ଭୁବନେଶ୍ୱର: ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧି ଚଳିତ ମାସ ଶେଷ ସପ୍ତାହରେ ଓଡ଼ିଶା ଗସ୍ତରେ ଆସିବେ । ସେ ଦୁଇ ଦିନିଆ ଗସ୍ତରେ ଆସିବେ । ତାଙ୍କର ଓଡ଼ିଶା ଗସ୍ତ କାର୍ଯ୍ୟକ୍ରମ ଚୂଡ଼ାନ୍ତ ବୋଲି କୁହାଯାଉଥିଲା ବେଳେ ନିର୍ଦ୍ଦିଷ୍ଟ ତାରିଖ ଧାର୍ଯ୍ୟ ହୋଇନାହିଁ । ସେ ଚଳିତ ମାସ ୨୨ ଓ ୨୩ ତାରିଖରେ ଦୁଇ ଦିନ ପାଇଁ ଆସିପାରନ୍ତି । ନଚେତ ୨୭ ଓ ୨୮ ତାରିଖ ଦୁଇଦିନ ଆସିପାରନ୍ତି ବୋଲି ନିଜେ ପିସିସି ସଭାପତି ନିରଂଜନ ପଟ୍ଟନାୟକ ସୂଚନା ଦେଇଛନ୍ତି । ରାହୁଲଙ୍କ ଦୁଇଦିନିଆ ଗସ୍ତରେ ସେ ପଶ୍ଚିମ, ଦକ୍ଷିଣ ଓ ଉପକୂଳ ଓଡ଼ିଶାରେ ବିଭିନ୍ନ ଦଳୀୟ ସମାବେଶରେ ଯୋଗଦେଇ ଉଦବୋଧନ ଦେବେ । ନିର୍ବାଚନ ପୂର୍ବରୁ ରାହୁଲଙ୍କ ଏହି ଦୁଇଦିନିଆ ଗସ୍ତକୁ ଦଳୀୟ ମହଲରେ ବେଶ ଗୁରୁତ୍ୱ ଦିଆଯାଉଛି । ପିସିସି ସଭାପତି ନିରଜଂନ ପଟ୍ଟନାୟକ ଦାୟିତ୍ୱ ନେବା ପରେ ଦଳ ସଙ୍ଗଠନକୁ କିପରି ମଜଭୁତ କରାଯିବ ସେଥିନେଇ ଉଦ୍ୟମ ଜାରି ରଖିଛନ୍ତି ।

Loading...

LEAVE A REPLY

Please enter your comment!
Please enter your name here