ଗୋପ ତା ୩୦/୧୧ ଗୋପ ଅଞ୍ଚଳରେ ଆଜି ଏକ ଅଭାବନୀୟ ଘଟଣା ଘଟିଛି । ଏକ ଅଜଣା ଅଟୋ ଧକ୍କାରେ ଜଣେ ବାଇକ ଚାଳକ ଘଟଣା ସ୍ଥଳରେ ପଡି ଛଟପଟ ହେଉଥିବା ବେଳେ ଘଟଣା ସ୍ଥଳରୁ ଅଟୋଟି ଛୁ ମାରିଥିଲା । ଖବରପାଇ ଗୋପ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚô ଗୋପ ଥାନା ଅଧିନ ବଡକୁନ୍ଦୁରା ଗ୍ରାମର ସଦାନନ୍ଦ ରାଉତଙ୍କ ପୁଅ କାହ୍ନା ରାଉତ(୨୦)ଙ୍କୁ ଘଟଣା ସ୍ଥଳରୁ ଉଦ୍ଧାର କରି ଗୋପ ଡାକ୍ତରଖାନରେ ଭର୍ତ୍ତି କରିଥିବା ବେଳେ ଅବସ୍ଥା ସଂଙ୍କଟାପନ୍ନ ଥିବାରୁ ଚିକିତ୍ସାଧୀନ ଡାକ୍ତର ତାଙ୍କୁ କ୍ୟାପିଟାଲ ହସ୍ପିଟାଲକୁ ସ୍ତାନାନ୍ତରିତ କରିଥିଲେ । ହେଲେ ଡାକ୍ତରଖାନରେ ଦେଖାଦେଇଥିଲା ଏକ ଅପ୍ରିତିକର ପରିସ୍ଥିତି । ଗୋଟିଏ ପଟେ ଦୁର୍ଘଟଣାଗ୍ରସ୍ତ ଯୁବକଙ୍କ ଅବସ୍ଥା ବେଳକୁ ବେଳ ସଂଗୀନ ହେଉଥିବା ବେଳେ ତାଙ୍କୁ କ୍ୟାପିଟାଲ ହସ୍ପିଟାଲ ନେବା ପାଇଁ ଡାକ୍ତରଖାନାରେ ନା ଥିଲା ସରକାରୀ ଆମ୍ବୁଲାନ୍ସ ନା ଜରୁରୀକାଳିନ ସେବା ଯୋଗାଉଥିବା କହି ଡିମଡିମପିଟୁଥିବା ସରକାରଙ୍କ ୧୦୮ ଆମ୍ବୁଲାନ୍ସ । ସରକାରୀ ଆମ୍ବୁଲାନ୍ସଟି ପୂର୍ବରୁ ଅନ୍ୟ ଏକ ଦୁର୍ଘଟଣାଗ୍ରସ୍ତ ରୋଗୀଙ୍କୁ କ୍ୟାପିଟାଲ ହସ୍ପିଟାଲକୁ ନେଇଯାଇଥିବାବେଳେ ୧୦୮କୁ ବାରମ୍ବାର ଫୋନ କରିଥିଲେ ମଧ୍ୟ ପ୍ରାୟ ୧ଘଣ୍ଟା ବିଳମ୍ବରେ ପହଞ୍ଚôଥିଲା ୧୦୮ଆମ୍ବୁଲାନ୍ସ । ହେଲେ ୧ଘଣ୍ଟା ଧରି ରକ୍ତଜୁଡୁବୁଡୁ ଅବସ୍ଥାରେ ଛଟପଟ ହେବା ପରେ ୧୦୮ଆମ୍ବୁଲାନ୍ସରେ କ୍ୟାପିଟାଲ ହସ୍ପିଟାଲକୁ ଯାଉଥିବା ସମୟରେ ବାଟରେ ତାର ମୃତ୍ୟୁ ହୋଇଥିବା ପରିବାର ଲୋକଙ୍କ ପକ୍ଷରୁ ଜଣାପଡିଛି । ଫଳରେ କ୍ୟାପିଟାଲ ହସ୍ପିଟାଲରେ ପହଞ୍ଚôବାପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେପଟେ ଏହି ଘଟଣାକୁ ନେଇ ଦୁର୍ଘଟଣା ସ୍ଥଳରେ ସ୍ଥାନୀୟ ଲୋକମାନେ ନିମାପଡା-କୋଣାର୍କ ରାସ୍ତାକୁ ପ୍ରାୟ ୧ଘଣ୍ଟାଧରି ଅବରୋଧ କରିଥିଲେ । ପରେ ଗୋପ ପୋଲିସ ଘଟଣାସ୍ଥଳରେ ପହଞ୍ଚô ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ସରକାରୀ ନିୟମାନୁଯାୟୀ କ୍ଷତିପୂରଣ ମିଳୀବ ବୋଲି ପ୍ରତିଶୃତି ଦେବା ପରେ ରାସ୍ତା ଅବରୋଧ ହଟିଥିଲା । ଏହି ଘଟଣା ଉପରେ ପୋଲିସ ତଦନ୍ତ ଜାରି ରଖିଥିବା ବେଳେ ମୃତ ଯୁବକଙ୍କ ପରିବାରକୁ ସରକାରୀ ସହାୟତା ଯୋଗାଇଦେବା ପାଇଁ ସ୍ଥାନୀୟବାସୀ ଦାବି କରିଛନ୍ତି ।

LEAVE A REPLY

Please enter your comment!
Please enter your name here