Odisha news

ବିପୁଳ ପରିମାଣର କାଠ ସହ ଟାଟା ଏସି ବ୍ରହ୍ମପୁର ବନଖଣ୍ଡ ପକ୍ଷରୁ ଜବତ

0
ବ୍ରହ୍ମପୁର :  ବ୍ରହ୍ମପୁର ବନଖଣ୍ଡ ପକ୍ଷରୁ ଗୋଳନ୍ଥରା ଥାନା ଅନ୍ତର୍ଗତ ଝାଟିପଦର ପଞ୍ଚାୟତ ଅଫିସ ନିକଟରୁ ଏକ ଟାଟା ଏସି ଗାଡି ସହିତ ବିପୁଳ ପରିମାଣର କାଠଜବତ କରାଯାଇଛି । ସୂଚନା ମୁତାବକ ବ୍ରହ୍ମପୁର ବନଖଣ୍ଡ ଅଧିକାରୀ ସନି ଖୋଖରଙ୍କ ନିର୍ଦ୍ଦେଶକ୍ରମେ ବ୍ରହ୍ମପୁର ବନାଞ୍ଚଳ ଓ ବନଖଣ୍ଡର ଭିଜିଲାନ୍ସ ଟିମ ରାତ୍ର ପେଟ୍ରୋଲିଂ କରୁଥିଲେ । ଏହି ସମୟରେ ଝାଟିପଦର ନିକଟରେ ଏକ ଗାଡି କାଠ ନେଇ ଯାଉଥିବା ବେଳେ ଅଟକ ରଖି ଯାଞ୍ଚ କରିଥିଲେ।   ଉକ୍ତ ଗାଡିକୁ ଅଟକାଇବା ପାଇଁ ଚେଷ୍ଟା କରିବା ସମୟରେ ଚାଲକ ଜଣଙ୍କ ଗାଡି ଛାଡି ଫେରାର ହୋଇଯାଇଥିଲେ ।  ଏହାପରେ ଉକ୍ତ ସ୍ଥାନରୁ ଗୋଟିଏ ଟାଟା ଏସି ଗାଡି (ଏପି ୩୦ ଡବ୍ଲୁ ୧୭୨୭) ସମେତ ୩୩ ଘନପୁଟ ବିଭିନ୍ନ ଦାମୀ କାଠକୁ ଜବତ କରିଛି ।  ଏହି ଚଢାଉରେ ଟାମଣା ବନପାଳ ରୁପକ ପ୍ରଧାନ, ଭିଜିଲାନ୍ସ ୱିଙ୍ଗର ବନପାଳ ଏନ ବାଲାଜି, ବ୍ରହ୍ମପୁର ବନପାଳ ବାବୁ ସେଠୀଙ୍କ ସମେତ ବନରକ୍ଷୀ ଉମା ପାତ୍ର, ଜୟକୃଷ୍ଣ ବେହେରାଙ୍କ ସମେତ ବହୁ ବନକର୍ମଚାରୀ ସାମିଲ ଥିଲେ । ଜବତ କାଠର ଆନୁମାନିକ ବଜାର ମୁଲ୍ୟ ୨ ଲକ୍ଷ ଟଙ୍କାରୁ ଉର୍ଦ୍ଧ ହୋଇଥିବା ବେଳେ ଏ ନେଇ ୧୩/୨୦୨୨-୨୩ ରେ ଏକ ମାମଲା ରୁଜୁ କରାଯାଇଥିବା ବେଳେ ଅଧିକ ତଦନ୍ତ ଜାରି ରହିଥିବା କହିଛନ୍ତି ବ୍ରହ୍ମପୁର ବନାଞ୍ଚଳ ଅଧିକାରୀ ରଜତ କୁମାର ମିଶ୍ର
Leave A Reply