫ ହିମାଂଶୁ ମୁଦୁଲି ଓ ରେଞ୍ଜର ସୁଦର୍ଶନ ଦେହୁରୀ ମହାପ୍ରଭୁଙ୍କ ଆଜ୍ଞାମାଳ ଧରି ପହଂଚିବା ପରେ ପୂଜାର୍ଚନା କରାଯାଇଥିଲା । ପରେ ତିନୋଟି ଟ୍ରକ ରେ ୧୦୨ ଖଣ୍ଡ କାଠ ମହାବୀର କ୍ଷେତ୍ର ରୁ ଶ୍ରୀକ୍ଷେତ୍ର ରଥଖଳା କୁ ଏହି କାଠ ପଠାଯାଇଛି । ଦଶପଲ୍ଲା ବନାଞ୍ଚଳ ର ପୋଖରୀଗୋଛା ଓ ଚଢ଼େୟାପଲ୍ଲୀ ଜଙ୍ଗଲ ରୁ ସଂଗୃହିତ ଧଉଡା ୫୨ ଖଣ୍ଡ ଓ ଅସନ ୫୦ ଖଣ୍ଡ କାଠ ପଠା ଯାଇଛି । ଆସନ୍ତା ଶ୍ରୀ ପଞ୍ଚମୀ ସରସ୍ୱତୀ ପୂଜାଦିନ ରଥନିର୍ମାଣ ପାଇଁ ଏହି ରଥକାଠ ଚିରଟ ଆରମ୍ଭ ହେବ । ଚଳିତବର୍ଷ ରଥ ନିର୍ମାଣ ପାଇଁ ୮୬୫ ଖଣ୍ଡ କାଠ ର ଆବଶ୍ୟକତା ଥିବା ବେଳେ ରଥ ଖଳାରେ ପୂର୍ବରୁ ୫୩ ଟି କାଠ ବଳକା ରହିଛି । ବାକି ୮୧୨ ଟି କାଠ ଦଶପଲ୍ଲା, ବୌଦ୍ଧ, ମହିପୁର ଓ ଭଞ୍ଜନଗର ବନାଞ୍ଚଳ ରୁ ଯୋଗାଇ ଦିଆଯିବ ।
