ଭୁବନେଶ୍ୱର: କଟକ ନୁହେଁ ଭୁବନେଶ୍ୱରରେ ହେବ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ସଭା। ଆସନ୍ତା ୨୫ ତାରିଖରେ ରାହୁଲ ଗାନ୍ଧି ଓଡ଼ିଶା ଆସିବେ। ଏନେଇ ଆଜି ପିସିସି ସଭାପତି ନିରଞ୍ଜନ ପଟ୍ଟନାୟକ ସ୍ପଷ୍ଟ କରିଛନ୍ତି।

ସେପଟେ କଂଗ୍ରେସ ଅଧ୍ୟକ୍ଷଙ୍କ ଓଡ଼ିଶା ଗସ୍ତକୁ ନେଇ ଗତ କିଛି ଦିନ ଧରି ରାଜ୍ୟ କଂଗ୍ରେସ କ୍ୟାମ୍ପ ଚଳଚଞ୍ଚଳ ହୋଇଛି। ତେବେ କଟକ ଓ ଭୁବନେଶ୍ୱରରେ କେଉଁଠି ରାହୁଲଙ୍କ ସଭା ହେବ ସେ ନେଇ ଚର୍ଚ୍ଚା ଜୋର ଧରିଥିଲା। ଏନେଇ ଆଜି ପୂର୍ଣ୍ଣଚ୍ଛେଦ ପଡ଼ିଛି।

ଭୁବନେଶ୍ୱରରେ ରାହୁଲ ଗାନ୍ଧି ସିଭିଲ୍‌ ସୋସାଇଟି, ଚାଷୀ ଓ ବୁଦ୍ଧିଜୀବୀଙ୍କୁ ଭେଟିବେ। ୨୫ ତାରିଖ ସକାଳ ୧୦ଟାରୁ ସଂଧ୍ୟା ୫ଟା ଯାଏ ରାହୁଲଙ୍କ କାର୍ଯ୍ୟକ୍ରମ ହେବ।

ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାନୁଆରୀ ମାସ ୧୫ ତାରିଖରେ ଓଡ଼ିଶା ଗସ୍ତ କରିବେ। ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦି ଗତ ଡିସେମ୍ବର ମାସ ୨୪ ତାରିଖ ଓ ଚଳିତ ବର୍ଷ ଜାନୁଆରୀ ମାସ ୫ ତାରିଖରେ ଓଡ଼ିଶା ଗସ୍ତ କରିଥିଲେ।

LEAVE A REPLY

Please enter your comment!
Please enter your name here