ବଦ୍ରି ଙ୍କ ନେତୃତ୍ବରେ ବିଜେଡିର ବିଶାଳ ଜନ ସମ୍ପର୍କ ପଦଯାତ୍ରା

ଆନନ୍ଦପୁର : ଗାନ୍ଧୀ ଜୟନ୍ତୀ ରୁ ଘଷିପୁରା ବିଧାୟକ ପ୍ରଫେସର ବଦ୍ରିନାରାୟଣ ପାତ୍ର ଙ୍କ ନେତୃତ୍ବରେ ଘଷିପୁରା ନିର୍ବାଚନ ମଣ୍ଡଳୀ ଅନ୍ତର୍ଗତ ତରୁଆ ପଞ୍ଚାୟତରେ ବିଜେଡିର ଜନସମ୍ପର୍କ ପଦଯାତ୍ରା  ଆରମ୍ଭ ହୋଇଛି। ଏହି ଅବସରରେ ଘଷିପୁରା ନିର୍ବାଚନ ମଣ୍ଡଳୀ ଅନ୍ତର୍ଗତ ତରୁଆଁ ପଞ୍ଚାୟତ ର ବଣିଆପଶି ଗ୍ରାମରୁ ଆରମ୍ଭ ହୋଇ ଉଜୁଣୀ,ତରୁଆଁ,ମହୁରୀ,କେନ୍ଦୁଖୁନ୍ତା,ଅଳିଗାଁ,ଚଣ୍ଡାଳୀ,ସାଇଁପାଳ,ଲୁଣହାର, ଗୋବରଗଳି, ନୁଆଗାଁ ,ପାଟସୁରା ଗ୍ରାମରେ ଜନସମ୍ପର୍କ ପଦଯାତ୍ରା ତରୁଆଁ ପଞ୍ଚାୟତ ର ପୂର୍ବତନ ସରପଞ୍ଚ ବଳରାମ ବେହେରା ଙ୍କ ସଭାପତିତ୍ବରେ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ଘଷିପୁରା ବିଧାୟକ ବଦ୍ରିନାରାୟଣ ପାତ୍ର , ଘଷିପୁରା ବ୍ଲକ ଅଧ୍ୟକ୍ଷା ସୁଜାତା ସାହୁ, ବିଜେଡି ଜିଲ୍ଲା ସାଧାରଣ ସମ୍ପାଦକ ଦେବାଶିଷ ପାତ୍ର,ତରୁଆଁ ପଞ୍ଚାୟତ ସରପଞ୍ଚ ରଶ୍ମିରଞ୍ଜିତା  ବେହେରା, ପୁର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷ ଅକ୍ଷୟ ସାହୁ, ଜିଲ୍ଲା ପରିଷଦ ସଦସ୍ୟ  ସଂଜୟ ମଲ୍ଲିକ, ପୁର୍ବତନ ଜିଲ୍ଲା ପରିଷଦ ସଦସ୍ୟ ବିଶ୍ଵରଞ୍ଜନ ବେହେରା ପ୍ରମୁଖ ଯୋଗ ଦେଇଥିଲେ। ଦଳୀୟ ନେତାମାନେ ବିଜେଡି ଶାସନରେ ନିଆଯାଇଥିବା ବିଭିନ୍ନ ଜନକଲ୍ୟାଣମୂଳକ କାର୍ଯ୍ୟକ୍ରମକୁ ପଦଯାତ୍ରା‌ ମାଧ୍ୟମରେ ଲୋକଙ୍କ ନିକଟରେ ପହଞ୍ଚାଇବାକୁ କର୍ମୀମାନଙ୍କୁ ପରାମର୍ଶ ଦେଇଥିଲେ।ପଦଯାତ୍ରା ସମୟରେ ଗ୍ରାମାଞ୍ଚଳରେ ପ୍ରତି ଘରେ ବିଜେଡି ସରକାରଙ୍କ ସମସ୍ତ ଲୋକାଭିମୁଖୀ କାର୍ଯ୍ୟକ୍ରମ ସମ୍ପର୍କରେ ଜନସାଧାରଣଙ୍କୁ ଅବଗତ କରାଇଥିଲେ। ସମସ୍ତ ଦଳୀୟ କର୍ମକର୍ତ୍ତା ତଥା କର୍ମୀମାନେ ଉପସ୍ଥିତ ରହି ପଞ୍ଚାୟତବାସୀଙ୍କ ସେବାରେ ନିଜକୁ ପୁନଃଉତ୍ସର୍ଗ କରିବା ସହିତ ଗ୍ରାମର ଉନ୍ନତି ଓ  କଲ୍ୟାଣ ନିମନ୍ତେ ନିରନ୍ତର ଉତ୍ସର୍ଗୀକୃତ ମନୋଭାବ ନେଇ କାର୍ଯ୍ୟ କରିବା ପାଇଁ ‘ସମୂହ ଶପଥପାଠ’ କରାଯାଇଥିଲା ଏଥିରେ  ପଞ୍ଚାୟତଗୁଡ଼ିକର ଦଳୀୟ ନେତା, କର୍ମୀ ସାମିଲ ହୋଇଥି‌ଲେ।