ରାୟଗଡା,ରାୟଗଡା ଜିଲ୍ଲା ମୁନିଗୁଡା ସଦର ମହକୁମାର  ମୁକେଶ ବେହେରା ନାମକ ଜଣେ ଯୁବକ ଗୁଡିଆ ପୋଖରୀକୁ ଶୌଚ ପାଇଁ ଯିବା ସମୟରେ  ମାଟି ଅତଡା ଖସି ମୁତ୍ଯୁ। ସୂଚନା ଅନୁଯାୟୀ ସୁଣ୍ଡି ସାହିର ଦେବରାଜ ବେହେରାଙ୍କ ପୁଅ ମୁକେଶ ବେହେରା(୨୦)ସକାଳୁ ସକାଳୁ ଶୌଚ ପାଇଁ ପ୍ରତିଦିନ ଭଳି ଆଜି ହାଇସ୍କୁଲ ପଛପଟେ ଥିବା ଗୁଡ଼ିଆ ପୋଖରୀକୁ ଯାଇଥିଲେ।ପୋଖରୀ ମଧ୍ୟରେ ପଶି ଶୌଚ ହେଉଥିବା ବେଳେ ପୋଖରୀର ୧୦ଫୁଟ ଉଚ୍ଚର ହୁଡାଟି ହଠାତ ତା ଉପରକୁ ଭୁଶୁଳି ପଡ଼ିଥିଲା।

ଦୁଇ ଦିନ ପୂର୍ବରୁ ବର୍ଷା ହୋଇଯାଇଥିବା କାରଣରୁ ହୁଡା ତଳ ପାଣି ଜମି ରହିଥିଲା ମାଟି ମୁକେଶ ଉପରେ ଏତେ ପରିମାଣରେ ଚାପି ହୋଇ ପଡିଯାଇଥିଲାଯେ ସେ ସମ୍ପୂର୍ଣ ମାଟି ମଧ୍ୟରେ ପୋତି ହୋଇ ଯାଇଥିଲେ।ତଳେ ପାଣି ଉପରେ ମାଟି ଆଉ ମଝିରେ ମୁକେଶ ଅଣ ନିଶ୍ବାସୀ ହୋଇ ମାଟିରେ ପୋତି ହୋଇ ଯାଇଥିଲେ। ଏହି ସମୟରେ ପୋଖରୀରେ ଉପସ୍ଥିତ ଥିବା  ଅନ୍ୟ ବ୍ୟକ୍ତି ମାନେ ତୁରନ୍ତ ଉଧାର କାର୍ଯ୍ୟରେ ଲାଗି ପଡିଥିବା ସ୍ବତେ ଏକ ଘଣ୍ଟା ହୋଇଯାଇଥିଲା। କାରଣ ହାତରେ କୌଣସି ଶାବଳ କିମ୍ବା କଙ୍କି ନଥିଲା।

ହେଲେ ଶେଷରେ ମୁକେଶଙ୍କ ମର ଶରିରହିଁ ଉଦ୍ଧାର ହୋଇଥିଲା।ମୁନିଗୁଡା ଅଂଚଳରେ ମୁକେଶର ମୃତ୍ୟୁକୁ ନେଇ  ଶୋକର ଛାୟା ଖେଳି ଯାଇଛି।ମୁନିଗୁଡା ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ମୁକେଶର ମର ଶରୀରକୁ  ମୁନିଗୁଡା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇ ବ୍ଯବଚ୍ଛେଦ ପରେ  ଶେଷକୃତ୍ବ ପାଇଁ ପରିବାରକୁ  ମର ଶରୀର ହସ୍ତାନ୍ତର କରାଗଲା। ମୁନିଗୁଡା ଥାନା ସେକେଣ୍ଡ ଅଫିସର ନୀଳାଦ୍ରି କଅଁର,ହାବିଲଦାର ଶ୍ରୀନିବାଶ ଦଳାଇ ଘଟଣା ସ୍ଥଳ ପରିଦର୍ଶନ କରିବା ସହ ଶବ ବ୍ୟବଚ୍ଛେଦ ପର୍ଯ୍ୟନ୍ତ ଉପସ୍ଥିତ ଥିଲେ।

LEAVE A REPLY

Please enter your comment!
Please enter your name here