ବେତନଟୀ : ବେତନଟୀ ବ୍ଲକ ବୈଶିଙ୍ଗା ଥାନା ଅଧୀନ କେଶୁରା ଫୁଟବଲ ପଡିଆଠାରେ ଦ୍ବି ଦିବସୀୟ ସୁକୁଲ ମୁର୍ମୁ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି | ଟୁର୍ଣ୍ଣାମେଣ୍ଟରେ ବିଭିନ୍ନ ସ୍ଥାନରୁ ୧୬ଟି ଦଳ ଅଂଶଗ୍ରହଣ କରିଥିବା ବେଳେ ଫାଇନାଲ ଖେଳ ରୂପସାର ଯୋଗୀ ଦ୍ବାରଶୁଣୀ ଫୁଟବଲ ଟିମ ଓ ନୂଆଗାଁର ରାବଣରାଜ ଫୁଟବଲ ଟିମ ମଧ୍ୟରେ ଅନୁଷ୍ଠିତ ହୋଇଥିଲା | ସଂଘର୍ଷପୂର୍ଣ୍ଣ ଫାଇନାଲ ମ୍ୟାଚରେ ରୂପସାର ଯୋଗୀ ଦ୍ବାରଶୁଣୀ ଫୁଟବଲ ଟିମ ୪=୩ ଗୋଲରେ ନୂଆଗାଁର ରାବଣ ରାଜ ଫୁଟବଲ ଟିମକୁ ପରାସ୍ତ କରି ଚମ୍ପିଆନ ହୋଇଥିଲା | ଫାଇନାଲରେ ବିଜୟୀ ଦଳକୁ ୨୫ ହଜାର ଓ ପରାଜିତ ଦଳକୁ ୨୦ ହଜାର ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା | ପ୍ରଥମ ଦିନ ସନ୍ତୋଷ କୁମାର ରାଉତ ଓ ଦିଲ୍ଲୀପ କୁମାର ପ୍ରଧାନ ଏବଂ ଦ୍ବିତୀୟ ଦିନ ଗୋପାଲ ମୁର୍ମୁ ଓ ବୁଦ୍ଧଦେବ ମୁର୍ମୁ ଖେଳ ପରିଚାଳନା କରିଥିଲେ | ବର୍ଷା ସତ୍ତ୍ବେ ପ୍ରବଳ ଜନସମାଗମ ହୋଇଥିଲା | ଖେଳ ଆୟୋଜନରେ ପାର୍ବତୀ ମୁର୍ମୁ, ଲକ୍ଷ୍ମଣ ମୁର୍ମୁ, ହେମନ୍ତ ମୁର୍ମୁ, ରାମ କିସ୍କୁ, ହରି ମାରାଣ୍ଡି, ରାଜୁ ମୁର୍ମୁ, ଗଣେଶ ମୁର୍ମୁ, ମଙ୍ଗଲ ମୁର୍ମୁ, ବଳରାମ ମାରାଣ୍ଡି, ରମେଶ ଚନ୍ଦ୍ର ମାଝି ଓ ବାର୍ସା ହାଁସଦାଃ ସହଯୋଗ କରିଥିଲେ |
