ବାଲିପାଟଣା ୧୧/୧୦ : ଜୟଦେବ ନିର୍ବାଚନ ମଣ୍ଡଳୀ ରେ ଗତ ୨ ତାରିଖ ତଥା ଗାନ୍ଧୀ ଜୟନ୍ତୀ ଠାରୁ ଆରମ୍ଭ ହୋଇଥିବା ଜନ ସଂପର୍କ ପଦଯାତ୍ରା ଆଜି ଉଦଯାପିତ ହୋଇଯାଇଛି । ବିଜୁ ଜନତା ଦଳର ୨ ଗୋଷ୍ଠି ପୃଥକ ପୃଥକ ଭାବେ ଉକ୍ତ ଉତ୍ସବ କୁ ପାଳନ କରିଥିବାରୁ ଦଳରେ ଫାଟ ସୃଷ୍ଟି ହୋଇଥିବା ଜଣା ପଡିଛି । ଗୋଟିଏ ଗୋଷ୍ଟି ର ମୂଖ୍ୟ କମଳ କୁମାର ପାତ୍ର ଙ୍କ ପ୍ରତ୍ୟକ୍ଷ ତତ୍ବାବଧାନରେ ସ୍ଥାନୀୟ ବନମାଳିପୁର କଲେଜ ପଡ଼ିଆ ଠାରୁ ଆରମ୍ଭ ହୋଇଥିଲା । ଭୁବନେଶ୍ୱର ପର୍ଯ୍ୟବେକ୍ଷକ ଶ୍ରୀମୟୀ ମିଶ୍ର ମୁଖ୍ୟ ଅତିଥି ଭାବରେ ଯୋଗଦେଇ ଦଳର ବିଭିନ୍ନ ଜନ ହିତକାରୀ ଯୋଜନା ସଂପର୍କରେ ଅବଗତ କରାଇବା ସହିତ ଆଗାମି ନିର୍ବାଚନ ରେ ଦଳ ର ତୃଣ ମୂଳ ସ୍ତରରେ କିପରି ସୁଦୃଢ ହୋଇପାରିବ ସେ ସଂପର୍କ ରେ ଆଲୋଚନା କରିଥିଲେ । ଏହି ଉପଲକ୍ଷେ ଏକ ବିଶାଳ ଶୋଭାଯାତ୍ରା ଧାନହରା , ଅଠାନ୍ତର , ବାଲିପାଟଣା , ମଧୁବନ ,ବିଶ୍ଵନାଥପୁର , ଶିଶଲ , ବୁଦ୍ଧିପଡ଼ା ଦେଇ ବଳାକାଟି ରେ ପହଞ୍ଚିଥିଲା । ଉକ୍ତ କାର୍ଯ୍ୟକ୍ରମରେ ଜିଲ୍ଲା ପର୍ଯ୍ୟବେକ୍ଷକ କୈଳାସ ଚନ୍ଦ୍ର ପାତ୍ର , ଜିଲ୍ଲା ସଭାପତି ବିଭୃତି ଭୂଷଣ ବଳବନ୍ତରାୟ , ଜିଲ୍ଲା ପରିଷଦ ସଭ୍ୟା କୁନିମନ୍ ଲେଙ୍କା , ମଙ୍ଗରାଜ ବେହେରା , ମହେଶ୍ଵର ଦାସ ,ଗଙ୍ଗାଧର ମଲ୍ଲୀକ , ସୁକନ୍ୟା ସେଠୀ ,ପବିତ୍ର ମୋହନ ପଟେଲ , ବ୍ଲକ ସଭାପତି ହରପ୍ରିୟା ଦାସ , ବାସନ୍ତୀ ଖଟୁଆ , ବରିଷ୍ଠ ନେତା ରମେଶ ସାହାଣି , ପ୍ରଦ୍ୟୁନ୍ନ ସେନାପତି ପ୍ରମୁଖ ଯୋଗ ଦେଇ ଦଳର ଆଭିମୁଖ୍ୟ ସଂପର୍କ ରେ ଆଲୋଚନା କରିଥିଲେ । ସେହିପରି ଅନ୍ୟ ଏକ ଗୋଷ୍ଠି ଚୌଧୁରୀ ଦ୍ଵାରିକା ନାଥ ଦାସ ଙ୍କ ନେତୃତ୍ଵ ରେ ସ୍ଥାନୀୟ ବାଲିଅନ୍ତା ବ୍ଲକ ଠାରେ ଦଳ ର ଉଦ୍ ଯାପନ ଉତ୍ସବ ଅନୁଷ୍ଠିତ ହୋଇଥିଲା । ଦଳର କର୍ମକର୍ତ୍ତା , କର୍ମୀ , ମହିଳା କର୍ମୀ ଓ ହଜାର ହଜାର ଜନସାଧାରଣ ଏକ ବିଶାଳ ଶୋଭାଯାତ୍ରା ରେ ଯାଇ ଚଉଷଠି ଯୋଗିନୀ ମନ୍ଦିର ରେ ପହଁଚିବା ପରେ ଏକ ସାଧାରଣ ସଭା ର ଆୟୋଜନ କରାଯାଇଥିଲା । ଏଥିରେ ମୂଖ୍ୟ ଅତିଥି ଭାବେ ମୋ ପରିବାର ର ଅଧ୍ୟକ୍ଷ ଅରୁପ କୁମାର ପଟ୍ଟନାୟକ ମୂଖ୍ୟ ଅତିଥି ଭାବେ ଯୋଗଦେଇ ନବିନ ସରକାର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ର ସମିକ୍ଷା କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରତାପ କେଶରୀ ନାୟକ , ମୀର ନାଶିରି ଅଲ୍ଲୀ , ଦିପେଶ ସ୍ୱାଇଁ ,ସୌଭାଗ୍ୟ ଲକ୍ଷ୍ମୀ ପ୍ରିୟଦର୍ଶନି : ଶଶି ଭୂଷଣ ପାତ୍ର , ସୁବତ୍ର ସେନାପତି , ପ୍ରମୁଖ ଯୋଗ ଦେଇ ଦଳ ର ବିଭିନ୍ନ ଯୋଜନା କୁ ଜନ ସାଧାରଣ ଙ୍କ ନିକଟରେ ପହଞ୍ଚାଇବାକୁ ନିବେଦନ କରିଥିଲେ ।
