ଈୁବନ (ପୂର୍ଣ୍ଣଚନ୍ଦ୍ର ସାହୁ) ଢେଙ୍କାନାଳ ଜିଲ୍ଲା ଭୁବନ ଦେଇ ଯାଇଥିବା ଜାତୀୟ ରାଜପଥ ୫୩ ଓ ଅନୁଗୁଳ ସୁକିନ୍ଦା ରେଳପଥ ଦ୍ୱାର ବ୍ୟାପକ ଭାବେ କ୍ଷତିଗ୍ରସ୍ତ ହୋଉଥିବା ଗଡନୃସିଂହପ୍ରସାଦ ମା ମଙ୍ଗଳା ଗ୍ରାମ୍ୟ ମଙ୍ଗଳ କମିଟି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ରେ ପ୍ରକାଶ କରିଛନ୍ତି । ରେଳପ୍ରକ୍ଲପ ପାଇଁ ଏହି ଗ୍ରାମଟି ଦୁଇ ଭାଗରେ ବିଭକ୍ତି କରୁଛି । ଗୋଟିଏ ପାଶ୍ୱରେ ଧାଇ କେନ୍ଦ୍ର , ୧୫୦୦ ହେକ୍ଟର ଜମି ପଚାଂୟତ କାର୍ଯ୍ୟାଳୟ , ଆର.ଆଇଅଫିସ , ଅନ୍ୟ ପଟେ ପଚାଂୟତ ହାଇସ୍କୁଲ , ମେଡିକାଲ , ମହାବିଦ୍ୟାଳୟ , ପଶୁସଂପଦ କାର୍ଯ୍ୟାଳୟ ,ଗ୍ରୀଡଷ୍ଟେସନ , ଡମଶାଳ ଆଶ୍ରମ ସ୍କୁଲ , ବାରୁଆଁ ହାଟ , ଟାଟା ହାଟ , ଧଳପଡା , ବାରୁଆଁ, ଓଡିଶ , ପଚାଂୟତର ସଂପୂର୍ଣ୍ଣ ଜନ ବସତି ରହିଛି । ଗଡନୃସିଂହପ୍ରସାଦ ଛକ ଠାରେ ଓଭରବ୍ରଜ ନିର୍ମାଣ କରାଯାଇଥିଲେ ଏହି ସମସ୍ୟା ହୋଇନଥାନ୍ତା । ଏହା ସେହି ଛକ ଠାରୁ ପ୍ରାୟ ୫୦୦ ମିଟର ଦୂରରେ ପଳାଶପିଠିଆ ଠାରେ ନିର୍ମାଣ କାର୍ଯ୍ୟ ଚାଲୁଛି । ଏହି କାର୍ଯ୍ୟର ଭୁବନ ପଟରୁ ଜିରୋ ପଏଣ୍ଟ ଛକ ଠାରୁ ପୂର୍ବକୁ ୨୦୦ମିଟର ରହୁଛି । ତେଣୁ ସର୍ଭେରେ ତୃଟିଥିବା ଅଭିଯୋଗ ହୋଇଛି । ଏନେଇ ମଙ୍ଗଳ କମିଟି ପକ୍ଷରୁ ୪ ଦଫା ଦାବି କରାଯାଇଛି । ଆଗାମୀ ୨୩ ତାରିଖ ମଧ୍ୟରେ ପ୍ରଶାସନିକ ଅଧିକାରୀ ଗ୍ରାମବାସୀଙ୍କ ନିକଟରେ ଉପସ୍ଥିତ ହୋଇ ସମାଧାନର ବାଟ ବାହାର କରାନଗଲେ ଆନେ୍ଦାଳନାତ୍ମକ ପନ୍ଥାକୁ ଆପଣାଇବାକୁ ବାଧ୍ୟ ହେବେ ବୋଲି ଜଣାଇଛନ୍ତି ।
