ସମଗ୍ର ବିଶ୍ୱ ଭୂଖଣ୍ଡ ପାଇଁ ଶାନ୍ତି,ମୈତ୍ରୀ ଓ ଅହିଂସାର ମାର୍ଗ ପ୍ରଦର୍ଶକ ସାଜିଥିବା ଭାରତର ପବିତ୍ର ମାଟିରେ ଜିହାଦ ନାମରେ ଆତଙ୍କବାଦର ଏ ହିଂସ୍ର ,ବର୍ବୋରଚିତ ତାଣ୍ଡବକୁ କଠୋର ଭାଷାରେ ଯେତେ ନିନ୍ଦିଲେ ବି ତାହା ଯଥେଷ୍ଟ ହେବନି । ଆତଙ୍କବଦୀଙ୍କ ରକ୍ତସ୍ନାନକୁ ତୀବ୍ର ନିନ୍ଦା କରିବା ସହିତ ସହିଦଙ୍କ ପ୍ରତି ଗଭୀର ଶ୍ରଦ୍ଦାଂଜଳୀ ଜ୍ଞାପନ କରିଛନ୍ତି ଆମଦେଶର ଜନଗଣ । ତେବେ ସେମାନଙ୍କ ରାଷ୍ଟ୍ର ପାଇଁ ତ୍ୟାଗ ବ୍ୟର୍ଥ ଯାଏନା,ବରଂ ଆତଙ୍କବାଦ ବିରୋଧରେ ବିଶ୍ୱ ସମୂଦାୟ ଲଢେଇକୁ ଆହୁରି ସଶକ୍ତ କରିଦିଏ । ପୁଲଓମାରକ ଏ କାପୁରୋଷିଚିତ ଆକ୍ରମଣର ଠିକଣା ଯବାବ ଦେବା ଲାଗି ଭାରତର ଯେ ଯଥେଷ୍ଟ ବଳ ଓ ଅନ୍ତର୍ନିହିତ ସାମଥ୍ୟ ରହିଛି ଏଥିରେ କାଣିିଚାଏ ହେଲେ ସନ୍ଦେହ ନାହିଁ । ସାମରିକ ଅପେକ୍ଷା କୃଟନୈତିକ ଓ ରାଜନୈତିକ ଦୃଷ୍ଟିକୋଣରୁ ଏ ପ୍ରସଙ୍ଗ ବେଶ୍ ଗୁରୁତ୍ୱ ବହନ କରେ । ପାକିସ୍ତାନ ଆଡୁ ପୁଲଓମା ଆକ୍ରମଣର କୌଣସି ପ୍ରକାର ଭୂମିକାକୁ ଅସ୍ୱୀକାର କରାଯାଇଥିବଲେ ମଧ୍ୟ ଏହା ଏକ କଟୂ ବାସ୍ତବତା କହିଲେ ଅତିରଂଜନ ହେବ ନାହିଁ । ଆନ୍ତର୍ଜାତିକ ଆତଙ୍କବାଦର ନାଭିକେନ୍ଦ୍ର ପାଲଟିଥିବା ପଡୋଶୀ ପାକିସ୍ତାନ ମାଟିରେ ରଚାଯାଇଥିଲା ଏହି ବବୋରଚିତ ହଲଲା । ସଂସଦ ଆକ୍ରମଣ ଓ ସଦ୍ୟତମ ପୁଲଓାମା ସମେତି ବହୁ ଭାରତ ବିରୋଧୀ ଆତଙ୍କାବଦୀ ଆକ୍ରମମର ମୁଖ୍ୟ ଖଳନାୟକ ଭୂମିକା ତୁଲାଉଥିବା ମାସୁର ଆଝାର କଠୋରପନ୍ଥୀ ଇସଲାମୀୟ ପାକିସ୍ତାନୀଙ୍କ ଚର୍ମ ନେତ୍ରରେ ନୁହେଁ,ବରଂ ପାକ ସେନା ଓ ବେସାମରିକ ସରକାରଙ୍କ ବିଚାରରେ ବି ମହାନ ନାୟକ । ପାକିସ୍ତାନ ଗଣମାଧ୍ୟମରେ ଏହି ଆତଙ୍କବାଦୀମାନେ ସଂଗ୍ରାମୀ । ଏଣୁ ଆତଙ୍କବାଦୀ କାଯ୍ୟକଳାପରେ ଲିପ୍ତ ଥିବା ନେଇ ଅକାଟ୍ୟ ପ୍ରମାଣ ଥିଲେ ମଧ୍ୟ ସେମାନଙ୍କୁ ନିର୍ଭୟ ଆଶ୍ରୟ ମିଳୁଚି । ଭାରତ ବିରୋଧୀ ଉଗ୍ର ମାନସିକତାକୁ ମୁକୁଳି ନ ପାରି ଇସଲାମବାଦ ଭାରତ ବିରୋଧରେ ସୀମାପର ଆତଙ୍କବାଦକୁ ଉଦାର ପୃଷ୍ଟପୋଷକତା ଓ ପ୍ରୋତ୍ସାହନ ଦେଇ ଆସୁଛି । ସେହିପରି ଭାରତ ବରୋଧୀ ମାନସିକାତର ଶିକାର ହୋଇ ଚୀନ ମଧ୍ୟ ଆତଙ୍କବାଦ ପ୍ରସଙ୍ଗକୁ ସମର୍ଥନ ଦେଇଆସୁଛି । ମଙ୍କସରଦ ଆଝାରକୁ ଆନ୍ତର୍ଜ।।ତିକ ଆତଙ୍କବାଦୀ ଘୋଷଣା ପାଇଁ ଭାରତ ଓ ଆମେରିକାର ଏକାଧିକ ପ୍ରସ୍ତାବକୁ ଚୀନ ଭିଟୋ ପ୍ରୟୋଗ କରି ଆସୁଛି ।
ଆତଙ୍କବାଦୀକୁ ପ୍ରୋତ୍ସାହିତ କରୁଥିବା ବାହ୍ୟ ଶତ୍ରୁଙ୍କ ବିରୋଧରେ କୂଟନୈତିକ ଅଭିଯାନ ଓ ସାମରିକ ରଣକୌଶଳ ଯେତିକି ଗୁରୁତ୍ୱପୂର୍ଣ୍ଣ ଆତଙ୍କବାଦ ସହିତ ଯୋଡି ହୋଇଥିବା ଆଭ୍ୟନ୍ତରୀଣ ପରିସ୍ଥତିରି ମୁକାବିଲା ଓ ସମସ୍ୟାର ସମାଧାନ ଲାଗି ବାଟ ତଲାସି କରିବା ଭାରତ ପଦକ୍ଷେପରେ ଠାରୁ ବେଶ୍ ଗୁରୁତ୍ୱପୂର୍ଣ୍ଣ । ସୁତରାଂ ଭାରତ ବିରୋଧୀ ସୀମାପାର ଆତଙ୍କବାଦର ମଂଜି କାଶ୍ମୁର ବିବାଦ । ଭାରତର ଅବିଚେଦ୍ୟ ଅଙ୍ଗ ବୋଲି ଦାବି କରାଯାଉଥିବା କାଶ୍ମ୍ମୀରର ଜନଗଣ ଜାତୀୟ ମୁଖ୍ୟସ୍ରୋତରୁ ଦୂରେଇ ରହି ବିଛିନ୍ନତାବାଦୀମନସ୍କ ହେବା ଭାରତ ପାଇଁ ଏକ ବଡ ସମସ୍ୟା,ଯାହା ବାହ୍ୟ ଶାକୁ ହସ୍ତ କ୍ଷେପ କରିବାକୁ ସୁଯୋଗ ଦେଇଛି ।
ଉତ୍ତେଜନାପୂର୍ଣ୍ଣ ଜାମୁ-କାଶ୍ମୀର ମାଟି ପୁଣି ଥରେ ହୋଇପଡିଛି ରକ୍ତମୁଖା । ଗଲା ରବିବାର ଏକ ଆତ୍ମଘାତୀ ଆତଙ୍କବାଦୀ ହମଲାରେ ୪୪ ଜଣ ସିଆରପିଏଫ ଯବାନ ସହିଦ ହୋଇଥିବାବେଳେ ଘାଏଲ ହୋଇଛନ୍ତି କୋଡିଏରୁ ଉର୍ଦ୍ଦ୍ୱ ସୁରକ୍ଷାକର୍ମୀ । ସେମାନଙ୍କ ମଧ୍ୟରୁ ଅନେକ ଗୁରୁତର ଭାବେ ଆହତ ହୋଇ ମୃତ୍ୟୁ ସହିତ ସଂଗ୍ରାମ କରୁଛନ୍ତି । ଆହୁରି ବୃଦ୍ଧି ପାଇବାର ଆଶଙ୍କା ଉପୁଜିଛି ମୃତ୍ୟୁସଂଖ୍ୟା । ଜାମୁ କାଶ୍ମୀର ଫୁଲଓାମା ଜିଲ୍ଲାର ଅବନ୍ତିପୁରା ସନ୍ନିକଟ ଗୋପାଳପୁରଠାରେ ଘଟିଛି ଏହି ଆତ୍ମଘାତୀ ବିସ୍ପୋରଣ । ପାକିସ୍ତାନୀ ପ୍ରୋତ୍ସାହିତ ଆତଙ୍କବାଦୀ ସଂଗଠନ ଜୈସ୍-ଇ-ମହମ୍ମଦ ଏହି ସଂହାରଲୀଳା ଘଟାଇଥିବା ଦୃଢତାର ସହିତ ଦାଦି କରିଛି । ଏହି ବିସ୍ଫୋରଣ ଘଟଣା ୨୦୧୬ରେ ଉରୀ ସେନା ଶିବିର ଉପରେ ହୋଇଥିବା ବିସ୍ଫୋରଣ ଠାରୁ ଆହୁରି ଭୟଙ୍କର ଥିବା କୁହାଯାଉଛି । ୭୮ଟି ଗାଡିରେ ୨୫୦୦ରୁ ଅଧିକ ସି.ଆର.ପି.ଏଫ ଯବାନମାନେ ଜାମୁରୁ ଶ୍ରୀନଗର ଅଭମୁଖେ ଯାଉଥିବା ସମୟରେ ଏକ ବିସ୍ଫୋରକ ଭର୍ତି ସ୍କର୍ପିଓ କାର ଯବାନଙ୍କ ବସକୁ ଶକ୍ତ ଧକ୍କା ଦେବାରୁ ଭୟଙ୍କର ଘଟିଥିଲା ଘାତକ ବିସ୍ଫୋରଣ । ଏହି ଆତ୍ମଘାତୀ ବିସ୍ଫୋରଣ ଘଟାଇଥିବା କାରରେ ୨୦୦ କିଲୋ ଆଇଇଡି ଥିବା ଅନୁମାନ କରାଯାଉଛି । ୨୦୧୮ ଅକ୍ଟୋବର ସ୍ନିପର ବିଶେଷଜ୍ଞ ଆତଙ୍କବାଦୀ ମହମ୍ମଦ ଉସମାନଙ୍କୁ ସୁରକ୍ଷାକର୍ମୀ ହତ୍ୟା କରିବା ଘଟଣାର ପ୍ରତିଶୋଧ ସ୍ୱରୂପ ଆଦିଲ ଏହି ବିସ୍ପୋରଣ ଘଟାଇଥବା ଦାବି କରେ । ଉସମାନର ହତ୍ୟାକୁ ବଡ ସଫଳତା ରୂପେ ସେତେବେଳେ ସୁରକ୍ଷାକର୍ମୀ ବର୍ଣ୍ଣନା କରିଥିଲେ । ମୃତ୍ୟୁର ସୌଦାଗର ସାଜି ଆତ୍ମଘାତୀ ଭିଆଇଥିବା ଦୁର୍ଦ୍ଧଶ ଆତଙ୍କବାଦୀ ଆଦିଲର ଘର ପୁଲଓମାର ଗୁଣ୍ଡିବାଗଠାରେ । ଅତ୍ୟାଧୁନିକ ମାରାଣାସ୍ତ୍ରରେ ସୁସଜ୍ଜିତ ଆଦିଲ ପଛପଟେ ଜେଇଏମ ପତାକା ରଖି ଫଟୋ ଛାଡି କହିଥିଲା ଦକ୍ଷିଣ କାଶ୍ମୀରବାସୀ ଏଥିରେ ସାମିଲ ହେବା ଉଚିତ । କେତୁଟା କମାଡର ଭାଇଙ୍କୁ ହତ୍ୟା କରି ଭାରତ ଆମକୁ ଦୁର୍ବଳ କରାଇପାରିବ ନାହି ବୋଲି କହିଥିଲା ଆଦିଲ ।
