ସାଲେପୁର : କଟକ ଜିଲ୍ଲାର ସାଲେପୁର ବ୍ଲକ୍ ଅଧିନ ରାମେଶ୍ୱର ଠାରେ ବିରୂପା ନଦୀ ଉପରେ ନୂତନ ସେତୁ ନିର୍ମାଣ କାର୍ଯ୍ୟର ଶିଳାନ୍ୟାସ ସ୍ଥାନୀୟ ବିଧାୟକ ପ୍ରକାଶଚନ୍ଦ୍ର ବେହେରାଙ୍କ ଦ୍ୱାରା ଆଜି ଅନୁଷ୍ଠିତ ହୋଇଯାଇଛି । ବିଧାୟକ ଏକ ବାଇକ୍ ରାଲି ଯୋଗେ ଶିଳାନ୍ୟାସ ସ୍ଥାନରେ ପହଞ୍ଚି ଶିଳାନ୍ୟାସ କରିଥିଲେ । ଏହି ସେତୁର ଶିଳାନ୍ୟାସ ମୁଖ୍ୟମନ୍ତ୍ରୀଙ୍କ ଦ୍ୱାରା କରାଯିବ ବୋଲି ସୋସିଆଲ ମିଡ଼ିଆରେ ଘୁରିବୁଲୁଥିବା ବେଳେ ବିଧାୟକ ତାଙ୍କ ପ୍ରତିକ୍ରୀୟାରେ ଏହାଏକ ହୀନ ରାଜନୀତି ବୋଲି କହିଥିଲେ । ମୁଖ୍ୟମନ୍ତ୍ରୀ ଯଦି ଶିଳାନ୍ୟାସ କରିବାର ଥିଲା ତାହା ପାଇଁ ସ୍ୱତନ୍ତ୍ର ପ୍ରୋଟକଲ ରହିଥିବା ବିଧାୟକ କହିବା ସହ ନିର୍ବାଚନ ମଣ୍ଡଳୀର ମୁଖ୍ୟ ହିସାବରେ ମୋର ମଧ୍ୟ ଅଧିକାରଅଛି ଓ ଶିଳାନ୍ୟାସ ପାଇଁ ସବୁପ୍ରକାର କ୍ଲିୟରଆନ୍ସ ରହିଥିବା କହିଥିଲେ । ଅପରପକ୍ଷେ ଆଗାମୀ ଦିନରେ ଶିଳାନ୍ୟାସକୁ ମୁଖ୍ୟମନ୍ତ୍ରୀଙ୍କ ଦ୍ୱାରା କରାଯିବ ଏବଂ ବିଜୁସେତୁ ଏକ ଯୁଗାନ୍ତକାରୀ କାର୍ଯ୍ୟ ବୋଲି ବିଜୁଜନତା ଦଳର ଜିଲ୍ଳା ଉପ-ସଭାପତି ରମେଶ ଚନ୍ଦ୍ର ଜେନା ପ୍ରକାଶ କରିଥିଲେ । ଏହି ବିଜୁସେତୁ ପାଇଁ ୧୩କୋଟି ୮୬ଲକ୍ଷ ୬୮ହଜାର ଟଙ୍କା ବ୍ୟୟବରାଦ ହୋଇଥିବା ବେଳେ ସେତୁର ଲମ୍ବ ୩୬୮ମିଟର ପ୍ରସ୍ଥ ୭.୫ମିଟର ହେବା ସହ ଏଥିରେ ୧୨ଟି ସ୍ପାନ୍ ରହିବ ବୋଲି ଜଣାପଡ଼ିଛି । ଏହି ସେତୁ ନିର୍ମାଣପରେ ସାଲେପୁର ନିର୍ମାଚନମଣ୍ଡଳୀର ୨ଟି ବ୍ଳକ୍ର ୧୫ରୁ ଉର୍ଦ୍ଧ ପଞ୍ଚାୟତବାସୀ ଯାଜାୟତର ସୁବିଧା ପାଇପାରିବେ ବୋଲି ବିଧାୟକ ପ୍ରକାଶ କରିଥିଲେ । ତେବେ ଥରେ ସେତୁର ଶିଳାନ୍ୟାସ ପରେ ପୁନଃର୍ବାର ଆଉଥରେ ଶିଳାନ୍ୟାସ ହେବା ବିଷୟ ଘଟଣାକୁ ବିଦାଦୀୟ କରିଛି ବୋଲି କୁହାଯାଉଛି ।

Loading...

LEAVE A REPLY

Please enter your comment!
Please enter your name here