ବାଲିପାଟଣା୨୦/୨୩ : ବାଲିପାଟଣା ଥାନା ଅନ୍ତର୍ଗତ ବନମାଲିପୁର ଠାରେ ଡକାୟତି କରିବାକୁ ପ୍ରସ୍ତୁତ ହେଉଥିବା ଏକ ଡକାୟତ ଦଳଙ୍କୁ ବାଲିପାଟଣା ପୋଲିସ ଖବର ପାଇ କାବୁ କରି କୋର୍ଟ ଚାଲାଣ କରିଛି।ଏହାର କେଶ ନମ୍ବର ୩୬୬/୨୩। ଖବର ନେବାରେ ଜଣାପଡିଛିଯେ ଗତ ଗୁରୁବାର ରାତି ପ୍ରାୟ ଏଗାରଟା ବେଳେ ଡକାୟତି କରିବାକୁ ଯୋଜନା କରୁଥିବା ବେଳେ ବାଲିପାଟଣା ଥାନା ପୋଲିସ ଦଳ ଇନ୍ସପେକ୍ଟର ଓମ ପ୍ରକାଶ ମହାନ୍ତିଙ୍କ ନିର୍ଦେଶରେ ଘଟଣାସ୍ଥଳରେ ପହଞ୍ଚି ବନମାଲିପୁରସ୍ଥିତ ବଟ ଗବେଶ ଛକ ନିକଟରୁ ୫ଜଣଙ୍କୁ କାବୁକରି ରାତିରେ ଥାନାରେ ଅଟକ ରଖିଥିଲେ।ଶୁକ୍ରବାର ମଧ୍ୟାନହରେ ପଚରା ଉଚରା କରି କୋର୍ଟ ଚାଲାଣ କରିଛନ୍ତି।ସେମାନେ ବନମାଲିପୁରସ୍ଥିତ ଏକ ମଦ ଦୋକାନକୁ ଟାର୍ଗେଟ କରିଥିବା ପୋଲିସ ନିକଟରେ ସ୍ୟୁକାର କରିଛନ୍ତି। ମାଷ୍ଟର ମାଇଣ୍ଡ କୁହାଯାଉଥିବା ଦୀପକ ସାହାଙ୍କ ଠାରୁ ଏକ ପଲସର ବାଇକ ଓ ମୋବାଇଲ ଜବତ ହୋଇଛି। ତାଙ୍କ ଘର ଭୁବନେଶ୍ୱର ବଡଗଡ଼ସ୍ଥିତ ଲକ୍ଷ୍ମୀବିହାର,ତତ୍ୱମସି ପ୍ରଧାନଙ୍କ ଘର ଲକ୍ଷ୍ମୀସାଗର,ସଂଜୀବ ବେହେରାଙ୍କ ଘର ବାଲିଅନ୍ତା ବ୍ଲକ ଅଧିନ ପୁରୁଣା ଝିଣ୍ଟି,ବଚନ ଭୋଇ ପୁରୁଣା ଝିଣ୍ଟ ଓ ରାହୁଲ ବେହେରାଙ୍କ ଘର ବାଲିପାଟଣା ଥାନା ଅଧିନବୋଲି ଜଣାପଡିଛି।
