ବ୍ରହ୍ମପୁର, (ସବ୍ୟୁ )ସେଣ୍ଟ ଜାଭିୟର୍ସ ହାଇସ୍କୁଲ ତରଫରୁ ଲିଡ୍ସ ସ୍ପୋର୍ଟି କ୍ଲବ୍ ସହଯୋଗରେ ମହାତ୍ମା ଗାନ୍ଧୀ ଷ୍ଟାଡିୟମ୍ ରେ ୧୬ବର୍ଷ ରୁ କମ ବାଳକ ମାନଙ୍କୁ ନେଇ ଆନ୍ତଃ ବିଦ୍ୟାଳୟ କ୍ରିକେଟ ଟୁର୍ଣା ମେଣ୍ଟ କୌଶିକ ଟ୍ରଫି ଶୁକ୍ରବାର ଠାରୁ ଆରମ୍ଭ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ରୂପେ ବିଧାୟକ କେ. ଅନିଲ କୁମାର ଯୋଗ ଦେଇ ଟୁର୍ଣ୍ଣା ମେଣ୍ଟ ର ଶୁଭାରମ୍ଭ କରି ଖେଳାଳି ମାନଙ୍କୁ ଉତ୍ସାହିତ କରିଥିଲେ । ସମ୍ମାନୀତ ଅତିଥି ଭାବେ ଖ୍ୟାତନାମା ଉଦ୍ଗଘୋଷକ ତଥା ଆମେ ସବୁ ର ନିର୍ଦେଶକ ହୃଷୀକେଶ ପାଣିଗ୍ରାହି, ଯୋଗ ଦେଇଥିଲେ । ସ୍କୁଲ୍ ଚେୟାରମ୍ୟାନ ଡ଼ ଗୋରୀ ଶଙ୍କର ପଣ୍ଡା, ଗଞ୍ଜାମ ଜିଲ୍ଲା କ୍ରୀଡ଼ା ସଙ୍ଘ ର ସାଧାରଣ ସଂପାଦକ ଜେ. କାମେଶ୍ୱର୍ ରାଓ, ଲିଡ୍ସ କ୍ଲବ୍ ସଂପାଦକ ମନୋଜ ଦଣ୍ଡପାଟ ଓ ଜାଭିୟର୍ସ ଟ୍ରଷ୍ଟ ର ସଂପାଦିକା ପ୍ରିୟମ୍ବଦା ଦାସ, ସ୍କୁଲ ର ସହ ନିର୍ଦ୍ଦେଶକ ଇଂ କୁନାଲ କୌଶିକ ପଣ୍ଡା, କୌଶିକ ଟ୍ରଷ୍ଟ ସଂପାଦକ ଇଂ ରାହୁଲ ରାଜ ପଣ୍ଡା, ପ୍ରମୁଖ ଏହି ଅବସରରେ ମଞ୍ଚାସିନ ଥିଲେ। ପ୍ରାରମ୍ଭରେ ସ୍କୁଲ ଅଧ୍ୟକ୍ଷା ଉଷାରାଣୀ ପଟ୍ଟନାୟକ. ଓ ଅଧ୍ୟକ୍ଷ କାହୁଁ ଚରଣ ପଣ୍ଡା ଅତିଥି ପରିଚୟ ଓ ସ୍ଵାଗତ ଭାଷଣ ପ୍ରଦାନ କରିଥିଲେ। ଶେଷରେ. ଜୋନାଲ ଏକାଡେମି ଅଫିସର ଡ଼ ବିନାୟକ ସାହୁ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମ ରେ ରଶ୍ମିତା ଦଳାଇ ସଂଯୋଜନା କରିଥିଲେ।ଏହି ଟୁର୍ଣ୍ଣା ମେଣ୍ଟ ୫ ତାରିଖ ଯାଏ ଅନୁଷ୍ଠିତ ହେବ । ପ୍ରଥମ ଦିବସରେ କେସି ହାଇ ସ୍କୁଲ୍ ଦଳ ସହ କେ ସି ପବ୍ଲିକ ସ୍କୁଲ ଦଳ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା ।
