କଣ୍ଟାପଡ଼ା : କଣ୍ଟାପଡ଼ା ବ୍ଲକ ଅଞ୍ଚଳରୁ ଗୋଟିଏ ଦିନରେ ୮ଜଣ କରୋନା ସଂକ୍ରମିତଙ୍କୁ ଚିହ୍ନଟ ପରେ ସମ୍ପୃକ୍ତ ଅଞ୍ଚଳରେ ଆତଙ୍କର ବାତାବରଣ ସୃଷ୍ଟି ହୋଇଛି । ଓଲଟପୁର ଥାନା ଆଇଆଇସି ଓ ବ୍ଲକ ଯୋଗାଣ ଅଧିକାରୀ ସଂକ୍ରମିତ ହୋଇଥିଲାବେଳେ ଓଲଟପୁର ଓ ଇଛାପୁର ଗ୍ରାମରୁ ଆଉ ତିନି ଜଣ କରୋନା ସଂକ୍ରମିତ ହୋଇଥିବା ଜଣାପଡ଼ିଛି ।

ସେହିପରି ଝାରପଡ଼ା ପଞ୍ଚାୟତରୁ ଜଣେ ଓ ପୋସ୍ତଳ ପଞ୍ଚାୟତରୁ ୨ଜଣଙ୍କ ସ୍ୱାବ ନମୁନା ପଜିଟିଭ ଥିବା ସୂଚନା ମିଳିଛି । କଣ୍ଟାପଡ଼ା  ସରପଞ୍ଚ ପ୍ରୀତି ବେହେରା ପଞ୍ଚାୟତକୁ ୫ଦିନ ପାଇଁ ସଟଡ଼ାଉନ ଘୋଷଣା କରିଥିଲାବେଳେ ଝାରପଡ଼ା ସରପଞ୍ଚ ସୁବାସଚନ୍ଦ୍ର ବିଶ୍ୱାଳ ୩ ଦିନ ପାଇଁ ପଞ୍ଚାୟତର ତର୍ଜନା, ବଡ଼ୱାଉବରାଇ ଓ ଝାରପଡ଼ା ମୌଜାର ମୋଟ ୧୧ଟି ୱାର୍ଡ଼କୁ ତାଲାବନ୍ଦ ଘୋଷଣା କରିଛନ୍ତି । ଅନ୍ୟପକ୍ଷରେ ଇଛାପୁରଠାରୁ କୁଅଁରପୁର ମଧ୍ୟରେ ସମସ୍ତ ଦୋକାନ ବଜାର ଓ ସରକାରୀ କାର୍ଯ୍ୟାଳୟ ଇତ୍ୟାଦି ୫ଦିନ ପର୍ଯ୍ୟନ୍ତ ବନ୍ଦ ରହିବବୋଲି ବିଡ଼ିଓ ଶୁଭଶ୍ରୀ ରଥ ସୂଚନା ଦେଇଛନ୍ତି ।

LEAVE A REPLY

Please enter your comment!
Please enter your name here