ଧର୍ମଶାଳା, ଧର୍ମଶାଳା ଥାନା ପାଟପୁର ପଞ୍ଚାୟତ ନସିଡିପୁର ଗ୍ରାମରେ ଜଣେ ମହିଳାଙ୍କୁ ବେକ ଚାପି ମାରିଦିଆଯାଇ ଆତ୍ମହତ୍ୟା ରୁପ ଦିଆଯାଇଥିବା ବାପଘର ପକ୍ଷରୁ ଧର୍ମଶାଳା ଥାନାରେ ଆଜି ଅଭିଯୋଗ ହୋଇଛି । ନରସିଡିପୁର ଗ୍ରାମର ପ୍ରଫୁଲ ମହାରଣା ଏହି ଥାନା ଅନ୍ତର୍ଗତ ଅଚୁ୍ୟତପୁର ଗ୍ରାମର ବଂଶୀଧର ଓଝାଙ୍କ ଝିଅ କୁନି ମହାରଣା(୪୨)ଙ୍କୁ ୨୦୦୦ ମସିହାରେ ବିବାହ କରିଥିଲେ । ଗତକାଲି ମୃତ କୁନି ମହାରଣାଙ୍କ ଖୁଡି ଶାଶୁଙ୍କ ଦେହାନ୍ତ ହୋଇଯାଇଥିଲା । ପରିବାର ଲୋକ ଶବ ସକ୍ରାର ପାଇଁ ଶ୍ମଶାନକୁ ଯାଇଥିବା ବେଳେ ପୂର୍ବ ଶତୃତାକୁ କେନ୍ଦ୍ର କରି କୁନିକୁ ମାରି ଦେଇଥିବା ମୃତ କୁନିର ଭଉଣୀ ମାନିନୀ ଓଝା ଧର୍ମଶାଳା ଥାନାରେ ଅଭିଯୋଗ କରିଛନ୍ତି । ଅପରପକ୍ଷେ ପରିବାର ପକ୍ଷରୁ କୁହାଯାଇଛି ଯେ କୁନି ମହାରଣା ଆଜି କେହି ଘରେ ନଥିଲା ବେଳେ ବେକରେ ରସି ଲଗାଇ ଆତ୍ମହତ୍ୟା କରିଥିଲେ । ପରିବାର ଲୋକ ଏହା ଦେଖିବା ପରେ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ କୁନିକୁ ଆଣିଥିଲେ । ମାତ୍ର ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ମାନିନୀ ଓଝାଙ୍କ ଅଭିଯୋଗକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରି ମୃତ ଦେହକୁ ଜବତ କରିଛି । ଆସନ୍ତାକାଲି ମୃତଦେହ ବ୍ୟବଛେଦ ପାଇଁ ବଡଚଣା ସ୍ୱାସ୍ଥ୍ୟକେନ୍ଦ୍ରକୁ ପଠାଯିବ ବୋଲି ଧର୍ମଶାଳା ଥାନା ଅଧିକାରୀ ସରୋଜ କୁମାର ସାହୁ ସୂଚନା ଦେଇଛନ୍ତି ।

LEAVE A REPLY

Please enter your comment!
Please enter your name here