ବେତନଟୀ : ବୈଶିଙ୍ଗା ଥାନା ଅଧୀନ ୧୮ ନଂ ଜାତୀୟ ରାଜପଥର ଗଡ଼ଦେଉଳିଆ ଛକ ନିକଟରେ ଥିବା ଡାଇଭରସନ ଠାରେ ମଙ୍ଗଳବାର ସନ୍ଧ୍ୟା ସମୟରେ ଏକ ସାଇକେଲ ସହିତ ବାଇକ୍ ଆରୋହୀଙ୍କର ଧକ୍କା ହେବା ଫଳରେ ବାଇକରେ ବସିଥିବା ଯୁବତୀ ଓ ସାଇକେଲରେ ଯାଉଥିବା ବୃଦ୍ଧ ଗୁରୁତର ଭାବେ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତରିତ ହୋଇଥିବା ଜଣାଯାଇଛି l ଖବର ରୁ ପ୍ରକାଶ କଳମା ବନ୍ଧସାହି ଗ୍ରାମ ର ଶ୍ରୀଧର ମାଝୀ ନିଜ ସାଇକେଲ ଯୋଗେ ଗଡ଼ଦେଉଳିଆ ହାଟରୁ ରଙ୍ଗ ରୋଡ଼ରେ ନିଜ ଗ୍ରାମକୁ ଫେରୁଥିବା ବେଳେ ହଠାତ ଆଗପଛ ନଦେଖି ଡାଇଭରସନରେ ରାସ୍ତା ପାର କରୁଥିଲେ l ଠିକ ସେହି ସମୟରେ ବାଲେଶ୍ୱରରୁ ବାରିପଦା ଅଭିମୁଖେ ନିଜ ଏମଜେ–୧୪ଜେସି- ୨୮୨୪ ନଂ ବିଶିଷ୍ଟ ବାଇକରେ ଯାଉଥିବା ବାଲେଶ୍ୱର ନୁଆସାହି ଅଞ୍ଚଳର ପ୍ରଭୁପଦ ନାୟକ ଓ ତାଙ୍କ ସମ୍ପର୍କୀୟ ଭଉଣୀ ସ୍ୱାତୀ ପୁହାଣ ଉକ୍ତ ସାଇକେଲକୁ ଧକ୍କା ଦେଇଥିଲେ l ବାଇକ ଆରୋହୀ ସାମାନ୍ୟ ଆହତ ହୋଇଥିବାବେଳେ ପଛରେ ବସିଥିବା ଯୁବତୀ ଏବଂ ସାଇକେଲ ଆରୋହୀ ବୃଦ୍ଧ ଗୁରୁତର ହୋଇ ରାସ୍ତାରେ ପଡିରହିଥିଲେ। ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ବାଲେଶ୍ଵର ଜିଲ୍ଲା ମୂଖ୍ୟ ଚିକିତ୍ସାଳୟକୁ ପଠାଇ ଦେଇଥିଲେ l
