nalco

ନୂଆଦିଲୀ/ଭୁବନେଶ୍ୱର : ରାଜ୍ୟରେ ପ୍ରଧାନମନ୍ତ୍ରୀ ଉଜ୍ଜଳା ଯୋଜନା ବିଫଳ ହୋଇଥିବା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବୟାନ ସମ୍ପୂର୍ଣ ରୂପେ ଅସତ୍ୟ ଓ ତଥ୍ୟ ଉପରେ ଆଦୌ ଆଧାରିତ ନୁହେଁ ବୋଲି ଏକ ପତ୍ର ଲେଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ପତ୍ରରେ ମୁଖ୍ୟମନ୍ତ୍ରୀଙ୍କୁ ସମାଲୋଚନା କରି ଶ୍ରୀ ପ୍ରଧାନ କହିଛନ୍ତି ରାଜ୍ୟ ସରକାରର ଜ୍ୱଳନ୍ତ ଜନ ସମସ୍ୟାକୁ ସମାଧାନ କରିବାର ବିଫଳତାକୁ ଘୋଡାଇ ଲୋକଙ୍କ ଧ୍ୟାନ ହଟାଇବା ପାଇଁ ମୁଖ୍ୟମନ୍ତ୍ରୀ ଏପରି
ପ୍ରସଙ୍ଗ ଉଠାଇଛନ୍ତି ବୋଲି ଶ୍ରୀ ପ୍ରଧାନ ତାଙ୍କ ପତ୍ରରେ ଅଭିଯୋଗ କରିଛନ୍ତି । ରାଜ୍ୟରେ ଗ୍ୟାସ ରିଫିଲ୍ ନେଇ ମୁଖ୍ୟମନ୍ତ୍ରୀଙ୍କ ସମାଲୋଚନାର କଡା ଜବାବ ଦେଇଛନ୍ତି ଶ୍ରୀ ପ୍ରଧାନ ।

• ରାଜ୍ୟ ସରକାରର ଜ୍ୱଳନ୍ତ ଜନ ସମସ୍ୟାକୁ ସମାଧାନ କରିବାର ବିଫଳତାକୁ ଘୋଡାଇ ଲୋକଙ୍କ ଧ୍ୟାନ ହଟାଇବା ପାଇଁ ମୁଖ୍ୟମନ୍ତ୍ରୀ ଏପରି ପ୍ରସଙ୍ଗ ଉଠାଇଛନ୍ତି
• ରାଜ୍ୟରେ ଉଜ୍ଜଳା ଯୋଜନାରେ ହିତାଧିକାରୀ ମାନେ ମୋଟ ୧.୨ କୋଟି ରିଫିଲ୍ ନେଇଛନ୍ତି । ଯାହା ହିତାଧିକାରୀ ପିଛା ୩.୭ ହାରରେ ଗ୍ୟାସ ସିଲିଣ୍ଡରର ବ୍ୟବହାର ହୋଇଛି
• ରାଜ୍ୟରେ ୪.୨ ଲକ୍ଷ ଉଜ୍ଜଳା ପରିବାର ୪ ବା ତଦୁର୍ଦ୍ଦ ରିଫିଲ୍ ନେଇଛନ୍ତି
• ୨୦୧୪ ମେ ମାସ ସୁଦ୍ଧା ଓଡିଶାରେ ୧୯ ଲକ୍ଷ ଏଲପିଜି କନେକସନ ମୋଟ ପରିବାରର ୨୨ ପ୍ରତିଶତ ଘରେ ପହଁଚିଥିଲା । ମାତ୍ର ଆଜି ଦିନରେ ଏହି ସଂଖ୍ୟା ୬୯ ପ୍ରତିଶତରେ ପହଁଚିଲାଣୀ
• ଉଜ୍ଜଳା ନିୟମ କୋହଳ ହେବା କାରଣରୁ ରାଜ୍ୟର ୯୦ ପ୍ରତିଶତ ଘରେ ଖୁବଶୀଘ୍ର ଏଲପିଜି ପହଁଚିବ

