ଆସିକା : ଗଞ୍ଜାମ ଜିଲ୍ଲା ର ଜନସାଧାରଣ ଙ୍କ ସୁବିଧା କୁ ଦୃଷ୍ଟି ରେ ରଖି ନୂତନ ଋଷିକୂଲ୍ୟା ଜିଲ୍ଲା ଗଠନ ଓ ସଦର ମହକୁମା ଆସିକା ଠାରେ ସ୍ଥାପନ ହେବା ଦାବି ରେ ଏକ ବୈଠକ ରବିବାର ରେ ଅନୁଷ୍ଟିତ ହୋଇଛି।ବରିଷ୍ଟ ଆଇନଜୀବୀ ଲଳିତ ମୋହନ ଦାସ ଓ ସନ୍ତୋଷ କୁମାର ପାଣିଗ୍ରାହୀ ଙ୍କ ଆବାହକତ୍ୱରେ ଟାଉନ ହଲ ଠାରେ ଅନୁଷ୍ଟିତ ବୈଠକରେ ଆସିକା ଓକିଲ ସଂଘ ର ସଭାପତି ତଥା ବରିଷ୍ଠ ଆଇନଜୀବୀ ରବୀନ୍ଦ୍ର ନାଥ ଶର୍ମା ସଭାପତିତ୍ବ କରିଥିଲେ।ଅନ୍ୟ ମାନଙ୍କ ମଧ୍ୟରେ ଓକିଲ ସଙ୍ଘରସମ୍ପାଦକ ନାରାୟଣ ମୁନି,ପୂର୍ବତନ ସଭାପତି ସୁରେନ୍ଦ୍ର ନାଥ ପଣ୍ଡା, ଡ଼ା. ଶ୍ୟାମଘନ ବିଶ୍ଵାଳ,ଆସିକା ପ୍ରେସ କ୍ଲବ ର ସଭାପତି ତଥା ବରିଷ୍ଟ ସାମ୍ବାଦିକ ସତ୍ୟ ନାରାୟଣ ରଥ,ବଣିକ ସଂଘ ର ଇ. ଅରୁଣ କୁମାର ପାତ୍ର ପ୍ରମୁଖ ମଞ୍ଚାସିନ ଥଲେ। ବୈଠକରେ ବିଭିନ୍ନ ସଂଗଠନ ର କର୍ମକର୍ତ୍ତା ଓ ବହୁ ବୁଦ୍ଧିଜୀବି ଯୋଗଦେଇଥିଲେ। ବର୍ତ୍ତମାନ ରଜ୍ୟରେ ବହୁଳ ଜନସଂଖ୍ୟା ଓ ବୃହତ୍ ଗଞ୍ଜାମ ଜିଲ୍ଳା କୁ ଭୌଗଳିକ,ଗମନାଗମନ ଯୋଗାଯୋଗ ଓ ଜନସଂଖ୍ୟା ଦୃଷ୍ଟି ରୁ ବିଚାର କରି ଜିଲ୍ଲା ପୁନଃ ଗଠନ ସମୟରେ ଆସିକା ରେ ଋଷିକୂଲ୍ୟା ଜିଲ୍ଲା ଗଠନ ଜରୁରୀ ବୋଲି ମତବ୍ୟକ୍ତ କରିଥିଲେ। ରାଜ୍ୟ ସରକାର ଙ୍କ ଏଥି ନେଇ ଦୃଷ୍ଟି ଆକର୍ଷଣ କରିବା ସହ ଆବଶ୍ୟକ ସ୍ଥଳେ ଗଣତାନ୍ତ୍ରିକ ପଦ୍ଧତିରେ ଶାନ୍ତିପୂର୍ଣ୍ଣ ଆନ୍ଦୋଳନ କରିବା ପାଇଁ ମଧ୍ୟ ବହୁ ବକ୍ତା କହିଥଲେ।ଏଥିନେଇ ଶ୍ରୀ ଶର୍ମା ଙ୍କ ନେତୃତ୍ୱ ରେ ୧୪ ଜଣିଆ କମିଟି ଗଠନ କରାଯାଇଥିଲା।ପ୍ରକାଶ ଥାଉ କି ଆସିକା ରେ ଋଷିକୂଲ୍ୟା ଜିଲ୍ଲା ସ୍ଥାପନ ର ଯଥାର୍ଥତା ଦର୍ଶାଯାଇ ଗଞ୍ଜାମ ଜିଲ୍ଲା ର କେନ୍ଦ୍ର ସ୍ଥଳୀ ଆସିକା ର ୪୦ କି ମି ଭିତରେ ଆସିକା,କବିସୂର୍ଯ୍ୟନଗର, ଧରକୋଟ, ଶେରଗଡ଼,ସାନଖେମୁଣ୍ଡି,ହିଞ୍ଜିଳି,ସୋ
