ପୃଥିବୀ ପୃଷ୍ଠରେ ୮ଟି ଚିରଞ୍ଜିବୀ ବିରାଜମାନ କରି ଆସୁଛନ୍ତି , ଯାହା ଅକଳ୍ପନୀୟ ହୋଇଥିଲେ ମଧ୍ୟ ସତ୍ୟ ଅଟେ

ଆମ ହିନ୍ଦୁ ଧର୍ମ ଶାସ୍ତ୍ର ଅନୁସାରେ ଆମ ପୃଥ୍ୱୀ ପୃଷ୍ଠରେ ହଜାର ହଜାର ବର୍ଷରୁ ଚିରଞ୍ଜିବୀ ରହି ଆସୁଛନ୍ତି l  ଚିରଞ୍ଜିବୀ ର ଅର୍ଥ ଅଜର ଓ ଅମର , ଅର୍ଥାତ ଯିଏ କି ସର୍ବଦା ସ୍ଥାୟୀ ଅଟନ୍ତି l  ଯାହାଙ୍କର କଦାପି ମୃତ୍ୟୁ ହୋଇ ନଥାଏ l  ସେହିଭଳି ଆଜିମଧ୍ୟ ପୃଥିବୀ ପୃଷ୍ଠରେ ସେହି ୮ଟି ଚିରଞ୍ଜିବୀ ବିରାଜମାନ କରି ଆସୁଛନ୍ତି l  ଯାହା ହୁଏତ ଅକଳ୍ପନୀୟ ହୋଇଥିଲେ ମଧ୍ୟ ସତ୍ୟ ଅଟେ l

* ପବନପୁତ୍ର ହନୁମାନ –
ରାମାୟଣ ରେ ସବୁଠୁ ଗୁରୁତ୍ୱପୂର୍ଣ ଭୂମିକା ହନୁମାନ ଙ୍କର ରହିଥିଲା l  ଯିଏ କି ସର୍ବଦା ଅଜର ଓ ଅମର ଅଟନ୍ତି , ଶାସ୍ତ୍ର ଅନୁସାରେ ଯେଉଁ ୮ଜଣ ମନୀଷୀ ଏହି ପୃଥିବୀ ପୃଷ୍ଠାରେ ଅମରତ୍ୱ ଲାଭ କରିଛନ୍ତି ସେମାନଙ୍କ ମଧ୍ୟରୁ ହନୁମାନ ଜଣେ l  ହନୁମାନ ଙ୍କ ଅବତାର ଭଗବାନ ରାମ ଙ୍କ ସହାୟକ ଭାବରେ ହୋଇଥିଲା l  ହନୁମାନଙ୍କ ପରାକ୍ରମଃ ଅବର୍ଣ୍ଣନୀୟ ଅଟେ l ହନୁମାନ ହେଉଛନ୍ତି ମହାଦେବ ଙ୍କ ୧୧ ତମ ରୁଦ୍ର ଅବତାର l

* ଲଙ୍କାପତି ବିଭୀଷଣ –
ବିଭୀଷଣ ମଧ୍ୟ ରାମାୟଣ ର ଗୋଟିଏ ପ୍ରମୁଖ ପାତ୍ର ଅଟନ୍ତି l  ଅସୁର କୂଳରେ ଜନ୍ମ ହୋଇ ମଧ୍ୟ ବିଭୀଷଣ ସର୍ବଦା ରାମଙ୍କର ଜଣେ ପରମ ଭକ୍ତ ଭାବରେ ବିବେଚିତ l  ରାବଣ ର ଭାଇ ହୋଇ ମଧ୍ୟ ବିଭୀଷଣ ସତ୍ୟର ସାଙ୍ଗ ଦେଇ ପ୍ରଭୁ ଶ୍ରୀରାମ ଙ୍କ ସହିତ ହାତ ମିଳାଇଥିଲେ ଓ ରାବଣ ର ମୃତ୍ୟୁର ଭେଦ ଶ୍ରୀରାମ ଙ୍କୁ କହିଥିଲେ l