ଶ୍ରୀ ପ୍ରଧାନ ଏ ପତ୍ରରେ ଉଲେଖ କରିଛନ୍ତି ରାଜ୍ୟରେ ପ୍ରଧାନମନ୍ତ୍ରୀ ଉଜ୍ଜଳା ଯୋଜନାରେ ହିତାଧିକାରୀ ମାନେ ମୋଟ ୧.୨ କୋଟି ରିଫିଲ୍ ନେଇଛନ୍ତି । ଯାହା ହିତାଧିକାରୀ ପିଛା ୩.୭ ହାରରେ ଗ୍ୟାସ ସିଲିଣ୍ଡରର
ବ୍ୟବହାର ହୋଇଛି । ଏହା ରାଷ୍ଟ୍ରୀୟ ସ୍ତରରେ ଉଜ୍ଜଳା ଯୋଜନାର ବ୍ୟବହାର ହାର ସହ ସମାନ ରହିଛି । ଶ୍ରୀ ପ୍ରଧାନ କହିଛନ୍ତି ରାଜ୍ୟରେ ୪.୨ ଲକ୍ଷ ଉଜ୍ଜଳା ପରିବାର ୪ ବା ତଦୁର୍ଦ୍ଦ ରିଫିଲ୍ ନେଇଛନ୍ତି । ଏହା ରାଜ୍ୟରେ ଜାଳେଣୀ ବ୍ୟବହାର ନେଇ ବଦଳୁଥିବା ବ୍ୟବହାରର ପ୍ରମାଣ ବୋଲି କହିବା ସହ ଓଡିଶାର ଜନସାଧାରଣ ଉଜ୍ଜଳା ଯୋଜନାରେ ସ୍ୱାସ୍ଥ୍ୟ, ପର୍ଯ୍ୟାବରଣ ତଥା ସମୟ ବଂଚିବା ଦ୍ୱାରା ମହିଳାମାନେ ଅନ୍ୟକାମ କରି ରୋଜଗାର ଦ୍ୱାରା ସଶକ୍ତ ହେବା ସମ୍ଭବ ହୋଇଛି । ଶ୍ରୀ ପ୍ରଧାନ କହିଛନ୍ତି ୨୦୧୪ ମେ ମାସ ସୁଦ୍ଧା ଓଡିଶାରେ ୧୯ ଲକ୍ଷ ଏଲପିଜି କନେକସନ ମୋଟ ପରିବାରର ୨୨ ପ୍ରତିଶତ ଘରେ ପହଁଚିଥିଲା । ମାତ୍ର ଆଜି ଦିନରେ ଏହି ସଂଖ୍ୟା ୬୯ ପ୍ରତିଶତରେ ପହଂଚିଲାଣି । ଏହା ସହ ଶ୍ରୀ ପ୍ରଧାନ କହିଛନ୍ତି ଉଜ୍ଜଳା ଯୋଜନାରେ ଏଲପିଜି ଯୋଗାଇ ଦେବାପାଇଁ ନିୟମ କୋହଳ ହେବା କାରଣରୁ ରାଜ୍ୟର ୯୦ ପ୍ରତିଶତ ଘରେ ଖୁବଶୀଘ୍ର ଏଲପିଜି ଯୋଗାଣ ଲକ୍ଷ୍ୟ ପୂରଣ ହେବ ବୋଲି ଶ୍ରୀ ପ୍ରଧାନ ଆଶାବ୍ୟକ୍ତ କରିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଏଲପିଜିର ବଜାର ଦର ବଢିବାରୁ ସୁରକ୍ଷା ଦେବାପାଇଁ ଆଜି ଦିନରେ କେନ୍ଦ୍ର ସରକାର ରାଜ୍ୟରେ ୩୨୬ ଟଙ୍କା ୨୨ ପଇସା ସବସିଡ୍ ଯୋଗାଉଛନ୍ତି । ଏଲପିଜି ରିହାତିକୁ ମଧ୍ୟସ୍ଥି ମୁକ୍ତ କରି ସିଧା ବ୍ୟାଙ୍କ ଖାତାରେ ଜମା କରି ଦିଆଯାଉଛି । ଏହାସହ ରାଜ୍ୟର କମନ ସର୍ଭିସ ସେଂଟର ଗୁଡିକରେ ୫ କିଲୋ ଓଜନର ଏଲପିଜି ଯୋଗାଇ ଦେବାର ବ୍ୟବସ୍ଥା କ୍ରୟ ଶକ୍ତିକୁ ଧ୍ୟାନରେ ରଖି ବ୍ୟବସ୍ଥା କରାଯାଇଛି । ଏହି ସମସ୍ତ ତଥ୍ୟ ମୁଖ୍ୟମନ୍ତ୍ରୀଙ୍କ ଆଶଙ୍କାକୁ ଦୂର କରିବା ସହ ମୁଖ୍ୟମନ୍ତ୍ରୀ ରାଜ୍ୟରେ ଗ୍ୟାସ ଭିତିଭୂମିକୁ ସୁଦୃଢ
କରିବାରେ ସହାୟକ ହେବ ବୋଲି ଆଶାବ୍ୟକ୍ତ କରିଛନ୍ତି । ଏହାସହ ଖୋରଧା ଠାରେ ଏଲପିଜି ବଟଲିଂ ପ୍ଲାଂଟ ପାଇଁ ତୁରନ୍ତ ଜମି ଯୋଗାଇ ଦେବାପାଇଁ ଅନୁରୋଧ କରିଛନ୍ତି ।

LEAVE A REPLY

Please enter your comment!
Please enter your name here