ଭୁବନେଶ୍ୱର : କଂଗ୍ରେସର ଆଗୁଆ ପାର୍ଥୀ ଘୋଷଣା ସମୟ ଗଡିଗଡି ଚାଲିଛି । ଅଗଷ୍ଟ ସୁଦ୍ଧା ପାର୍ଥୀ ଘୋଷଣା କରାଯିବ ବୋଲି କୁହାଯାଇଥିଲା ବେଳେ ବର୍ଷ ଶେଷ ହେବାକୁ ଯାଉଥିଲେ ମଧ୍ୟ ଏଯାଏଁ ଘୋଷଣା ହୋଇପାରି ନାହିଁ । ଏ ସମ୍ପର୍କରେ ଆଜି ସଫେଇ ଦେଇ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି, ୪୨ଟି ଆସନରେ ପାର୍ଥୀ ତାଲିକା ଚୂଡାନ୍ତ ହୋଇସାରିଛି । ପିସିସି ପକ୍ଷରୁ ସମ୍ଭାବ୍ୟ ପ୍ରାର୍ଥୀଙ୍କ ନାମ ଏଆଇସିସିକୁ ପଠାଯାଇଛି । ବର୍ତ୍ତମାନ ୫ ଟି ରାଜ୍ୟରେ ନିର୍ବାଚନ ଚାଲିଥିବାରୁ ଏଆଇସିସି ସେଥିରେ ବ୍ୟସ୍ତ ରହିଛନ୍ତି । ଏଥିଲାଗି ଘୋଷଣା ବିଳମ୍ବ ହେଉଥିବା କଥା ସେ କହିଛନ୍ତି । ଏହି ନିର୍ବାଚନ ସରିଲା ପରେ ପାର୍ଥୀ ତାଲିକା ପ୍ରକାଶ ପାଇବ ବୋଲି ଶ୍ରୀ ପଟ୍ଟନାୟକ ଦର୍ଶାଇଛନ୍ତି ।
ଅଗଷ୍ଟ ସୁଦ୍ଧା ରାଜ୍ୟର ୫୦ଟି ବିଧାନସଭା ଆସନରେ ଆଗୁଆ ପ୍ରାର୍ଥୀ ତାଲିକା ଘୋଷଣା କରାଯିବ ବୋଲି ପିସିସି ସଭାପତି ଶ୍ରୀ ପଟ୍ଟନାୟକ ଓ ଓଡିଶା ପ୍ରଭାରୀ ଜିତେନ୍ଦ୍ର ପ୍ରସାଦ ସିଂହ ଗଣମାଧ୍ୟମକୁ କହିଥିଲେ । ଇତିମଧ୍ୟରେ ପିସିସି ନିର୍ବାଚନ କମିଟିର ବୈଠକ ବସିସାରିଛି । ସମ୍ଭାବ୍ୟ ପ୍ରାର୍ଥୀମାନଙ୍କ ସମ୍ପର୍କରେ ଆଲୋଚନା କରାଯାଇ ଚୟନ ପ୍ରକ୍ରିୟା ଶେଷ ହୋଇସାରିଛି ।

Loading...

LEAVE A REPLY

Please enter your comment!
Please enter your name here