ବାରିପଦା : କବି ଅମିତାଭ ମିଶ୍ରଙ୍କ ଲିଖିତ ପୁସ୍ତକ “କବିତା କହ୍ଲାର” କବିଙ୍କ ୪୭ତମ ଜନ୍ମଦିବସ ଅବସରରେ ମୟୂରଭଞ୍ଜ ସାହିତ୍ୟ ଏକାଡେମୀ ପକ୍ଷରୁ ପ୍ରକାଶିତ ହୋଇଛି । ଏଥିପୂର୍ବରୁ କବି ମିଶ୍ରଙ୍କର ଲିଖିତ ପୁସ୍ତକ ସ୍ମୃତି ମଞ୍ଜୁଳା, ସୃଷ୍ଟି ସମଗ୍ର, ରୂପାନ୍ତର, ମଣିମାଣିକ୍ୟ, ଶିଶୁ : ମୋ ଦେଶର ଶିଶୁ, କବିତା କବରୀ ମହମହ ମାଟିର ମହଲ, ପ୍ରେମ, କବିତା କଳାପ ଓ ଟିକିଟିକି ତାରା ଫୁଲ ପ୍ରଭୃତି ପ୍ରକାଶିତ ହୋଇ ପାଠକୀୟ ସ୍ୱୀକୃତିଲାଭ କରିଛି ।
ମୟୂରଭଞ୍ଜ ସାହିତ୍ୟ ଏକାଡେମୀ ପୁସ୍ତକଟିର ପ୍ରକାଶନ ଦାୟିତ୍ୱ ବହନ କରିଥିବାରୁ ଏକାଡେମୀର ସମସ୍ତ ସଭ୍ୟସଭ୍ୟା ତଥା ଏହାର ସଭାପତି ଡଃ ସରୋଜ କୁମାର ନାୟକଙ୍କ ନିକଟରେ ଶ୍ରୀମିଶ୍ର କୃତଜ୍ଞତା ବ୍ୟକ୍ତ କରିଛନ୍ତି । ବାରିପଦା ସ୍ଥିତ ଗୋପବନ୍ଧୁ ସାହିତ୍ୟ ସଂସଦର ସମ୍ପାଦକ ଶ୍ରୀମିଶ୍ର ମହାରାଜା କୃଷ୍ଣଚନ୍ଦ୍ର ଉଚ୍ଚ ବିଦ୍ୟାଳୟରେ ବିଜ୍ଞାନ ଶକ୍ଷିକ ରୂପେ କାର୍ଯ୍ୟରତ । ପିତା କବି ଡଃ ନୀଳକଣ୍ଠ ମିଶ୍ର ଓ ମାତା କବୟିତ୍ରୀ ଶାନ୍ତିଲତା ଆଚାର୍ଯ୍ୟଙ୍କ ପ୍ରେରଣାରେ ଶ୍ରୀମିଶ୍ର ଏହି ସାରସ୍ୱତ କାର୍ଯ୍ୟ ସମ୍ପାଦିତ କରିଛନ୍ତି ବୋଲି ପ୍ରକାଶ କରିଛନ୍ତି ।
