ଝରକା ତାଡି ମହିଳାଙ୍କ ଘରୁ ଚୋରୀ ଘଟଣାର ଅଭିଯୁକ୍ତ ଗିରଫ । ଗିରଫ କଲା ମଞ୍ଚେଶ୍ୱର ଥାନା ପୁଲିସ । ଲୁଟେରା ଠାରୁ ପୁଲିସ ୨ ଲକ୍ଷ ଟଙ୍କାର ସୁନା ଅଳଙ୍କାର ଜବତ କରିଛି । ଗିରଫ ଅଭିଯୁକ୍ତ ହେଲା ଝରଣା ବସ୍ତିର ଗଜେନ୍ଦ୍ର ପରିଡ଼ା । ଶନିବାର କୋର୍ଟ ଚାଲାଣ କରାଯାଇଛି ।
ସୂଚନା ଥାଉକି, ଗତ ୨୭ ତାରିଖ ବିଳମ୍ବିତ ରାତିରେ ମଞ୍ଚେଶ୍ୱର ଥାନା ଅଧିନ ଝରଣା ବସ୍ତିରୁ ଜଣେ ଲିପି ସିଂ ନାମକ ମହିଳାଙ୍କ ଘରର ଝରକା ତାଡି ୨ ଲକ୍ଷ ଟଙ୍କାର ସୁନା ଗହଣା ଚୋରି ହୋଇଥିଲା ।
ସକାଳୁ ଏ ନେଇ ମହିଳା ଜଣକ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ମଞ୍ଚେଶ୍ୱର ଥାନା ପୁଲିସ ମାମଲା ରୁଜୁକରି ତଦନ୍ତ ଚଳାଇ ଅଭିଯୋଗର ୩ ଦିନ ଭିତରେ ଲୁଟେରାକୁ ଗିରଫ କରିଛି । ଗିରଫ ପରେ ତାଠାରୁ ଏକ ସୁନା ମଙ୍ଗଳସୁତ୍ର, ସୁନା ଚେନ୍, ୨ଟି ସୁନା ମୁଦି, ୨ଟି କାନ ଫୁଲ ଓ ସୁନା ଚୁଡି ଜବତ କରିଛି ।