* ପର୍ଶୁରାମ –
ପର୍ଶୁରାମ ତ୍ରେତୟା ଯୁଗରେ ତପସ୍ୱୀ ଥିଲେ l  ତାଙ୍କୁ ଭଗବାନ ବିଷ୍ଣୁଙ୍କ ଷଷ୍ଠ ଅବତାର ବୋଲି କୁହାଯାଉ ଥିଲା l  ପୌରାଣିକ ମାନ୍ୟତା ଅନୁସାରେ ତାଙ୍କର ଜନ୍ମ ଭୃଗୁ ଶ୍ରେଷ୍ଠ ମହର୍ଷି ଯମଦଗ୍ନି ଦ୍ୱାରା ପୁତ୍ରେଷ୍ଟି ଯଜ୍ଞ ରୁ ବରଦାନ ଭାବରେ ମାତା ରେଣୁକା ଙ୍କ ଗର୍ଭରୁ ବୈଶାଖ ମାସ ଶୁକ୍ଲପକ୍ଷ ତୃତୀୟ ରେ ହୋଇଥିଲା l  ତାଙ୍କୁ ଏହି ପୃଥିବୀ ପୃଷ୍ଠରେ ରହିବାର ଅମର ବର ଦାନ ହୋଇଥିଲା l

* ଋଷି ମାର୍କଣ୍ଡେୟ –
ପିତାଙ୍କ ଦ୍ୱାରା ଠିକ ଭାବରେ ଭରଣପୋଷଣ ନହୋଇ ପାରିବା କାରଣରୁ ମାର୍କଣ୍ଡେୟ ବାଲ୍ୟ ସମୟରୁ ମହାଦେବଙ୍କର ପରମ ଭକ୍ତ ହୋଇଗଲେ l  ସେ ମହାଦେବଙ୍କ ନିକଟରେ ମହାମୃତ୍ୟୁଞ୍ଜୟ ମନ୍ତ୍ର ଜପ କରିଥିଲେ  ଓ ମହାଦେବ ସନ୍ତୁଷ୍ଟ ହୋଇଥିଲେ l  ଯେତେବେଳେ ତାଙ୍କ କାଳ ପୁରୀ ଯାଇଥିଲା ଯମରାଜ ମାର୍କଣ୍ଡେୟ ଙ୍କୁ ନେବାକୁ ଆସିଥିଲେ ଓ ମହାଦେବ ଙ୍କ ମହାମୃତ୍ୟୁଞ୍ଜୟ ମନ୍ତ୍ର ଯମ ଙ୍କୁ ଅଟକାଇ ଦେଇଥିଲା ଏବଂ ସେ ଚିରଞ୍ଜିବୀ ହୋଇ ଯାଇଥିଲେ l

* କୃପାଚାର୍ଯ୍ୟ –
କୃପାଚାର୍ଯ୍ୟ କୌରଵ ଓ ପାଣ୍ଡଵ ଙ୍କ ଗୁରୁ ଥିଲେ l  କୃପାଚାର୍ଯ୍ୟ ମହର୍ଷି ଗୌତମ ଙ୍କ ପୁତ୍ର ଥିଲେ l  ତାଙ୍କ ତପସ୍ୟା ଭଙ୍ଗ କରିବା ପାଇଁ ଇନ୍ଦ୍ର ଜ୍ଞାନ ପଦୀ ନାମକ ଦେଵକନ୍ୟା କୁ ସ୍ୱର୍ଗରୁ ପଠାଇଥିଲେ l  ଯାହାଙ୍କ ଗର୍ଭରୁ ୨ଟି ଯାଆଁଳା ଭାଇ ଭଉଣୀ ଜନ୍ମ ନେଲେ l  ପିତା – ମାତା ଦୁହିଁଙ୍କୁ ଜଙ୍ଗଲରେ ଛାଡି ଦେଇ ଚାଲି ଯାଇଥିଲେ, ଓ ମହାରାଜା ଶାନ୍ତନୁ ଉଭୟଙ୍କୁ ଦେଖିଥିଲେ, ଓ ତାଙ୍କ ଉପରେ କୃପା କରି ତାଙ୍କର ଲାଳନ ପାଳନ କରିଥିଲେ l  ଯେଉଁ କାରଣରୁ ଜଣଙ୍କ ନାମ କୃପା ଓ ଭଉଣୀ ନାମ କୄପୀ ରଖାଗଲା l  କୄପୀ ଙ୍କ ବିବାହ ଗୁରୁ ଦ୍ରୋଣାଚାର୍ଯ୍ୟ ଙ୍କ ସହିତ ହୋଇଥିଲା l  ନିଜ ପିତାଙ୍କ ଭଳି କୃପାଚାର୍ଯ୍ୟ ବିଖ୍ୟାତ ଧନୁର୍ଦ୍ଧର ଥିଲେ l  ଯିଏକି ଅମରତ୍ୱ ବର ଲାଭ କରିଥିଲେ l

