ରାଜ୍ୟର ଆୟୁର୍ବେଦ ଓ ହୋମିଓପ୍ୟାଥିକ କଲେଜରେ ସ୍ନାତକ ଓ ସ୍ନାତକୋତ୍ତର ଶିକ୍ଷା ସିଟ ବୃଦ୍ଧି ନେଇ ମୁଖ୍ୟମନ୍ତ୍ରୀ ଙ୍କୁ ସ୍ମାରକପତ୍ର

     ସେଭଳି ଭାବେ ବଲାଙ୍ଗୀର ସରକାରୀ ଆୟୁର୍ବେଦ କଲେଜରେ ରୋଗ ନିଦାନ ଓ ସଂହିତା ରେ ପ୍ରତେକ ରେ ମାତ୍ର ୫ଗୋଟି ଲେଖାଏଁ ମୋଟ ୧୦ଟି ସ୍ନାତକୋତ୍ତର (ପିଜି)ସିଟ ଥିବା ବେଳେ, ପୁରୀ ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟ ରେ କାୟ ଚିକିତ୍ସା (ମେଡ଼ିସିନ)ରେ ସାତ ଗୋଟି, ଶଲ୍ୟ ଚିକିତ୍ସା(ସର୍ଜରୀ) ରେ ତିନିଗୋଟି, ରସ ଶାସ୍ତ୍ର (ଫର୍ମାସୀ)ରେ ଦୁଇ ଗୋଟି, କୁମାର ଭୁତ୍ୟ (ପେଡ଼ିଆଟ୍ରିକ)ରେ ଦୁଇ ଗୋଟି, ପ୍ରସୂତି ତନ୍ତ୍ର(ଗାଇନକୋଲଜି) ରେ ଗୋଟିଏ ଏହି ଭଳି ମାତ୍ର୧୫ଗୋଟି  ସ୍ନାତକୋତ୍ତର(ପିଜି) ସିଟ ରହିଛି। ସେଭଳି  ରାଜ୍ୟର ମାତ୍ର ଗୋଟିଏ ହୋମିଓପ୍ୟାଥିକ କଲେଜ ଭୁବନେଶ୍ୱର ସ୍ଥିତ ଡ଼ା ଅଭିର୍ଣ୍ଣ ଚନ୍ଦ୍ର ହୋମିଓପ୍ୟାଥିକ ମେଡିକାଲ କଲେଜରେ ପୂର୍ବରୁ ମେଟେରିଆ ମେଡିକା, ଅର୍ଗାନନ ଅଫ ମେଡ଼ିସିନ, ,ଆନା ଟୋମି, ଫିଜିଓଲଲୋଜି ଆଣ୍ଡ ବାଇଓ କେମେଷ୍ଟ୍ରି ଆଦି ବିଭାଗ ରେ ପିଜ ସିଟ ଥିବା ବେଳେ ଆବଶ୍ୟକ ଭିତ୍ତିଭୂମି ଅଭାବ ଓ  ପ୍ରଶାସନିକ ଉଦାସୀନତା ରୁ ବର୍ତ୍ତମାନ କେଵଳ ବର୍ଷ କୁ ଚାରୋଟି ସିଟ ମେଟେରିଆ ମେଡିକା ରେ ସ୍ନାତକୋତ୍ତର ଡିଗ୍ରୀ ରହିଛି।ସେହିପରି ରାଜ୍ୟର ସୁନାମଧନ୍ୟ  ବହ୍ମପୁର ସ୍ଥିତ କବିରାଜ ଅନନ୍ତ ତ୍ରିପାଠୀ ଶର୍ମା ଆୟୁର୍ବେଦ ମହାବିଦ୍ୟାଳୟ ଓ ହସ୍ପିଟାଲରେ  ସ୍ନାତକୋତ୍ତର  ଶ୍ରେଣୀ ଅତିଶୀଘ୍ର ଖୋଲିବା ପାଇଁ ଓଡିଶା ଆୟୁଷ ବିକାଶ ପରିଷଦ ସମ୍ପାଦକ ଡ଼ା ତ୍ରୈଲୋକ୍ୟ ନାଥ ମହାରଣା ରାଜ୍ୟ ସରକାର ଓ କେନ୍ଦ୍ର ଆୟୁଷ ମନ୍ତ୍ରଣାଳୟ କୁ ପତ୍ର ଲେଖିବା ପରେ ୨୦୨୨-୨୩ ଶିକ୍ଷା ବର୍ଷ ରୁ ସେହି ଅନୁଷ୍ଠାନ ରେ ସ୍ନାତକୋତ୍ତର ଶିକ୍ଷା ପାଇଁ କେନ୍ଦ୍ର ଆୟୁଷ ମନ୍ତ୍ରଣାଳୟ ପତ୍ର ସଂଖ୍ୟା- ୧୪୦୧୪/୧୩୫/୨୦୨୦-Ep(1) ରେ କେନ୍ଦ୍ର ସବୁଜ ସଙ୍କେତ ପ୍ରଦାନ କରିଥିଲେ ମଧ୍ୟ ରାଜ୍ୟ ପ୍ରଶାସନିକ ଉଦାସୀନତା କାରଣରୁ  ଅଦ୍ୟାବଧି ସେଠାରେ  ସ୍ନାତକୋତ୍ତର