କୁଜଙ୍ଗ,ଆଜି କୁଜଙ୍ଗ ପୁଲିସ କୁଜଙ୍ଗ ଶିଶୁମନ୍ଦିର ଛକ ନିକଟରେ ଗୋଟିଏ ଭଡାଘରେ ରହୁଥିବା ଜନୈକା ଶିକ୍ଷୟତ୍ରୀଙ୍କ ଘରୁ ଜଣେ ଯୁବତୀଙ୍କୁ ମୃତ ଅବସ୍ଥାରେ ଉଦ୍ଧାର କରିଛି । ଏହି ଘଟଣା ନେଇ ମୃତ ଯୁବତୀର ମା’ ଥାନାରେ ଅଭିଯୋଗ କରିଥିବା ବେଳେ କୁଜଙ୍ଗ ପୁଲିସ କବାଟ ଶବ ଜବତ କରି ବ୍ୟବଛେଦ ପାଇଁ ପଠାଇଛି । ଏହି ଘଟଣାକୁ ନେଇ ଏହି ଭଡାଘର ନିକଟରେ ଯୁବତୀର କିଛି ସମ୍ପର୍କୀୟ ମାନେ ତୀବ୍ର ଅସନ୍ତୋଷ ପ୍ରକାଶ କରିବା ସହ ତାକୁ ମାଡ ମରାଯାଇଥିବା ପରି ଗରୁତର ଅଭିଯୋଗ ମଧ୍ୟ କରିଥିଲେ ।
ଘଟଣାରୁ ପ୍ରକାଶ କୁଜଙ୍ଗ ଥାନା ବଳରାମପୁର ଗ୍ରାମରେ ବାମଦେଇପୁର ଉନ୍ନିତ ଉଚ୍ଚ ଶିକ୍ଷୟତ୍ରୀ ରାଜଲକ୍ଷ୍ମୀ ଦାସ ଭଡାରେ ରହୁନ୍ତି । ଏହି ବାମଦେଇପୁର ଗ୍ରାମର ଜଣେ ଯୁବତୀ ଏହି ଶିକ୍ଷୟତ୍ରୀଙ୍କୁ ତାଙ୍କ ଘର କାମରେ ସହାୟତା କରିବା ସହ ତାଙ୍କ ସହ ରୁହନ୍ତି । ଏହି ଯୁବତୀ ହେଉଛନ୍ତି ବାମଦେଇପୁର ଗ୍ରାମର ହରେକୃଷ୍ଣ ପରିଡାଙ୍କ ଝିଅ ମେନକା ପରିଡା(୨୦) । ମେନକା ଦୀର୍ଘଦିନ ହେବ ଏହି ଘରେ ରହି ଶିକ୍ଷୟତ୍ରୀଙ୍କ ପିଲାଙ୍କ ଯତ୍ନନେବା ସହ ତାଙ୍କ ଘରେ ରହୁଥିଲେ । ଏପରିକି ସେ କୁଜଙ୍ଗରେ ରହି ସିଲାଇ ମଧ୍ୟ ଶିଖୁଥିଲେ । ମାତ୍ର ଆଜି ସକାଳେ ମେନକା ତାର ଶୋଇବା ଘର କବାଟ ନଖୋଲିବାରୁ କୁଜଙ୍ଗ ପୁଲିସକୁ ଖବର ଦିଆଯାଇଥିଲା । କୁଜଙ୍ଗ ପୁଲିସ ଓ ମେନକାଙ୍କ ପରିବାର ଲୋକ ଘଟଣାସ୍ଥଳରେ ପହଂଚିବା ପରେ ତାଙ୍କୁ ଏକ ଗାମୁଛାରେ ଝୁଲନ୍ତା ମୃତଦେହ ଫ୍ୟାନ୍ରୁ କଢାଯାଇ ବ୍ୟବଛେଦ ପାଇଁ ଯାଇଥିଲା । ଏହି ଘଟଣା ପରେ ଭଡାଘର ନିକଟରେ ତୀବ୍ରଉତ୍ତେଜନା ପ୍ରକାଶ ପାଇଥିଲା । ମୃତ ମେନକାର ମା’ ପ୍ରଭାତୀ ଏହି ସମ୍ପର୍କରେ କୁଜଙ୍ଗ ଥାନାରେ ଅଭିଯୋଗ କରିଛନ୍ତି । ତାଙ୍କ ଅଭିଯୋଗ ଆଧାରରେ ପୁଲିସ ତଦନ୍ତ କରୁଥିବା ବେଳେ ଶବ ବ୍ୟଛେଦ ରିପୋର୍ଟ ଆସିବା ପରେ ଓ ତଦନ୍ତ ପରେ ଘଟଣା ବିଷୟରେ ସବିଶେଷ ତଥ୍ୟ ଜଣାପଡିବ ବୋଲି ତଦନ୍ତକାରୀ ଅଧିକାରୀ ପ୍ରମୋଦ କୁମାର ନାୟକ ଅଭିଯୋଗ କରିଛନ୍ତି ।

LEAVE A REPLY

Please enter your comment!
Please enter your name here