ଦଶରଥପୁର, ୨୯/୧୧(ସବୁ୍ୟ) : ଗତ ୨୦ ତାରିଖ ସଂଧ୍ୟାରେ ସ୍ତ୍ରୀକୁ ହତ୍ୟା ଅଭିଯୋଗରେ ସ୍ୱାମୀକୁ ଗିର‘ କରାଯାଇ କୋର୍ଟ ଚାଲାଣ କରାଯାଇଛି । ମାତ୍ର ୪ ଜଣ ନାବାଳକ ସନ୍ତାନ ସମ୍ପୂର୍ଣ୍ଣ ନିରାଶ୍ରୟ । ଏଭଳି ହୃଦୟ ବିଦାରକ ଘଟଣା ଘଟିଛି ଦଶରଥପୁର ବ୍ଲକ ତରପଦା ପଂଚାୟତରେ । ଏହି ଘଟଣାରେ ଝିଅର ବାପ ଘର ତର‘ରୁ ହତ୍ୟା ଅଭିଯୋଗ ହେବାପରେ ମଂଗଳପୁର ଥାନା ପକ୍ଷରୁ ସ୍ୱାମୀକୁ ଗିର‘ କରାଯାଇ ଯାଜପୁର କୋର୍ଟ ଚାଲାଣ କରାଯାଇଛି । ଅଭିଯୋଗ ଅନୁସାରେ ତରପଦା ପଂଚାୟତର ଗୋପକୂଳ ଗ୍ରାମର ଦଶରଥ ଜେନାଙ୍କୁ ବିରୁହାଁ ପଂଚାୟତ ମନ୍ଦାରଖଣ୍ଡ ଗ୍ରାମର ଝୁନାରାଣୀ ଜେନାଙ୍କୁ ୧୮ ବର୍ଷ ତଳେ ବିବାହ କରିଥିଲେ । ତାଙ୍କର ୪ଟି ସନ୍ତାନ ରହିଥିବାବେଳେ ଦଶରଥ ଜଣେ ଦିନ ମଜୁରିଆ ଭାବେ କାର୍ଯ୍ୟ କରି ପରିବାର ପୋଷଣ କରନ୍ତି । ଗତ ୨୦ ତାରିଖ ଅପରାହ୍ନରେ ଝୁୁନାରାଣୀଙ୍କ ଦେହ ହଠାତ ଖରାପ ହୋଇପଡିଥିଲା । ଯେଉଁ ସମୟରେ ସ୍ୱାମୀ ଦଶରଥ ତରପଦା ଗ୍ରାମର ମଧୁସୁଦନ ଦାସଙ୍କ ପୁଅ ବିବାହ କାର୍ଯ୍ୟରେ ଥିଲେ । ପରେ ପଡୋଶୀ ତାଙ୍କୁ ମଂଗଳପୁର ଚିକିତ୍ସାଳୟକୁ ନେଇଯାଇଥିଲେ । ପରେ ଅବସ୍ଥା ଗୁରୁତର ହୋଇପଡିବାରୁ ସଙ୍ଗେସଙ୍ଗ ଯାଜପୁର ମୁଖ୍ୟ ଚିକିତ୍ସାଳୟକୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କୁ ମୃତୁ୍ୟ ଘୋଷଣା କରିଥିଲେ । ଏଥିନେଇ ଝୁନାରାଣୀଙ୍କ ବାପଘର ଲୋକେ ତାଙ୍କୁ ହତ୍ୟା କରିଥିବା ଥାନାରେ ଲିଖିତ ଅଭିଯୋଗ କରିଥିଲେ । ଅନ୍ୟପକ୍ଷରେ ଝୁନାରାଣୀଙ୍କର ହୃଦଘାତରେ ବିୟୋଗ ହୋଇଥିବା ଗାଁ ଲୋକେ କହୁଛନ୍ତି । ଏହି ଘଟଣାରେ ଥାନା ପକ୍ଷରୁ ସ୍ୱାମୀ ଦଶରଥକୁ ଗିର‘ କରାଯାଇ କୋର୍ଟ ଚାଲାଣ କରାଯାଇଥିଲା । ମାତ୍ର ଏହିଠାରୁ ଆରମ୍ଭ ହୋଇଥିଲା ହୃଦୟ ବିଦାରକ ଘଟଣା । ମା ଝୁନାରାଣୀଙ୍କ ମୃତୁ୍ୟ ଏବଂ ବାପା ଦଶରଥଙ୍କୁ ଗିର‘ କରାଯାଇ କୋର୍ଟ ଚାଲାଣ କରାଯିବା ପରେ ନିରାଶ୍ରୟ ହୋଇପଡିଛନ୍ତି ୪ ସନ୍ତାନ । ଘରେ ଏହି ୪ ସନ୍ତାନକୁ ଛାଡିଦେଲେ ଘରେ କେବଳ ୯୦ ବଷର ବିଧବା ଜେଜେ ମା କୁମୁଦିନି ଜେନା । କୁମୁଦିନିଙ୍କୁ ବୟଷ ଅତିକ୍ରାନ୍ତ କରିବାରୁ ତାଙ୍କ ଦୃଷ୍ଟିଶକ୍ତ ପାଉନାହିଁ । ସେ ଏବେ ଅନ୍ୟର ଆଶ୍ରିତା । ସବୁଠୁ ବଡ କଥା ହେଉଛି ମା ମୃତୁ୍ୟ ଏବଂ ବାପ ଜେଲ ଗଲାପରେ ଏବେ ୯୦ ବର୍ଷିୟା ବୁଢି ମା ଏବଂ ତାଙ୍କର ୪ଟି ସନ୍ତାନ ରହିଥିବାବେଳେ ଝିଅ ଗଂଗିତ୍ରୀ(୧୬), ଗାୟତ୍ରୀ(୧୬), ଶ୍ରାବଣୀ(୯ମାସ) ଏବଂ ମାନସ ରଂଜନ (୪) ନିରାଶ୍ରୟ ହୋଇପଡିଛନ୍ତି । ଦିନକୁ ୨ ଓଳି ଖାଇବା ଦୂରର କଥା ଘରେ ଜଳୁନାହିଁ ଚୁଲି । ସାନ ଝିଅ ଶ୍ରାବଣୀ ଏବେ କ୍ଷୀର ଖାଉଛି । ଏଭଳି ପରିସ୍ଥିତି ଦେଇ ଗତି କରୁଛି ଦଶରଥଙ୍କ ପରିବାରା । ଏଣୁ ଏକାଠି ହୋଇଛନ୍ତି ଗାଁ ଲୋକେ । ୪ଟି ସନ୍ତାନକୁ ଜିଲ୍ଲା ଶିଶୁ ମଂଗଳ ବିଭାଗକୁ ପାଳନପାଇଁ ଗାଁ ଲୋକେ ହସ୍ତା କରିବାକୁ ଚାହୁଁଛନ୍ତି । ନଚେତ ୪ ଟି ପିଲାଙ୍କ ଜୀବନ ନଷ୍ଟ ହୋଇଯିବ ବୋଲି ଅଭିଯୋଗ କରିଛନ୍ତି । ଏଣୁ ଜିଲ୍ଲାପାଳ ଏହି ଘଟଣାରେ ସ୍ୱତନ୍ତ୍ରଭାବେ ହସ୍ତଗତ କରି ୪ଟି ସନ୍ତାନକୁ ସହାୟକ ହେବାକୁ ପୂର୍ବତନ ସରପଂଚ ଲକ୍ଷ୍ମୀଧର ସାହୁ, ନିରଂଜନ ସାହୁ, ରମାକାନ୍ତ ଜେନା, ବେଙ୍ଗ ଜେନା, ନିରାକାର ଜେନା, ଅଜୟ ଜେନା, ଚନ୍ଦ୍ରକାନ୍ତ ଜେନା, କାଳନ୍ଦି ଜେନା, ରାଜେନ୍ଦ୍ର ଜେନା, ଗୋଳଖ ଜେନା ପ୍ରମୁଖ ଦାବୀ କରିଛନ୍ତି । ଏବିଷୟରେ ଆଇଆଇସି ଅସିତ ରଂଜନ ମହାନ୍ତିଙ୍କୁ ପଚାରିବାରେ ଶବବୂବଚ୍ଛେଦ ରିପୋଟ ଆସିବା ପରେ ପ୍ରକୃତ ସତ୍ୟସତ୍ୟ ପଦାକୁ ଆସିବ ବୋଲି କହିଛନ୍ତି ।

LEAVE A REPLY

Please enter your comment!
Please enter your name here