ଶିକ୍ଷା ବ୍ୟବସ୍ଥା  ପୂର୍ଣ୍ଣାଙ୍ଗ ହୋଇ ପାରିନାହିଁ। ରାଜ୍ୟରେ ବିଭିନ୍ନ ଆୟୁର୍ବେଦ ଓ ହୋମିଓପ୍ୟାଥିକ କଲେଜରେ ଭିତ୍ତିଭୂମିର ଘୋର ଅଭାବ, ପ୍ରଫେସର ଙ୍କ ଅଭାବ ଯୋଗୁଁ ବାରମ୍ବାର ବିଭିନ୍ନ ବିଶ୍ୱବିଦ୍ୟାଳୟ ଓ ସେଣ୍ଟ୍ରାଲ କାଉନସେଲି ଅଫ ଇଣ୍ଡିଆନ ମେଡ଼ିସିନ ବୋର୍ଡ( ସି ସି ଆଇଏମ) ନିଜ ସ୍ୱୀକୃତି ପ୍ରତ୍ୟାହାର କରିନେବା ଦ୍ବାରା ରାଜ୍ୟରେ ଏହି ଶିକ୍ଷା ବ୍ୟବସ୍ଥା ବିପର୍ଯ୍ୟୟ ହୋଇ ପଡିଛି। ସରକାର ରାଜ୍ୟରେ ମେଡ଼ିକାଲ କଲେଜ ବୃଦ୍ଧି ପାଇଁ ଯେଉଁଭଳି ତତ୍ପରତା ଦେଖାଉଛନ୍ତି।ସେଇଭଳି ଆୟୁର୍ବେଦ ଓ ହୋମିଓପ୍ୟାଥିକ କଲେଜରେ ସିଟ ସଂଖ୍ୟ ବୃଦ୍ଧି ପାଇଁ ଉଦ୍ୟମ କରିବା ଜରୁରୀ ହୋଇ ପଡିଛି।ରାଜ୍ୟରେ ଏମ .ବି. ବି .ଏ ସ   ସିଟ ସଂଖ୍ୟ ସରକାରୀ ଭାବେ୧୪୫୦ ଓ ବେସରକାରୀ ସିଟ ସଂଖ୍ୟା୭୫୦ ଥିବାବେଳେଆୟୁର୍ବେଦ ଓ ହୋମିଓପ୍ୟାଥିକ ସିଟ ସଂଖ୍ୟା ମିସାଇ ମାତ୍ର ୩୮୧ ମଧ୍ୟରେ ସୀମିତ ରହିଛି। ସେଭଳି ସ୍ନାତକୋତ୍ତର ସିଟ ମାତ୍ର ୨୯ଗୋଟି ମଧ୍ୟରେ ସୀମିତ କାରଣରୁ ମେଧାବୀ ଛାତ୍ର ଛାତ୍ରୀ ରାଜ୍ୟରେ ପିଜି କରିବାକୁ ସୁଯୋଗ ପାଇ ପାରୁନାହାନ୍ତି।  ରାଜ୍ୟରେ ସ୍ନାତକୋତ୍ତର ଶିକ୍ଷକଙ୍କ ଅଭାବ ରୁ ରାଜ୍ୟର କଲେଜ ଗୁଡ଼ିକ ଶିକ୍ଷା ବ୍ୟବସ୍ଥା ବିପର୍ଯ୍ୟୟ ହୋଇପଡିଛି।ନିଟ ମାଧ୍ୟମରେ ଉତ୍ତୀର୍ଣ ମେଧାବୀ ଛାତ୍ର ଛାତ୍ରୀ ଏହି  ଶିକ୍ଷାବ୍ୟବସ୍ଥା ପ୍ରତି ରୁଚି ରଖୁଥିବା ବେଳେ ରାଜ୍ୟରେ ସ୍ନାତକ ଓ ସ୍ନାତକୋତ୍ତର ସିଟ ର ଅଭାବ, ପ୍ରତେକ ବର୍ଷ ସରକାରୀ ନିଯୁକ୍ତି ର ଅଭାବ ଆଦି କାରଣ ଯୋଗୁଁ ଅନ୍ୟ ରାଜ୍ୟ ଅପେକ୍ଷା ଓଡ଼ିଶା ରେ ଏହି ଚିକିତ୍ସା ବିପର୍ଯ୍ୟୟ ହୋଇପଡିଛ।ରାଜ୍ୟରେ ଆୟୁର୍ବେଦ ଓ ହୋମିଓପ୍ୟାଥିକ କଲେଜର ସ୍ନାତକ ଓ ସ୍ନାତକୋତ୍ତର  ଶିକ୍ଷା ସିଟ ବୃଦ୍ଧି ସହିତ ଏହି ଚିକିତ୍ସା ପଦ୍ଧତି ର ବିକାଶ ପାଇଁ ଉଚିତ ପଦକ୍ଷେପ ଗ୍ରହଣ କରିବାକୁ ଓଡିଶା ଆୟୁଷ ବିକାଶ ପରିଷଦ ପକ୍ଷରୁ  ସଂପାଦକ ଡ଼ା ତ୍ରୈଲୋକ୍ୟ ନାଥ ମହାରଣା  ରାଜ୍ୟ ମୁଖ୍ୟମନ୍ତ୍ରୀ ,ମୁଖ୍ୟ ଶାସନ ସଚିବ ,ଓ ଆୟୁଷ ନିର୍ଦେଶକ ଓ ସ୍ୱାସ୍ଥ୍ୟ ବିଭାଗ କୁ  ସ୍ମାରକପତ୍ର ପ୍ରଦାନ କରିଛନ୍ତି।