ଏଭଳି ଲୋମହର୍ଷଣକାରୀ ଘଟଣା ପରେ ପାକିସ୍ତାନ ପୟୋଜିତ ଆତଙ୍କବାଦୀ ସଂଗଠନ ଜୈଓ ବିରୋଧରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ସମଗ୍ର ଦେଶରେ । କାପୁରୁଷୋତାର ନିଦର୍ଶନ ଏହି ନାରକୀୟ ଘଟଣାକୁ ତୀବ୍ର ନିନ୍ଦା କରିବା ସହିତ ସହିଦ ଯବାନଙ୍କ ବଳିଦାନ ବ୍ୟର୍ଥ ଯିବନି ବୋଲି କହୁଛନ୍ତି ପ୍ରଧାମନ୍ତ୍ରୀ ମୋଦୀ । ସହିଦଙ୍କ ପରିବାର ପ୍ରତି ଗଭୀର ସମବେଦନା ଜଣାଇବା ସହିତ ଏଭଳି ଆତଙ୍କବାଦୀ ସଂଗଠନଗୁଡିକ ବିରୋଧରେ ଯେସାକୁ ତେସା ନ୍ୟାୟରେ କଠୋର କାର୍ଯ୍ୟାନୁଷ୍ଠାନ ସହିତ ମୁହଁତୋଡ ଜବାବ ଦିଆଯିବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ । ଆହତଙ୍କ ପିଛା ଚିକିତ୍ସା ପାଇଁ ତୁରନ୍ତ ୫୦ ହଜାର ଟଙ୍କାର ସହାୟତା ରାଶି ସେ ଘୋଷଣା କରିଛନ୍ତି ।
ଉଲ୍ଲେଖଯୋଗ୍ୟ,୨୦୦୧ରେ ଜାମୁ-କାଶ୍ମିର ବିଧାନସଭା ଓ ସଚିବାଳୟ ଆକ୍ରମଣରେ ସର୍ବାଧିକ ୩୮ ଜଣ ନିରୀହ ପ୍ରାଣ ଟଳିପଡିଛନ୍ତି । ସେହିପରି ୨୦୧୭ ଉରି ସେନା ଛାଉଣୀ ଉପରେ ହୋଇଥିବା ଆତଙ୍କୀ ହମଲାରେ ୧୯ ଜଣ ଯବାନ ସହିଦ ହୋଇଥିଲେ । ଗଲା ତେର ମାସ ମଧ୍ୟରେ ଏହା ଥିଲା ଜେ.ଇ.ଏମର ଦ୍ୱିତୀୟ ଲୋମଟାଙ୍କୁରା ଆକ୍ରମଣ । ସୁତରାଂ ଗତ ଦୁଇ ଦଶନ୍ଧି ମଧ୍ୟରେ ଜାମୁ କାଶ୍ମୀରରେ ଏକାଧିକ ବଡ ଆତଙ୍କୀ ହମଲା ଘଟି ବହୁ ନିରୀହ ଲୋକଙ୍କର ଉଡିଯାଇଛି ପ୍ରାଣପକ୍ଷୀ । କହିବାବାହୁଲ୍ୟ,୧୯୯୯ ନଭେମ୍ବର ୩ ରେ ବାଦାମୀବାଗ ସେନା ମୁଖ୍ୟାଳୟରେ ଆତଙ୍କୀମାନେ ପଶି ଗୁଳି ଚଳାଇବାରୁ ୧୦ ଜଣ ଯବାନ ହୋଇଯାଇଥିଲେ ସହିଦ । ସେମିତି ୨୦୦୦ ଏପ୍ରିଲ ୧୯ରେ କାଶ୍ମିରରେ ପ୍ରଥମ କରି ବ୍ୟବହାର ହୋଇଥିଲା ମାନବ ବୋମା । ଶ୍ରୀନଗରର ସେନା ମୁଖ୍ୟାଳୟରେ ଘଟିଥିବା କାମବୋମ ବିସ୍ଫୋରଣରେ ଦୁଇଜଣ ଯବାନ ସହିଦ ହୋଇଥିଲେ । ସେମିତି ୨୦୦୫ ଜୁଲାଇ ୨୦ରେ କାରବୋମା ବିସ୍ଫୋରଣରେ ୩ ସୁରକ୍ଷାକର୍ମୀ, ସେଇବର୍ଷ ଜୁନ ୨୪ରେ ଶ୍ରୀନଗର ଉପକଂଠରେ ଆତଙ୍କବାଦୀଙ୍କ କାମବୋମା ବିସ୍ପୋରଣରେ ୯ ଯବାନ ,୨୦୦୪ ଅଗଷ୍ଟ ୪ରେ ଶ୍ରୀନଗର ରାଜବାଗରେ ସିଆରପିଏଫ କ୍ୟାମ୍ପ ଉପରେ ଆତଙ୍କୀ ହମଲାରେ ୯ ଯବାନ, ସେ ବର୍ଷ ଏପ୍ରିଲ ୮ରେ ବାରମୂଲା ଜିଲ୍ଲାର ଉରିରେ ପିଡିପି ରାଲି ଉପରେ ଆତଙ୍କୀଙ୍କ ଗ୍ରେନେଜ ମାଡରେ ୧୧ ଜଣ, ୨୦୦୩ ଜୁଲାଇ ୨୨ରେ ଅଖୁନରଠାରେ ସେନା ଶିବିର ଉପରେ ଆତଙ୍କୀ ହମଲାରେ ୮ ଯବାନ,ସେଇ ବର୍ଷ ଜୁନ ୨୮ରେ ସୂନଜଓାନ ସେନା ଶିବିର ଉପରେ ଆତଙ୍କୀ ହମଲାରେ ୧୨ ଯବାନ,୨୦୦୨ ମେ ୧୪ରେ ଜମ୍ମୁର କାଲୁଛକ ସେନା କ୍ୟାଂଟେନମେଂଟ ଭିତରେ ଆତଙ୍କୀ ଓ ସୁରକ୍ଷାକର୍ମୀଙ୍କ ଏନକାଉଁଟରେ ୧୦ ଯବାନ ଓ ଚାରି ଆତଙ୍କବାଦୀ ୨୦୦୦ ଅଗଷ୍ଟ ୧୦ରେ ଶ୍ରୀନଗର ରେସିଡେଂନସୀ ରୋଡରେ ଆତଙ୍କବାଦୀଙ୍କ ଗ୍ରେନଡ ମାଡରେ ୧୧ଜଣ ସହିଦ ହୋଇଥିଲେ । ସେହିଭଳି,୨୦୦୮ ଜୁଲାଇ ୧୯ରେ ଶ୍ରୀନଗର ବାରମୂଲା ରାଜପଥରେ ନାର୍ବାଲ ରାସ୍ତାପାଶ୍ୱର୍ରେ ଆତଙ୍କବାଦୀଙ୍କ ଆଇଇଡି ବିସ୍ଫୋରଣରେ ୧୦ ଯବାନ,୨୦୦୫ ନଭେମ୍ବର ୨ରେ ନୌଗାମରେ ଆତ୍ମଘାତୀ ବିସ୍ଫୋରଣରେ ତିନି ଜଣ ଯବାନ ୨୦୧୩ ଜୁନ ୨୪ରେ ଆତଙ୍କବାଦୀମାନେ ଆକ୍ରମଣରେ ୮ ଯବାନ, ୨୦୧୪ ଡିସେମ୍ବର ୫ରେ ସଶସ୍ତ୍ର ଆତଙ୍କବାଦୀ ଆକ୍ରମଣରେ ଉରି ସେନା କ୍ୟାମ୍ପରେ ଥିବା ୧୦ ଯବାନ,୨୦୧୬ ଜୁନ ୩ରେ ପାମ୍ପରଠାରେ ଯବାନ ଓ ଆତଙ୍କୀ ମୁହାଁମୁହଁରେ ୩ ଜଣ ୨୦୧୬ ଜୁନ ୨୫ରେ ଶ୍ରୀନଗର ଜାମ୍ମୁ ଜାତୀୟ ରାଜପଥର ପାମ୍ପୋରଠାରେ ଆତଙ୍କୀଙ୍କ ଆଖିବୁଜା ଗୁଳିରେ ୮ ଯବାନ, ୨୦୧୬ ସେପ୍ଟେମ୍ବର ୧୮ରେ ବାରମୁଲା ଜିଲ୍ଲବାର ଉରି ସେନା ଶିବିର ଉପରେ ଆତଙ୍କୀ ହମଲାରେ ୧୮ ଜଣ ଯବାନ ୨୦୧୬ ନଭେମ୍ବର ୨୯ରେ ଉମ୍ମୁର ନାଗ୍ରୋଟା ସେନା ଶିବିରରେ ତିନି ଆତଙ୍କୀଙ୍କ ଆକ୍ରମଣରେ ୭ ଯବାନ ଓ ୨୦୧୭ ଅଗଷ୍ଟ ୨୬ରେ ପୁଲୱମା ପୁଲିସ ଲାଇନରେ ଆତଙ୍କାବାଦୀ ଆକ୍ରମଣରେ ୮ ସୁରକ୍ଷା କର୍ମୀ ସହିଦ ହୋଇଥିଲେ ।
