ବାରଙ୍ଗ : ଘରେ କାମକରିବା ବାହାନାରେ ଟଙ୍କା ଓ ସୁନାଗହଣା ଚୋରି କରିନେଇଥିବା ଅଭିଯୋଗରେ ନନ୍ଦନକାନନ ଥାନା ପୁଲିସ ଜଣେ ମହିଳାକୁ ଗିରଫ କରି ଶୁକ୍ରବାରଦିନ କୋର୍ଟଚାଳଣ କରିଛନ୍ତି ।ମହିଳାଜଣଙ୍କ ହେଉଛନ୍ତି ସତ୍ୟବାଦୀଥାନା ଅଧିନସ୍ଥ ସାକ୍ଷୀଗୋପାଳମହାମାୟାସାହିର ଇତିଶ୍ରୀଦାସ,ଯିଏକି ଚନ୍ଦ୍ରଶେଖରପୁରଥାନା ଅଧିନସ୍ଥ ମଣ୍ଡପସାହିବସ୍ତୀରେ ରହୁଛନ୍ତି ।
ପ୍ରକାସ ଯେ,ରଘୁନାଥପୁର ଅଞ୍ଚଳରେ ରହୁଥିବା ସତେନ୍ଦ୍ର ପଟ୍ଟନାୟକ ନାମକ ବ୍ୟକ୍ତିଙ୍କଘରେ ଗତକିଛିଦିନହେବ ଇତିଶ୍ରୀ କାମ କରୁଥିଲେ । କାମ କରିବା ସମୟରେ କୌଶଳ କ୍ରମେ ମହିଳାଜଣଙ୍କ ଘରୁ ୧,୧୭,୮୦୦ ଟଙ୍କା ସହିତ ସୁନା ହାର, କିଛି ଗହଣା ସହିତ ଅନ୍ୟାନ୍ୟ ସାମଗ୍ରୀ ଚୋରୀ କରି ନେଇଯାଇଥିବାର ସତେନ୍ଦ୍ର ନନ୍ଦନକାନନ ଥାନାରେ ଲିଖିତ ଅଭିଯୋଗ କରିଥିଲେ ।ପୋଲିସ ୧୬୦/୨୩କେଶନଂରେ ଏକ ମକଦ୍ଦମାରୁଜୁକରି ତଦନ୍ତ ଆରମ୍ଭ କରିଥିଲା ।ଶୁକ୍ରବାରଦିନ ପୋଲିସ ମହିଳାଙ୍କୁ ତାଙ୍କ ଘରୁ ଗିରଫକରି ପଚରା ଉଚରା ବେଳେ ଚୋରୀକରିଥିବାନେଇ ମହିଳାଜଣଙ୍କ ତାଙ୍କ ଦୋଷସ୍ୱିକାର କରିଥିବାର ଜଣାପଡିଛି ।ତଦନ୍ତ ସମୟରେ ମହିଳାଜଣଙ୍କ ଚୋରୀ ସୁନା ହାରକୁ ଜଣେ ବଣିଆ ପାଖରେ ବଦଳ କରି କିଛି ଗହଣା ଆଣି ତାହାକୁ ଆଇଆଇଏଫଏଲ ଫାଇନାନ୍ସ ସଂସ୍ଥାରେ ବନ୍ଧକ ରଖି ଋଣ ଆଣିଥିଲେ । ତେବେବନ୍ଧକ ରଖାଯାଇଥିବା ଗହଣାକୁ ପୁଲିସ ଉକ୍ତ ଫାଇନାନ୍ସ ସଂସ୍ଥାରୁ ଜବତ କରି ଆଜି ମହିଳାଙ୍କୁ ଗିରଫକରି କୋର୍ଟଚାଳଣ କରିଛି ।
