ଦକ୍ଷିଣୀ ସୁନ୍ଦରୀ ନୟନତାରା ଏବେ ୩୪ବର୍ଷ ବୟସରେ ପାଦ ଥାପିଥିଲେ ମଧ୍ୟ, ଏବେବି ସେ କୌଣସି ସ୍ୱଳ୍ପ ବୟସର ଝିଅଠାରୁ କମ୍‌ ସୁନ୍ଦର ନୁହଁନ୍ତି । ୧୯୮୪ ମସିହା ନଭେମ୍ବର ୧୮ ତାରିଖରେ ନୟନତାରା ବେଙ୍ଗଲୁରୁରେ ଜନ୍ମଗ୍ରହଣ କରିଥିଲେ । ୨୦୦୩ରେ ମାଲୟଲମ ଫିଲ୍ମ ‘ମନାସିନାକାଡେ’ଜରିଆରେ ନିଜର କ୍ୟାରିୟର ଆରମ୍ଭ କରିଥିଲେ । ବାପାଙ୍କ ରିଟାଡମେଣ୍ଟ ପରେ ନୟନତାରାଙ୍କ ପରିବାର କେରଳ ସ୍ଥାନାନ୍ତରିତ ହୋଇଥିଲେ । ନୟନତାରା କ୍ୟାରିୟରରେ ଜଣେ ଚାଟାର୍ଡଆକାଉଣ୍ଟାଟ ହେବାକୁ ଚାହୁଁଥିଲେ କିନ୍ତୁ ଭାଗ୍ୟରେ ଯାହାଥିବ ମନୁଷ୍ୟକୁ ସେୟା ହିଁ ଭୋଗ କରିବାକୁ ପଡିଥାଏ । ତେବେ ବର୍ତ୍ତମାନ ଗୋଟିଏ ଫିଲ୍ମରୁ କୋଟି କୋଟି ଟଙ୍କା ରୋଜଗାର କରୁଥିବା ନୟନତାରା ଏବେଯାକେ ବିବାହ କରିନାର୍ହିଁନ୍ତି । ସେ ତାଙ୍କ କ୍ୟାରୟରରେ ଦୁଇଟି ଜିନିଷ ପାଇଁ ବିବାଦର ପରିଶରକୁ ଆସିଥିଲେ । ପ୍ରଥମଟି ହେଲା ୨୦୧୧ ମସିହାରେ ନୟନତାରା ଇସାଇ ଧର୍ମରୁ ହିନ୍ଦୁ ଧର୍ମକୁ ଧର୍ମ ପରିବର୍ତ୍ତନ କରିଥିଲେ । ଦ୍ୱିତୀୟଟି ହେଉଛି ଡ୍ୟାନ୍ସଗୁରୁ ପ୍ରଭୁଦେବାଙ୍କ ସହ ଲିଭ୍‌ ଇନ୍‌ ରିଲେସନ୍‌ସିପ୍‌ରେ ଥିବା କଥାକୁ ନେଇ ନୟନା ଚର୍ଚ୍ଚାରେ ଆସିଯାଇଥିଲେ । ବଲିଉଡ଼ ସୁପରଷ୍ଟାର (କିଙ୍ଗଖାନ)ଙ୍କ ଫିଲ୍ମରେ କାମ କରିବା ସବୁ କଳାକାରଙ୍କ ସ୍ୱପ୍ନ ହୋଇଥିବାବେଳେ ନୟନତାରା ଶହାରୁଖଙ୍କ ସୁପରହିଟ ଫିଲ୍ମ ‘ଚେନ୍ନାଇ ଏକ୍ସପ୍ରେସ’ରେ କାମ କରିବାକୁ ମନା କରିଦେଇଥିଲେ । ତେବେ ଏହି ଅଫରକୁ ମନା କରିବାର କାରଣ ଥିଲା ଫିଲ୍ମରେ ପ୍ରଭୁଦେବାଙ୍କ ଉପସ୍ଥିତି । ନୟନତାରା ବର୍ତ୍ତମାନ ପର୍ଯ୍ୟନ୍ତ ବିବାହ ବନ୍ଧନରେ ବାନ୍ଧି ହୋଇନଥିବାବେଳେ ବର୍ତ୍ତମାନ ସେ ଫିଲ୍ମ ପ୍ରଯୋଜକ ବୀଗ୍ନେଶ ଶୀବନଙ୍କ ସହ ସମ୍ପର୍କରେଥିବା କଥା କୁହାଯାଉଛି । ସୁପରଷ୍ଟାର ରଜନିକାନ୍ତ ଓ ନୟନତାରଙ୍କ ଅଭିନୀତ ଫିଲ୍ମ ‘ଚନ୍ଦ୍ରମୁଖୀ’ ବେଶ ପ୍ରସିଦ୍ଧିଲାଭ କରିଥିଲା ଯାହାପରେ ବଲିଉଡ ଏହି ଫିଲ୍ମର ରିମେକ କରି ତା’ର ନା’ ରଖାଯାଇଥିଲା ‘ଭୁଲଭୁଲେୟା’ । ତେବେ ଏହି ରିମେକରେ ଅକ୍ଷୟକୁମାରଙ୍କ ସହ ବିଦ୍ୟା ବଲାନ ଅଭିନୟ
କରିଥିସଲେ ।

Loading...

LEAVE A REPLY

Please enter your comment!
Please enter your name here