ଭଞ୍ଜନଗର : ଅନାସ୍ଥା ଭୋଟରେ ହାରିଲେ ମୁଜାଗଡ ସରପଞ୍ଚ ସୁକାନ୍ତି ସେଠୀ। ଭଞ୍ଜନଗର ବ୍ଲକ ଅନ୍ତର୍ଗତ ମୁଜାଗଡ ପଞ୍ଚାୟତ ର ସରପଞ୍ଚ ସୁକାନ୍ତି ସେଠୀ ଶୁକ୍ରବାର ତାଙ୍କ ବିରୁଦ୍ଧରେ ଆସିଥିବା ଅନାସ୍ଥା ଭୋଟର ସାମନା କରିପାରି ନଥିଲେ। ଭଞ୍ଜନଗର ତହସିଲଦାର ଉମାଶଙ୍କର ବେହେରା ନିର୍ବାଚନ ଅଧିକାରୀ ଭାବେ ଦାୟିତ୍ୱ ନିର୍ବାହ କରିଥିଲେ। ଶୁକ୍ରବାର ସକାଳ ୧୧ଟା ରେ ଭୋଟ ଗ୍ରହଣ ଆରମ୍ଭ ହେବାମାତ୍ରେ ମୋଟ ୧୨ ଜଣ ଓ୍ବାର୍ଡ ସଭ୍ୟ ଏକାଥରକେ ପଞ୍ଚାୟତ କାର୍ଯ୍ୟାଳୟ ରେ ପ୍ରବେଶ କରି ସରପଞ୍ଚ ଙ୍କ ବିରୁଦ୍ଧରେ ଆସିଥିବା ଅନାସ୍ଥା ସପକ୍ଷରେ ଭୋଟ ଦେଇଥିଲେ। ଏଠାରେ ମୋଟ ୧୫ ଓ୍ବାର୍ଡ ରହିଥିବା ବେଳେ ୧୨ ଜଣ ସରପଞ୍ଚ ଙ୍କ ବିରୁଦ୍ଧରେ ଭୋଟ ଦେଇଥିବା ବେଳେ ସରପଞ୍ଚ ଓ ଅନ୍ୟ ଓ୍ବାର୍ଡ ସଭ୍ୟ ଭୋଟଦାନ ରୁ ବିରତ ରହିଥିଲେ। ତେବେ ଏସଂପର୍କରେ ଜିଲ୍ଲାପାଳ ବିଧିବଦ୍ଧ ଭାବେ ନୋଟିଫିକେସନ୍ କରିବା ପରେ ହିଁ ସରପଞ୍ଚ ତାଙ୍କ ପଦବୀ ହରାଇବେ ବୋଲି ତହସିଲଦାର ଉମାଶଙ୍କର ବେହେରା ସୂଚନା ଦେଇଛନ୍ତି। ଅପରପକ୍ଷରେ ମୁଜାଗଡ ରେ ବିଜେପି ପକ୍ଷରୁ ଶୁକ୍ରବାର ବିଜୟ ଉତ୍ସବ ପାଳନ କରାଯାଇଥିବା ଦେଖିବାକୁ ମିଳିଥିଲା।
