ଗୌତମ ବୁଦ୍ଧ ଙ୍କୁ ନେଇ ଆମେ ଇତିହାସ ରେ ଅନେକ କଥା ପଢ଼ିଛୁ । ଯାହା ଆମକୁ ଗୋଟିଏ ଆଦର୍ଶ ଜୀବନ ଅତିବାହିତ କରିବା ପାଇଁ ପ୍ରବର୍ତ୍ତାଇ ଥାଏ । ଗୌତମ ବୁଦ୍ଧ ଙ୍କୁ ମଧ୍ୟ ଭଗବାନ ବିଷ୍ଣୁ ଙ୍କ ର ଗୋଟିଏ ଅବତାର ଭାବରେ ହିନ୍ଦୁ ଧର୍ମରେ ଗ୍ରହଣ କରାଯାଏ । ବୁଦ୍ଧ ଦେବ ସାକ୍ୟ ବଂଶ ର ରାଜା ଶୁଦ୍ଧୋଦନ ଓ ରାଣୀ ମାୟା ଦେବୀ ଙ୍କ ସନ୍ତାନ ଥିଲେ । ସେ ଲୁମ୍ବିନୀ ବନରେ ଜନ୍ମ ନେଇଥିଲେ ଓ ବାଲ୍ୟ କାଳରେ ତାଙ୍କ ନାମ ସିଦ୍ଧାର୍ଥ ଥିଲା । ମାନ୍ୟତା ରହିଛି ଯେ ଯେତେବେଳେ ରାଣୀ ମାୟା ଦେବୀ ଗର୍ଭବତୀ ଥିଲେ , ସେତେବେଳେ ତାଙ୍କୁ ସ୍ବପ୍ନ ରେ ଗୋଟିଏ ୬ଟି ଦାନ୍ତ ଥିବା ଧଳା ହାତୀ ଦେଖି ଥିଲେ ଯିଏ କି ତାଙ୍କ ଗର୍ଭ ରେ ପ୍ରବେଶ କରୁଥିଲା । ଅନ୍ୟ ପକ୍ଷରେ ରାଜକୁମାରୀ ଯଶୋଧାରା ଇକ୍ଷାକୁ ବଂଶ ଓ କୋଲିୟ ବଂଶ ର ରାଜା ସୂପା ବୁଧ ଓ ରାଣୀ ପାମୀତା ଙ୍କ କନ୍ୟା ଥିଲେ , ସେ ଦେଖିବାକୁ ସୁନ୍ଦରୀ ଥିଲେ । ପିଲାଟି ଦିନରୁ ସିଦ୍ଧାର୍ଥ ଙ୍କ ର ସଂସାର ଓ ସାଂସାରିକ ଜୀବନ ପ୍ରତି କୌଣସି ଆକର୍ଷଣ ନଥିଲା । ପିଲାଟି ଦିନରୁ ଜୀବଜନ୍ତୁ ଙ୍କ ପ୍ରତି ଖୁବ୍ ଦୟା ଶିଳ ଥିଲେ ।
ଏହାକୁ ଦେଖି ତାଙ୍କ ପିତା ତାଙ୍କୁ ଶୀଘ୍ର ବିବାହ କରିବା ପାଇଁ ଚିନ୍ତା କଲେ । ତେଣୁ ମାତ୍ର ୧୬ ବର୍ଷ ଆୟୁ ରେ ଯଶୋଧାରା ଓ ସିଦ୍ଧାର୍ଥ ଙ୍କ ବିବାହ ହୋଇଥିଲା । ଯଶୋଧାରା ଓ ସିଦ୍ଧାର୍ଥ ନିଜ ର ଦୁଃଖ ସୁଖ ବାଣ୍ଟି ଜୀବନ ଅତିବାହିତ କରିବାକୁ ଲାଗିଲେ ଯଶୋଧାରା ମଧ୍ୟ ଜାଣି ପାରିଥିଲେ ଯେ ସିଦ୍ଧାର୍ଥ ଙ୍କ ର ରାଜକୀୟ ଜୀବନ ପ୍ରତି କୌଣସି ଆସକ୍ତି ଭାବ ନାହିଁ । ସିଦ୍ଧାର୍ଥ ସର୍ବଦା ଗୋଟିଏ ଅଦ୍ଭୁତ ଭବନରେ ରହୁଥିଲେ , ତାଙ୍କ ମନରେ ନା ଥିଲା ରାଜ୍ୟ ଜୟକରିବର ଲାଳସା , ନା ଥିଲା ଜୀବନ କୁ ଉପଭୋଗ କରିବାର ବାସନା, ସର୍ବଦା ଶାନ୍ତ ସ୍ଵଭାବ । ବିବାହ ର ୧୩ ବର୍ଷ ପରେ ଯଶୋଧାରା ଗୋଟିଏ ପୁତ୍ର ସନ୍ତାନ କୁ ଜନ୍ମ ଦେଇଥିଲେ , ଯାହାର ନାମ ରାହୁଳ ରଖା ଯାଇଥିଲା । ପୁତ୍ର ର ଜନ୍ମ ପରେ ସିଦ୍ଧାର୍ଥ ରାଜକୀୟ ଜୀବନ କୁ ତ୍ୟାଗ କରି ଆତ୍ମଜ୍ଞାନ ର ସନ୍ଧାନ ରେ ଚାଲିଲେ ।
