ବାରଙ୍ଗ : ପ୍ରାଣୀଉଦ୍ୟାନ ନନ୍ଦନକାନନକୁ ସୋମବାରଦିନ ମୋତିଝର ଚିଡିଆଖାନାରୁ ୧୦ଟି ଅଜଗରସାପ ଛୁଆ ଆସିଛି ।ଏହିଛୁଆ ସବୁ ସୁସ୍ଥ ଥିବାବେଳେ ସେମାନଙ୍କ ସ୍ୱାସ୍ଥ୍ୟବସ୍ଥା ଅନୁଧ୍ୟାନ ପାଇଁ ଡାକ୍ତର ଖାନାରେ ରଖାଯାଇଥିବାର ଜଣାପଡିଛି । ସମ୍ବଲପୁର ମୋତିଝର ମିନିଚିଡିଆଖାନାରେ ଗତକିଛିଦିନ ହେବ ଅଜଗରସାପ ମାନଙ୍କସଂଖ୍ୟା ବୃଦ୍ଧିପାଇବାରେ ଲାଗିଛି ।
ତେଣୁ ସେଠାରେ ଆବଶ୍ୟକତାଠାରୁ ଅଧିକ ପରିମାଣର ସାପ ହେବାରୁ ସେଠାକାର କର୍ତୁପକ୍ଷ ଗତ ୧୦ତାରିଖରେ ଜନ୍ମଗ୍ରହଣ କରିଥିବା ୧୦ଟି ଅଜଗରସାପ କୁ ନନ୍ଦନକାନନ କୁ ଦେଇଛନ୍ତି ।ନନ୍ଦନକାନନର ଏକ ଟିମ୍ ସେଠାକୁ ଯାଇ ଏହି ସାପମାନଙ୍କୁ ଆଣି ଫେରିଛନ୍ତି ।ଏହି ସାପମାନେ ଆସିବାପରେ ନନ୍ଦନକାନନରେ ଅଜଗରସାପ ସଂଖ୍ୟା ବୃଦ୍ଧିପାଇ ୧୫ରେ ପହଂଚି ଥିବାର ଜଣାପଡିଛି ।
