ସାଲେପୁରରୁ ଆଜି ୧୦ଜଣ କରୋନା ପଜିଟିଭ୍ ଚିହ୍ନଟ , ଆଜିସୁଦ୍ଧା ମୋଟ୍ ୨୨ଜଣ କରୋନା ପଜିଟିଭ୍ ମଧ୍ୟରୁ ୫ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

ସାଲେପୁର, ୧୩ ।୬- ସାଲେପୁର ବ୍ଲକ୍ର ବିଭିନ୍ନ କ୍ୱାରେଣ୍ଟାଇନ୍ ସେଣ୍ଟରରେ ରହିଥିବା ପ୍ରବାସୀ ଓଡ଼ିଆଙ୍କ ମଧ୍ୟରୀୁ ଦିନକୁ ଦିନ କରୋନା ପଜିଟିଭ୍ ସଂଖ୍ୟା ବଢ଼ି ଚାଲିଥିବାରୁ ଏହା ପ୍ରଶାସନର ମୁଣ୍ଡବିନ୍ଧାର କାରଣ ପାଲଟିଛି । ଆଜି ସୁଦ୍ଧା ସାଲେପୁର ବ୍ଲକ୍ରେ ୨୨ଜଣ ପ୍ରବାସୀ ଓଡ଼ିଆ କରୋନା ପଜିଟିଭ୍ ଚିହ୍ନଟ ହୋଇଥିବାବେଳେ ସେଥି ମଧ୍ୟରୁ ୫ଜଣ ସୁସ୍ଥ ହୋଇ ଘରକୁ ଫେରିଥିବା ଜଣାଯାଇଛି । ଗତକାଲି ରାମେଶ୍ୱର କ୍ୱାରେଣ୍ଟାଇନ୍ ସେଣ୍ଟରରୁ ୨ଜଣ ପଜିଟିଭ୍ ବାହାରିଥିବାରୁ ଆଜି ସେହି ସେଣ୍ଟରରୁ ୮ଜଣ ଓ ନାନେ୍ଦାଳ କ୍ୱାରେଣ୍ଟାଇନ୍ ସେଣ୍ଟରରୁ ୨ଜଣ ପ୍ରବାସୀଙ୍କ ପଜିଟିଭ୍ ବାହାରିଥିବା ବ୍ଲକ୍ ପ୍ରଶାସନ ପକ୍ଷରୁ ସୂଚନା ମିଳିଛି ।

ଏହି ସମସ୍ତ ୧୦ଜଣଙ୍କ ମଧ୍ୟରୁ ୯ଜଣ ପ୍ରବାସୀ ସୁରଟ୍ ଫେରନ୍ତା ହୋଇଥିବାବେଳେ ଜଣେ ତେଲେଙ୍ଗାନା ଫେରନ୍ତା ବୋଲି ଜଣାଯାଇଛି । ୧୦ଜଣଙ୍କ ମଧ୍ୟରୁ ୨ଜଣ ଛାଣିପୁର ପଞ୍ଚାୟତ କରମୁଆଁ ଗ୍ରାମର ହୋଇଥିବାବେଳେ, ୨ଜଣ ସିଢ଼ୋ ପଞ୍ଚାୟତର ଛୋଟିନଟରା ଗ୍ରାମର, ୫ଜଣ ରାଇସୁଙ୍ଗୁଡ଼ା ପଞ୍ଚାୟତ ଧୂଆଁସାହି ଗ୍ରାମର ଓ ଜଣେ ରାମେଶ୍ୱର ପଞ୍ଚାୟତ ଚାହାପଡ଼ା ଗ୍ରାମର ବୋଲି ଜଣାଯାଇଛି । ଏମାନଙ୍କୁ କ୍ୱାରେଣ୍ଟାଇନ୍ ସେଣ୍ଟରରୁ କୋଭିଡ୍ ହସ୍ପିଟାଲ ପଠା ଯାଇଥିବା ସାଲେପୁର ମଣ୍ଡଳ ଉନ୍ନୟନ ଅଧିକାରୀ ଦେବରାଜ ସେଠୀ ପ୍ରକାଶ କରିଛନ୍ତି । ସାଲେପୁର ବ୍ଲକ୍ ଅଞ୍ଚଳରେ ନିୟମିତ ପ୍ରବାସୀ ଓଡ଼ିଆମାନଙ୍କର କରୋନା ପଜିଟିଭ୍ ସଂଖ୍ୟା ବୃଦ୍ଧି ପାଉଥିବାରୁ ଏହି ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଥିବାବେଳେ ପ୍ରଶାସନର ମୁଣ୍ଡବିନ୍ଧାର କାରଣ ପାଲଟିଛି ।