ବେତନଟୀ: ବୈଶିଙ୍ଗା ଥାନା ଅନ୍ତର୍ଗତ କଳମା ପଞ୍ଚାୟତର ବନ୍ଧସାହି ଗ୍ରାମରେ ଆଜି ଅପରାହ୍ନରେ ବଜ୍ରପାତ ଯୋଗୁଁ ଜନୈକା ମହିଳାଙ୍କର ମୃତ୍ୟୁ ହୋଇଯାଇଥିବା ଜଣାଯାଇଛି। ପ୍ରାପ୍ତ ସୂଚନା ମୁତାବକ ବନ୍ଧସାହି ଗ୍ରାମ ର ସ୍ଵର୍ଗତ ସୁନ୍ଦରା ମାଝୀଙ୍କ ବିଧବା ପତ୍ନୀ ଚୁନାମଣୀ ମାଝୀ(୬୪) ଅପରାହ୍ନ ଚାରିଟା ସମୟରେ ଘର ପିଣ୍ଡାରେ ବସିଥିବା ବେଳେ ବଜ୍ରାଘାତର ଶୀକାର ହୋଇଥିଲେ। ମୃତା ଚୁନାମଣୀ ଙ୍କ ଦୁଇପୁଅ ଓ ଗୋଟିଏ ଝିଅ ବାହା ହୋଇ ସାରିଥିବା ବେଳେ ବଡପୁଅ ମଧ୍ୟ ପୂର୍ବରୁ ମୃତ୍ୟୁବରଣ କରିଛନ୍ତି। ସାନପୁଅ କାମ କରିବାକୁ ଯାଇଥିବା ବେଳେ ଘରେ କେହି ନ ଥିଲେ। ପଡିଶା ଲୋକେ ଆସି ଦେଖନ୍ତି ସେ ମରିଯାଇଛନ୍ତି। ସାନ ପୁଅ ଆସିବା ପରେ ମୃତା ମାଆ ଚୁନାମଣୀ କୁ ବୈଶିଙ୍ଗା ଡାକ୍ତରଖାନା ଆଣିବା ସହିତ ଥାନାକୁ ଖବର ଦେଇଥିଲେ। ପୋଲିସ ରବିବାର ସକାଳେ ବ୍ୟବଚ୍ଛେଦ ପାଇଁ ପଠାଇବ ବୋଲି ସୂଚନା ମିଳିଛି।