ଏବେ ଜମ୍ମୁ କାଶ୍ମୀରର ପ୍ରତ୍ୟେକ ଘାଟି,ପ୍ରତିରକ୍ଷା ଘାଟି,ସୀମା ସଂଲଗ୍ନ ଗ୍ରାମାଂଚଳ,ସୀମା ନିୟନ୍ତ୍ଣ ରୋଖା ସମେତେ ସହର,ବଜାର, ମୁଖ୍ୟ ରାଜପଥ,ଗ୍ରାମାଂଚଳର ସୁରକ୍ଷା ବ୍ୟବସ୍ଥା କଡାକଡି କରିବାକୁ ରାଜ୍ୟପାଲ ନିର୍ଦ୍ଦେଶନାମା ଜାରି କରିଛନ୍ତି । ଆତଙ୍କବାଦୀଙ୍କ ହୀନ ଚକ୍ରାନ୍ତ ଦେଶବାସୀ ଓ ସୁରକ୍ଷା କର୍ମୀଙ୍କ ମନୋବଳ ଭାଙ୍ଗିପାରିବ ନାହିଁ ବୋଲି ଦୃଢତାର ସହିତ କହିଛନ୍ତି ପ୍ରଧାନମନ୍ତ୍ରୀ ମୋଦୀ । ଫୁଲଓାମା ଆତ୍ମଘାତୀ ଆକ୍ରମଣର ତଦନ୍ତ ଭାର ଏନ.ଆଇ.ଏ ଉପରେ ନ୍ୟସ୍ତ କରାଯାଇଛି । କାଶ୍ମିର ବାସୀଙ୍କ ସୁରକ୍ଷା ବ୍ୟବସ୍ଥା,ସେନାବାହିନୀ ଓ ସିଆରପିଏଫ ବାହିନୀଙ୍କ ନିରାପତ୍ତା ଅନୁଧ୍ୟାନ ଉପରେ ବେଶ୍ ଗୁରୁ୍ତ୍ୱ ପ୍ରଦାନ କରାଯାଇଛି ।
ପାକିସ୍ତାନର ଆତଙ୍କବାଦୀ ସଂଗଠନ ଜୈଶ-ଇ-ମହମ୍ବଦ ଦ୍ୱାରା ଜମ୍ମୁ କାଶ୍ମୀରର ପୁଲଓାମା ଜିଲ୍ଲାରେ ହୋଇଥିବା ଆତ୍ମଘାତୀ ହମଲାର ଜବାବ ରଖି ଭାରତ କଡା ଆଭିମୁଖ୍ୟ ଗ୍ରହଣ କରିଛି । ଆକ୍ରମଣରେ ୪୦ ଜଣେ ଯବାନ ଶହୀଦ ହୋଇଯାଇଥିବାବେଳେ ଆତଙ୍କବଦୀଙ୍କୁ ପ୍ରଶୟ ଦେଇଥିବା ପାକିସ୍ତାନ ବିରୋଧରେ ଭାରତ ବାଣିଜ୍ୟ ଅସ୍ତ ପ୍ରୟୋଗ କରିଛି । ୨୨ ବର୍ଷ ତଳେ ପାକିସ୍ତାନକୁ ପ୍ରଦାନ କରଯାଇଥିବା ବହୁ ଅନୁଗୃହୀତ ରାଷ୍ଟ୍ର ମାନ୍ୟତାକୁ ଦେଶ ପ୍ରତ୍ୟାହାର କରିଦେଇଛି ପାକିସ୍ତାନକୁ ସଂପୂର୍ଣ୍ଣ ଭାବେ ଏକଘରକିଆ କରିବାକୁ ସମସ୍ତ ସମ୍ଭାବ୍ୟ ଉଦ୍ୟମ କରାଯିବା ବୋଲି ସୁରକ୍ଷା ସମ୍ଭନ୍ଧୀୟ କ୍ୟାବିନେଟ କମିଟି ବୈଠକରେ ନିଷ୍ପତି ଗ୍ରହଣ କରାଯାଇଚି । ଫଳରେ ଦୁଇ ଦେଶ ମଧ୍ୟରେ ଏବେ ବାଣିଜ୍ୟିକ ସମ୍ପର୍କରେ ତିକ୍ତତା ବଢିବାରେ ଲାଗିଛି । ଭାରତ ୧୯୯୬ରେ ପାକିସ୍ତାନକୁ ଏହି ମାନ୍ୟତା ପ୍ରଦାନ କରିଥିଲା । କିନ୍ତୁ ପାକିସ୍ତାନ ପକ୍ଷରୁ ଭାରତକୁ ଏଯାବତ ଏହି ମାନ୍ୟତା ପ୍ରଦାନ କରାଯାଇନାହିଁ ବୋଲି ଜଣାଯାଏ । ଉଭୟ ରାଷ୍ଟ ଶୁଳ୍କ ଓ ବାଣିଜ୍ୟ ସଂକ୍ରାନ୍ତ ସାଧାରଣ ଚୁକ୍ତିନାମାରେ ସ୍ୱାକ୍ଷର କରିଥିବା ସତ୍ତେ୍ୱ ପାକିସ୍ତାନ ଏଯାବତ ଭାରତକୁ ଏହି ସମ୍ମାନ ପ୍ରଦାନ କରିନାହିଁ । ଉରି ଆକ୍ରମଣ ପରେ ପାକିସ୍ତାନଠାରୁ ଏହି ମାନ୍ୟତା ପ୍ରତ୍ୟାହାର କରିବା ପାଇଁ ସରକାରଙ୍କ ଉପରେ ଚାପ ପଡିଥିଲା । କିନ୍ତୁ ସେ ସମୟରେ ସରକାର ଏହାକୁ ଏଡାଇ ଦେଇଥିଲେ ।
ସିରିଆ ଓ ଆଫଗାନ ଆତଙ୍କୀଙ୍କ ପରି ରଣକୌଶଳ ବଦଲାଉଥିବା ଆତ୍ମଘାତୀ ଆତଙ୍କବାଦୀଙ୍କ ହମଲାକୁ ସଫଳତାର ମୁକାବିଲା କରିବା ଲାଗି ସି.ଆର.ପି ଏଫ ଯବାନ ଓ ସେନାଙ୍କ ତରିକା, ରଣନୀତି ଓ କୌଶଳ ସଂପୂର୍ଣ୍ଣ ଭାବେ ନିଆରା ହେବା ଜରୁରୀ । କିନ୍ତୁ ଯାହା ଜଣାଯାଏ,ପୁଲଓାମା କ୍ଷେତ୍ରରେ ସୁରକ୍ଷାକର୍ମୀଙ୍କ ରଣକୌଶଳରେ ବୋଧେ କିଛିଟା ଗୁରୁତର ତ୍ରୁଟି ରହିଯାଇଥିଲା । ତେବେ ଏହି ଲୋମହର୍ଶଣକାରୀ ଆତଙ୍କୀ ହମଲା ଯେ ସୀମାପାର ଆତଙ୍କବାଦର ନିଦର୍ଶନ ଏଥିରେ ଗାରେ ହେଲେ ସନ୍ଦେହ ନାହିଁ । କଥା ହେଉଛି, ଆତଙ୍କୀଙ୍କ ଗତିବିଧି ଓ କାର୍ଯ୍ୟପ୍ରଣାଳୀ ଉପରେ ସୁରକ୍ଷା କର୍ମୀଙ୍କର ତୀକ୍ଷଣ ନଜର ରଖିବାର ଥିଲା । ଆମ ଦେଶର ଗୁଇନ୍ଦା ସଂସ୍ଥା କୁଆଡେ ସାତ ଦିନ ଆଗରୁ ଏଭଳି ହମଲା ସଂଘଟିତ ହେବାର ଆଶଙ୍କା ରହିଛି ବୋଲି ଜଣାଇଥିଲେ । ଅଭିଯୋଗ ଉଠୁଛି,ଏଭଳି ଏହି ଚେତାବନୀକୁ ସୁରକ୍ଷା କର୍ମୀମାନେ ଯଥେଷ୍ଟ ଗମ୍ଭୀରତାର ସହିତ ବିଚାରିନଥିଲେ ।
