ଛତ୍ରପୁର,14/6: ଜି -20 ଶିଖର ସମ୍ମିଳନୀ 2023 ର ଭାରତ ପ୍ରାୟୋଜକ ଅଧୀନରେ ଏବଂ ଭାରତର ଶିକ୍ଷା ମନ୍ତ୍ରଣାଳୟ G20 ର ଶିକ୍ଷା ୱିଙ୍ଗ ଦ୍ଵାରା ଜାରି କରାଯାଇଥିବା ନିର୍ଦ୍ଦେଶାବଳୀ ଅନୁଯାୟୀ ବିଭିନ୍ନ ଶିକ୍ଷାନୁଷ୍ଠାନର ଅନେକ ଭାରତୀୟ ଛାତ୍ରଛାତ୍ରୀ ଶିକ୍ଷା ମାଧ୍ୟମରେ ଶିଖୁଥିବା ବିଭିନ୍ନ କଳା କୌଶଳ କାର୍ଯ୍ୟକଳାପ ପ୍ରଦର୍ଶନ କରିଥିଲେ। ଜି -20 ଶିଖର ସମ୍ମିଳନୀରେ ଅଂଶଗ୍ରହଣକାରୀ ଦେଶମାନେ ଭାରତୀୟ ଛାତ୍ରଛାତ୍ରୀମାନେ ଶିକ୍ଷାନୁଷ୍ଠାନରେ ଶିଖୁଥିବା ଉତ୍କୃଷ୍ଠ କଳା କୌଶଳ ପ୍ରଦର୍ଶନ କରିଥାନ୍ତି । ଛତ୍ରପୁରକେନ୍ଦ୍ରୀୟ ବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ରାଜେନ୍ଦ୍ର କୁମାର ପଣ୍ଡା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନ ରେ ଛାତ୍ରଛାତ୍ରୀ ଏବଂ ଅଭିଭାବକମାନେ ଅନେକ କାର୍ଯକ୍ରମରେ ଅଂଶଗ୍ରହଣକରି ଥିଲେ । ଯେପରି ରଙ୍ଗୋଲି ଚିତ୍ରାଙ୍କନ, ଖେଳନା ତିଆରି କରିବା, ଜି -20 ପୋଷ୍ଟର ଡିଜାଇନ୍, ପ୍ରବନ୍ଧ ଲେଖନି, ଛୋଟ ପିଲାମାନଙ୍କର ମୂଳ ସାକ୍ଷରତା ଏବଂ ସାଂଖ୍ୟିକ ଜ୍ଞାନ, ଜନଭାଗୀଦାରୀ ଷ୍ଟ୍ରିଟ୍ ରାଲି, କଣ୍ଡେଇ ଖେଳ, ମିଲେଟ୍ ମିଶନ୍, ନୃତ୍ୟ ପରିବେଷଣ, ବୃକ୍ଷରୋପଣ, କୁଇଜ୍, ସ୍ୱିଚ୍ ଏବଂ ସ୍ବଚ୍ଛ ଭାରତ ଇତ୍ୟାଦି କାର୍ଯକ୍ରମରେ ଭାଗ ନେଇଥିଲେ । ବିଦ୍ୟାଳୟର ଗ୍ରୀଷ୍ମ ଛୁଟି ସତ୍ବେ ଶିକ୍ଷକ, ଶିଶୁ ଏବଂ ଅଭିଭାବକମାନେ ବିଦ୍ୟାଲୟ ଦ୍ୱାରା ପରିଚାଳିତ ଅନଲାଇନ୍ ଏବଂ ଅଫଲାଇନ୍ ମୋଡ୍ ମାଧ୍ୟମରେ ସମସ୍ତ ପ୍ରକାର କାର୍ଯ୍ୟରେ ଉତ୍ସାହର ସହିତ ଅଂଶଗ୍ରହଣ କରିଥିଲେ |
