ଭୁବନେଶ୍ୱର, ୨୬ ଡିସେମ୍ବର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଦା ସର୍ବଦା ରାଜ୍ୟର ବିକାଶ ଉପରେ ଗୁରୁତ୍ୱ ଦେଉଛନ୍ତି ବୋଲି କହୁଛନ୍ତି ବୋଲି ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରକାଶ କରିଛନ୍ତି । ସେ କହିଛନ୍ତି ଯେ, ଯଦି ତାହା ସତ୍ୟ ହୋଇଥାଏ ରାଜ୍ୟର ଋଣଭାର ୯୩ ହଜାର କୋଟି ଟଙ୍କା କେମିତି ବୃଦ୍ଧି ପାଇଲା । ଏବେ ବି ରାଜ୍ୟରେ ବିପିଏଲଙ୍କ ସଂଖ୍ୟା ୬୨ ପ୍ରତିଶତ ରହିଛି । ଓଡ଼ଶା ଚାଷୀମାନେ ହନ୍ତସନ୍ତ ହେଉଛନ୍ତି । ଠିକ୍ ସମୟରେ ବିହନ, ସାର ଚାଷୀଙ୍କୁ ମିଳୁନାହିଁ । ରାଜ୍ୟରେ ଶିଳ୍ପ ପ୍ରତିଷ୍ଠା ହୋଇପାରୁନାହିଁ । ୮୫ ଲକ୍ଷ ଯୁବକଙ୍କୁ କହିଥିଲେ ନିଯୁକ୍ତି ଦେବା ପାଇଁ, ତାହା ଏ ପର୍ଯ୍ୟନ୍ତ ମିଳିଲା ନାହିଁ । ରାଜ୍ୟରେ ଶିଳ୍ପ ପ୍ରତିଷ୍ଠା ହୋଇପାରୁ ନାହିଁ । କିନ୍ତୁ ବିଭିନ୍ନ ସମୟରେ ଏମଓୟୁ ପରେ ଏମଓୟୁ ଚାଲିଛି । ଏହା ହେଉଛି ରାଜ୍ୟର ସ୍ଥିତି । ବିକାଶ କୋଉଠି ହେଲା ବୋଲି ସେ ସେ ପ୍ରଶ୍ନ କରିଛନ୍ତି ।
ଆଜି ବିଜେଡ଼ିର ପ୍ରତିଷ୍ଠା ଦିବସରେ ମୁଖ୍ୟମନ୍ତ୍ରୀ ଦେଇଥିବା ତାଙ୍କ ଭାଷଣରେ ଉଭୟ ବିଜେପି ଏବଂ କଂଗ୍ରେସ ଦଳକୁ କଡ଼ା ସମାଲୋଚନା କରି କହିଛନ୍ତି ଯେ, ସେମାନଙ୍କ ଶାସନ କାଳରେ ଓଡ଼ିଶା ରାଜ୍ୟକୁ ସ୍ୱତନ୍ତ୍ର ରାଜ୍ୟ ମାନ୍ୟତା ଦେବା ପାଇଁ ବାରମ୍ବାର ଦାବି କରାଯାଇଥିଲା । ମାତ୍ର ତାହାକୁ ସେମାନେ ଅଣଦେଖା କରିଛନ୍ତି, ବିଚାରକୁ ନେଇନାହାନ୍ତି । କଂଗ୍ରେସ ଦଳ କ୍ଷମତାକୁ ଆସିଲେ ସ୍ୱତନ୍ତ୍ର ରାଜ୍ୟ ପାହ୍ୟା ପରିବର୍ତେ ସ୍ୱତନ୍ତ୍ର ପ୍ୟାକେଜ ଦେବାପାଇଁ ଦାବି କରିବୁ ବୋଲି ନିରଞ୍ଜନ କହିଛନ୍ତି ।

LEAVE A REPLY

Please enter your comment!
Please enter your name here