* ମହର୍ଷି ବେଦବ୍ୟାସ –
ରୁଷି ବେଦବ୍ୟାସ ହେଉଛନ୍ତି ମହାଭାରତ ଗ୍ରନ୍ଥର ରଚୟିତା l  ମହାଭାରତ କାଳରେ ଘଟିଥିବା ସମସ୍ତ ଘଟଣାର ସାକ୍ଷୀ ହେଉଛନ୍ତି ବେଦବ୍ୟାସ l  ମହର୍ଷି ବେଦବ୍ୟାସ ବେଦ ୪ ଭାଗରେ ବିଭାଜନ କରି ତାର ଓ ତାର ନାମକରଣ କରିଥିଲେ l ଏଣୁ ସେ ବ୍ୟାସ ରୁ ବେଦବ୍ୟାସ ଭାବରେ ପ୍ରସିଦ୍ଧି ଲାଭ କରିଥିଲେ l  ସେ ଆଜି ମଧ୍ୟ ଏହି ପୃଥିବୀ ପୃଷ୍ଠରେ ଚିରଞ୍ଜିବି ଅଟନ୍ତି l

* ଅଶ୍ଵତ୍ଥାମା –
ଦ୍ରଣାଚାର୍ଯ୍ୟ ଙ୍କ ପୁତ୍ର ଅଶ୍ୱତ୍ଥାମା ଙ୍କୁ ଅମରତ୍ୱ ବର ଲାଭ ହୋଇଥିଲା l  କିନ୍ତୁ ଏହା କୌଣସି ବରଦାନ ନଥିଲା l  ଏହା ତାଙ୍କର ପ୍ରାରବ୍ଧ ଥିଲା l  ଅଶ୍ଵତ୍ଥାମା କୁରୁକ୍ଷେତ୍ର ଯୁଦ୍ଧରେ ଲଢ଼ୁଥିବା ଜୋଧା ମାନଙ୍କ ମଧ୍ୟରେ ଏକମାତ୍ର ଜୀବିତ ଜୋଧା ଥିଲେ l  ଦ୍ରୌପଦୀ ଙ୍କ ପାଞ୍ଚପୁତ୍ର ଙ୍କୁ ହତ୍ୟା କରିଥିବାରୁ ଭଗବାନ ଶ୍ରୀକୃଷ୍ନ ତାଙ୍କୁ ପାପ ମୁକ୍ତି ପାଇଁ ପ୍ରାରବ୍ଧ ଦେଇଥିଲେ l  ତେଣୁ ଏହି ସୃଷ୍ଟିର ବିନାଶ ପର୍ଯ୍ୟନ୍ତ ସେ ଏହି ପୃଥିବୀ ରେ ବିଚରଣ କରୁଥିଲେ l  ଆଜି ମଧ୍ୟ ଅନେକ ପୌରାଣିକ ପ୍ରବଚନ ରେ ଆସ୍ୱାଥମା ଜୀବିତ ରହିବାର ସଂକେତ ମିଳିଥାଏ l

* ରାଜା ବଳି –
ଚିରଞ୍ଜିବୀ ଙ୍କ ମଧ୍ୟରୁ ବଳି ଜଣେ l  ପୁରାଣପ୍ରସିଧ, ଦାନବୀର, ବିଷ୍ଣୁଭକ୍ତ , ମହାନ ଯୋଦ୍ଧା , ବିରୋଚନ ପୁତ୍ର ଦୈତ୍ୟରାଜ ବଳି l  ତାକୁ ଛଳ ପୂର୍ବକ ପରାସ୍ତ କରିବା ପାଇଁ ବିଷ୍ଣୁ ବାମନ ଅବତାର ନେଇଥିଲେ l  ସେ ଦୈତ୍ୟ ଗୁରୁ ଶୁକ୍ରାଚାର୍ଯ୍ୟଙ୍କ ପ୍ରେରଣା ଦ୍ୱାରା ଦେବତା ଙ୍କୁ ପରାଜିତ କରି ସ୍ୱର୍ଗ ଉପରେ ଅଧିକାର କରିଥିଲା l  ସେ ଖୁବ ଡାନି ଥିଲେ l  ଦାନ କରି ସେ ଅହଂକାର ରେ ଭରି ଯାଇଥିଲେ l  ବାମନ ଅବତାର ନେଇ ଭଗବାନ ବିଷ୍ଣୁ ମାତ୍ର ତିନିପାଦ ଭୂମି ମାଗିଥିଲେ l  ଗୋଟିଏ ପାଦ ରେ ପୃଥିବୀ ଭରିଗଲା, ଦ୍ଵିତୀୟ ପାଦରେ ଆକାଶ ଓ ତୃତୀୟ ପାଦ ଭଗବାନ ବାଳୀର ମସ୍ତକରେ ରଖି ପାତାଳକୁ ଦାବି ଦେଇଥିଲେ l