ନିମାପଡା:ଆଜି ନିମାପଡା-ତମ୍ପାଳୋ ଆରଡି ରାସ୍ତାର ଜାମୁଡାଳିଆ ଛକ ନିକଟରେ ମିନିଟ୍ରକ ଏକ ବାଇକକୁ ଧକ୍କା ଦେବା ଫଳରେ ବାଇକ ଆରୋହୀ ସାନ ଭାଇର ମୃତୁ୍ୟ ଘଟିଥିବା ବେଳେ ବଡ ଭାଇ ଆହତ ହୋଇଥିବା ଜଣାପଡିଛି ।ପ୍ରକାଶ ଯେ,ଆଜି ମଧ୍ୟାହ୍ନରେ ଏହି ଏନ୍ଏସି ଅନ୍ତର୍ଗତ ଭୁବନୀପୁର ଗ୍ରାମର ତୋଫାନ ପଳତା(୨୮) ତାଙ୍କ ବଡ ଭାଇ ଗାଦିବ୍ରହ୍ମ ପଳତା (୩୬) ଏକ ବାଇକରେ ତମ୍ପାଳୋରୁ ନିମାପଡା ଆସୁଥିଲେ ।ଜାମୁଡାଳିଆ ଛକ ଠାରେ ବିପରିତ ଦିଗରୁ ଆସୁଥିବା ଏକ ମିନିଟ୍ରକ ବାଇକକୁ ଧକ୍କା ଦେଇ ଫେରାର ହୋଇଯାଇଥିଲା ।୨ଭାଇ ବାଇକରୁ ଏଣେତେଣେ ଛିଟିକି ରକ୍ତଜୁଡୁବୁଡୁ ଅବସ୍ଥାରେ ପଡିଥିଲେ ।ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେବାରୁ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ଆହତ ଦୁଇ ଭାଇଙ୍କୁ ଉଦ୍ଧାର କରି ନିମାପଡା ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲା ।ତେବେ ଡାକ୍ତର ତୋଫାନଙ୍କୁ ମୃତ ବୋଲି ଘୋଷଣା କରିଥିଲେ ।ବଡଭାଇ ଗାଦିବ୍ର୍ରହ୍ମ ନିମାପଡା ସ୍ୱାସ୍ଥ୍ୟକେନ୍ଦ୍ରରେ ଏବେ ଚିକିତ୍ସା ଚାଲିଛି ।ପୁଲିସ ଘଟଣାର ତଦନ୍ତ ଚଳାଇଛି ।

LEAVE A REPLY

Please enter your comment!
Please enter your name here