ବେତନଟୀ : ନିଜ ଗାଡି ଏବଂ ଘରେ ନିଜେ ମାଲିକ ଲଗାଇଲେ ନିଆଁ । ମିଳିଥିବା ସୂଚନା ମୁତାବକ ହାତୀଝୁରୀ ଗ୍ରାମର ଅମୁଲ୍ୟ ସେଠୀଙ୍କ ପୁଅ ଦୀପକ ଙ୍କର ମାନସିକ ସନ୍ତୁଳନ ଠିକ ରହୁନଥିବାରୁ ସେ ଦୀର୍ଘଦିନ ହେବ ଚିକିତ୍ସାଧୀନ ରହି ନିୟମିତ ଔଷଧ ସେବନ କରୁଥିଲେ ଓ ବାଙ୍ଗାଲୋରରେ କାମ କରୁଥିଲେ l ହେଲେ ଏଇ ୬ମାସ ପୂର୍ବରୁ ସେ ଆସି ଘରେ ନିଜ ବାପା ମାଆ ଓ ସାନ ଭାଇ ଭଉଣୀଙ୍କ ସହିତ ରହୁଥିଲେ l ଇତିମଧ୍ୟରେ ସେ ତାଙ୍କର ଔଷଧ ସେବନରେ ଅନିୟମିତତା କରିଥିଲେ l ଯୋଉଁଥିପାଇଁ ତାଙ୍କ ମାନସିକ ସନ୍ତୁଳନ ପ୍ରାୟତଃ ଠିକ ରହୁନଥିଲା l ସେ କାହାକୁ କେତେବେଳେ କଣ କହୁଥିଲେ ନିଜେ ବି ଜାଣି ପାରୁନଥିଲେ l ତେବେ ମଙ୍ଗଳବାର ଅପରାହ୍ନରେ ସେ ଉତ୍ୟକ୍ତ ହୋଇ ଘର ବାହାରେ ଛିଡା ହୋଇଥିବା ତାଙ୍କ ନିଜ ହିରୋ ବାଇକରେ ନିଆଁ ଲଗେଇ ଦେଇଥିଲେ ଓ ଘର ଭିତରେ ଥିବା ଲୁଗାପଟାରେ ମଧ୍ୟ ନିଆଁ ଲଗେଇ ଦେଇଥିଲେ l ଘର ନିଆଁକୁ ପରିବାର ଲୋକ ଆୟତ୍ତ କରିନେଇଥିବାବେଳେ ଘର ବାହାରେ ବାଇକଟି ହୁତୁହୁତୁ ହୋଇ ଜଳି ଉଠିଥିଲା l ସ୍ଥାନୀୟ ଲୋକ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର ଦେବାପରେ ଅଗ୍ନିଶମ ବାହିନୀ ଆସି ଦମକଳ ଗାଡି ସହାୟତାରେ ଗାଡିରେ ଲାଗିଥିବା ନିଆଁକୁ ଆୟତ୍ତ କରିଥିଲେ, ହେଲେ ସେତେବେଳକୁ ଗାଡିଟି ସମ୍ପୂର୍ଣ୍ଣ ପୋଡି ନଷ୍ଟ ହୋଇଯାଇଥିଲା l
