ବୁଗୁଡ଼ା : ତା ୦୫/୧୦/୨୩ : ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ବାନକ୍ରମେ ପୋଲସରା ନିର୍ବାଚନ ମଣ୍ଡଳୀର ବୁଗୁଡ଼ା ଅଞ୍ଚଳରେ ବିଧାୟକ ଶ୍ରୀକାନ୍ତ ସାହୁଙ୍କ ନେତୃତ୍ବରେ ବିଜେଡିର ଜନ ସମ୍ପର୍କ ପଦଯାତ୍ରାର ଆରମ୍ଭ ହୋଇଯାଇଛି । ବୁଗୁଡା ବ୍ଲକର ୪୩ ନମ୍ବର ଜୋନ୍ ଅନ୍ତର୍ଗତ ଗୋଲିଆ ଗ୍ରାମସ୍ଥ ଶ୍ଯାମାକାଳୀଙ୍କ ମନ୍ଦିରରେ ପୂଜାର୍ଚ୍ଚନା ପୂର୍ବକ ଏହି ପଦଯାତ୍ରାର ଶୁଭାରମ୍ଭ ହୋଇ ଶତ୍ରୁସୋଲ , କୁଆଁନଳା , ଭାମଶ୍ୟାଳି , ଆଦିପୁର , ବିରଞ୍ଚିପୁର ଆଦି ଗ୍ରାମ ପରିକ୍ରମା ହୋଇଥିଲା । ଉକ୍ତ ପଦଯାତ୍ରାରେ ବ୍ଲକ ଅଧ୍ୟକ୍ଷା କେ.ପ୍ରିୟଦର୍ଶିନୀ ଆଚାରୀ ଓ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ , ଏନଏସି ନଗରପାଳ ଚିତ୍ରସେନ ପ୍ରଧାନ , ବ୍ଲକ ବିଜେଡି ସଭାପତି ମଦନ ଗୋପାଳ ଦୋରା ଓ ଏନ୍ଏସି ସଭାପତି କେ.ତ୍ରିଲୋଚନ ଦୋରା , ଗୋଲିଆ ପଞ୍ଚାୟତ ସରପଞ୍ଚ ଦୈତାରୀ ବେହେରା , ଭାମଶ୍ୟାଳି ସରପଞ୍ଚ ସଞ୍ଜୟ କୁମାର ବିଶ୍ବାଳ , ଜିଲ୍ଲା ସାଧାରଣ ସମ୍ପାଦକ ସୁଧାଂଶୁ ଶେଖର ପାଢ଼ୀ, ବ୍ଲକ୍ ବିଜେଡି ମହିଳା ସଭାନେତ୍ରୀ ଜ୍ଯୋତ୍ସ୍ନାମୟୀ ଗୌଡ ଓ ଏନ୍ଏସି ସଭାନେତ୍ରୀ ମନ୍ଦାକିନୀ ସାହୁ , ବ୍ଲକ୍ ସାଂସଦ ପ୍ରତିନିଧି କବିରାଜ ଗୌଡ଼ ଓ ଏନ୍ଏସି ପ୍ରତିନିଧି ବସନ୍ତ ଦଳେଇ , ଜିତେନ୍ଦ୍ର ନାୟକଙ୍କ ସମେତ ଅନେକ କର୍ମକର୍ତ୍ତା ଓ କର୍ମୀ ଯୋଗ ଦେଇଥିଲେ ।