ଦେଶରେ ଆତଙ୍କବାଦକୁ ରୋକିବା ଲାଗି ପହିଲେ ଏକ ସୁଦୃଢ ସୁରକ୍ଷା ବ୍ୟବସ୍ଥା କରାଯିବା ନିହାତି ଜରୁରୀ ମନେହୁଏ । ଏ ପ୍ରକାର ବର୍ବୋରଚିତ ଘଟଣାକୁ ନେଇ କ୍ରୋଧର ମାହୋଲ ସୃଷ୍ଟି ହେବା ସ୍ୱାଭାବିକ ହେଲେ ମଧ୍ୟ ଏଇ ସଂଗୀନ ପରିସ୍ଥିତିରେ ସଂଯମତା ଅବଲମ୍ବନ କରିବା ନିହାତି ଜରୁରୀ । ଆତଙ୍କବାଦ ବିରୋଧରେ ଦେଶବାସୀ ମିଳିମିଳି ଲଢେଇ କରିବା ଆବଶ୍ୟକତା ରହିଛି । ଷଡଯନ୍ତ୍ର ରଚିଥିବା ଆତଙ୍କବାଦୀ ସମର୍ଥଙ୍କ ବିରୋଧରେ କଡା ସଜା ତଥା କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ବାଂଛନୀୟ । କେନ୍ଦ୍ର ସରକାର ଜୈଶ ଏ ମୋହମ୍ମଦ ସରଗନା ମସୁଦ ଅଜହର ସମେତ ଅନ୍ୟାନ୍ୟ ଆତଙ୍କୀ ସଂଗଠନ ତାଲିକାକୁ ମିଳିତ ଜାତିସଂଘ ସୁରକ୍ଷା ପରିଷଦର ବିଶ୍ୱ ସୂଚୀରେ ସାମିଲ କରିବାକୁ ଆବେଦନ ଗ୍ରହଣ କରିଥିଲା,ଆଉ ବଶ୍ୱ ସମୂଦାୟକୁ ଆବେଦନ କରିଥିଲା ଯେ ପାକିସ୍ତାନ ପ୍ରୟୋଜିତ ଅନ୍ତର୍ଜାତୀୟ ଆତଙ୍କୀ ସଂଗଠନ ଉପରେ କଟକଣା ଲାଗୁ କରିବାର ପ୍ରସ୍ତାବକୁ ସମର୍ଥନ ଜଣାଉ ବୋଲି ଭାରତ ବିଶ୍ୱ ସମୂଦାୟକୁ ଆବେଦନ କରିଥିଲା । ତେବେ ଚୀନ ପୁଲଓାନା ଉପରେ ଆତଙ୍କୀ ହମଲାକୁ ନିନ୍ଦା କରିଥିଲେ ମଧ୍ୟ ସସଦ ଅଜହରକୁ ଆନ୍ତ୍ରଜାତୀୟ ଆତଙ୍କବାଦୀ ସଂଗଠନ ତାଲିକାଭୂକ୍ତ କରିବା ପ୍ରସ୍ତାବକୁ ନିଜର ଭିଟୋ ପ୍ରୟୋଗ ବଳରେ ଟାଳିଦେଇଥିଲେ । ଆଉ ଭାରତର ପ୍ରସ୍ତାବକୁ ସମର୍ଥନ ଦେବାକୁ ରୋକଠୋକ ମନା କରିଦେଇଥିଲେ । ତେବେ ଆଗକୁ ଆମେ ଯେପରି ଏଭଳି ପ୍ରୟାସକୁ ଅବ୍ୟାହତ ରଖିବା ସେଥିପ୍ରତି ନିଘା ରହିବା ଆବଶ୍ୟକ ସବୋପରି କାଶ୍ମୀର ଯୁବଗୋଷ୍ଠୀ ଯେମିତି ଏହି ମାର୍ଗକୁ ନ ଆପଣାନ୍ତି ସେଥିଲାଗି ସେଠିକା ଜନତା ଓ ଆମମାନଙ୍କ ମଧ୍ୟରେ ବ୍ୟାପକ ସଚେତନତା ସୃଷ୍ଟି ହେବା ଏକାନ୍ତ ଆବଶ୍ୟକ ।
ନଗେନ୍ଦ୍ର ନାଥ ପଟ୍ଟନାୟକ
୯୯୯-୩,ଜଗମୋହନ ନଗର,ଜାଗମରା ଖଣ୍ଡଗିରି
ଭୁବନେଶ୍ୱର,ମୋ-୯୪୩୮୩୩୨୧୩୮

LEAVE A REPLY

Please enter your comment!
Please enter your name here