କଣକୁହନ୍ତି ଗ୍ରାମବାସୀ – ଗଡନୃସିଂହପ୍ରସାଦ ଏକ କୃଷିବହୁଳ ଗ୍ରାମ । ଚାଷ କଲେ ପେଟ ପୋଷନ୍ତି । ଚାଷୀଙ୍କ ଶସ୍ୟ କିଭଳି ଖଲାକୁ ଆସିବ ସେ ନେଇ ଗଳି ପୋଲ ରେଳ ବିଭାଗ ପକ୍ଷରୁ କରାଯିବା ଆବଶ୍ୟକ ରହିଛି । ଚାଷୀଙ୍କ ଜମିକୁ କିଭଳି ପାଣି ଯିବ ସେ ନେଇ ବିଭାଗ ପକ୍ଷରୁ ୩ଟି ହୋମପାଇପି କଲଭଟ ନିର୍ମାଣ କରାଯାଇଛି କୁହନ୍ତି ଚାଷୀ ପ୍ରସନ୍ନ ସାହୁ
ଗଡନୃସିଂହପ୍ରସାଦ ଭଳି ଗ୍ରାମର ପ୍ରମୁଖ ଦାବିକୁ ପ୍ରଶାସନ ଅଣଦଖୋ କରିଛି । ଯେଉଁଠାରେ ରେଳ ଗଳିପୋଲ କରିବା କଥା କରୁନାହିଁ । ଫଳରେ ଲୋକେ ଶସ୍ୟ ଅମଳରେ ଅହେତୁକ ଅସୁବିଧାର ସମ୍ମୁଖୀନ ହେବେ । ଆଉ ଜାତୀୟ ରାଜପଥ ୫୩ ରେ ଭୁଲ ସର୍ଭେ ଯୋଗୁ ଓଭରବ୍ରିଜ ଯେଊଁଠାରେ ହେବା କଥା ସେଠାରେ ନହୋଇ ୫୦୦ମିଟର ପଶ୍ଛିମକୁ ହେବାକୁ ଯାଉଛି । ଯଦ୍ୱାରା ଲୋକେ ବହୁ ହଇରାଣ ହେଲାଭଳି ଜଣାପଡୁଛି । ରାଜ୍ୟ ଏବଂ କେନ୍ଦ୍ର ସରକାର ଏଥିପ୍ରତି ସ୍ୱତନ୍ତ୍ର ଧ୍ୟାନ ଦେବା ଦରକାର । ନଚେତ ଜନତା ୨୩ ତାରିଖ ଠାରୁ ରସ୍ତାକୁ ଓହ୍ଲାଇବେ କୁହନ୍ତି କମିଟି ଉପଦେଷ୍ଠା ତଥା କାମାକ୍ଷାନଗର ବିଧାୟକ ପ୍ରାର୍ଥୀ ଶତୃଘ୍ନ ଜେନା ।
ଆମ ଗାଁ ଗଡନୃସିଂହପ୍ରସାଦ । ସ୍ୱାଭିମାନ ସଂପନ୍ନ ଗ୍ରାମ । ଏହି ଗାଁକୁ ନିର୍ମାଣାଧିନ ରେଳପଥ ଓ ଜାତୀୟ ରାଜପଥ ସଂପୂର୍ଣ୍ଣ ଭାବେ ତିନି ଭାଗରେ ବିଭକ୍ତ କରୁଛି । ୧୫୦୦ହେକ୍ଟର ଚାଷୀ ଜମିକୁ ଜଳ ରାସ୍ଥାରେ ରେଳ ବିଭାଗ ସହଯୋଗ ମିଳିଛି । କିନ୍ତୁ ଉତ୍ପାଦିତ ଶସ୍ୟଖଳାକୁ ନେବାକୁ ବାଟ ନାହିଁ । ଆମକୁ ବାଟ ଦିଅନ୍ତୁ । ଆଉ ଜାତୀୟ ରାଜପଥ ୫୩ କଥା ନକହିବା ଭଳ । ସରକାର କି ସର୍ଭେ କଲେ ଯେ ଗୋଡା ଛକରେ ହେବାକୁ ଥିବା ଓଭରବ୍ରଜ କିଭଳି ଆଉ୫୦୦ମିଟର ଆଗକୁ ଚାଲିଯାଇଛି । ଫଳରେ ଅଚଂଳର ଜନତା ବାସ୍ତବରେ ଅସୁବିଧା ଭୋଗିବେ । ପ୍ରଶାସନିକ ଅଧରକାରୀ ଆମ କଥା ଶୁଣନ୍ତୁ ନଚେତ ନିର୍ମାଣ ବନ୍ଦ କରିବୁ । ରାଜରାସ୍ତା କୁ ଓହ୍ଲାଇବୁ । ବୋଲି କୁହନ୍ତି ଗଡନୃସିଂହପ୍ରସାଦ ମା ମଙ୍ଗଳା ଗ୍ରାମ୍ୟ ମଙ୍ଗଳ କମିଟିର ଆବାହକ ବିଭୁତି ମହାନ୍ତି
ଆମ ପଚାଂୟତ ର ମୁଖ୍ୟକାର୍ଯ୍ୟାଳୟ ହେଉଛି ସଂସ୍କୃତି ସଂପନ୍ନ ଗ୍ରାମ ଗୃନୃସିଂହପ୍ରସାଦ । ଏଠାରେ ବସବାସ କରୁଥିବା ଜନତା କୁଦାବିକୁ ସରକାର ମାନିନେବା ଉଚିତ । କାହିଁକି ନା ରେଳପଥ ଓ ଜାତୀୟ ରାଜପଥ ଏହି ଗ୍ରାମକୁ ତିନି ଭାଗରେ ବିଭକ୍ତ କରୁଛି । ବାସ୍ତବରେ ଗ୍ରାମବାସୀଙ୍କୁ ନେଇ ପଲ୍ଲୀ ସଭା ହୋଇନାହିଁ । ପୂର୍ବ ରୁ ନିର୍ବାଚିତ ପ୍ରତିନିଧି ଏହାକୁ ଲୋକ ଲୋଚନକୁ ଆଣିବା କଥା । ତେବେ ଜନତାଙ୍କୁ ସମସ୍ୟାକୁ ଆଖିରେ ରଖି ପ୍ରଶାସନ ସମାଧାନର ବାଟ ବାହାର କରିବା ଦରକାର ବୋଲି କୁହନ୍ତି ସରପଚଂ ତପନ କୁମାର କୁଅଁର
ଗାଁ ଟି ମୋର ସରଗପୁର । ଗ୍ରାମବାସୀ ମୋ ଇଶ୍ୱର । ତାଙ୍କ ଅସୁବିଧାରେ ମୁଁ ସମଭାଗୀ । ମୋ ପୈତୃକ ଜମି ସହିତ ଗ୍ରାମର ପ୍ରାୟ ୧୫୦୦ ହେକ୍ଟର ଜମି ରୁ ଶସ୍ୟ ଅମଳ ପରେ ଅମଳ ପାଇଁ ଅଣାଯାଇ ପାରିବ ନାହିଁ । ଗ୍ରାମବସୀ କ୍ଷତିଗ୍ରସ୍ତ ହେବେ । ଜାତୀୟ ରାଜପଥ ର ଓଭରବ୍ରିଜ ସର୍ଭେ ଭ୍ରମାତ୍ନକ । ପ୍ରଶାସନ ଗ୍ରାମବାସୀଙ୍କ ଦାବିକୁ ଅଣଦେଖା କଲେ ଅସୁବିଧାରେ ପଡିବ । ତେଣୁ ଆଗାମୀ ୧୫ଦିନ ମଧ୍ୟରେ ସମାଧାନ ର ପ୍ରତିଶୃତି ଅବସମ୍ଭାବୀ ନଚେତ ଆନେ୍ଦାଳନ ସିରୋଧାର୍ଯ୍ୟ ବୋଲି କୁହନ୍ତି ପୂର୍ବତନ ବ୍ଲକ ଅଧକ୍ଷ ତଥା ଗ୍ରାମବାସୀ ପ୍ରେମାନନ୍ଦ ଜେନା
