କୋରେଇ, ୧୨ ଅପ୍ରେଲ : କୋରାଇର ବରିଷ୍ଠ କଂଗ୍ରେସ ନେତା ହରେକୃଷ୍ଣ ସାହୁଙ୍କୁ ପ୍ରଦେଶ କଂଗ୍ରେସ କମିଟିର ସମ୍ପାଦକ ନିଯୁକ୍ତି ମିଳିଥିଲା । ନିଖିଳ ଭାରତ କଂଗ୍ରେସ କମିଟିର ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଅନୁମୋନଦ କ୍ରମେ ପ୍ରଦେଶ କଂଗ୍ରେସ ସଭାପତି ନିରଂଜନ ପଟ୍ଟନାୟକ ହରେକୃଷ୍ଣ ସାହୁଙ୍କୁ ସମ୍ପାଦକ ନିଯୁକ୍ତି ଦେଇଥିବା ଉପସଭାପତି ଆର୍ଯ୍ୟ କୁମାର ଜ୍ଞାନ୍ଦେନ୍ଦ୍ର ଏକ ପ୍ରେସ ବିଜ୍ଞପ୍ତିରେ ଜଣାଇଥିଲେ । ଚଳିତ ନିର୍ବାଚନରେ କୋରାଇ ବିଧାନସଭା ପାଇଁ ହରେକୃଷ୍ଣ ସାହୁ ପ୍ରାର୍ଥି ଦାବିଦାର ଥିଲେ । କୋରାଇରୁ ବନ୍ଦିତା ପରିଡାଙ୍କୁ ପ୍ରାର୍ଥି କରାଯାଇଥିବା ବେଳେ ହରେକୃଷ୍ଣଙ୍କୁ ରାଜ୍ୟ ସମ୍ପାଦକ ଭାବେ ଘୋଷଣା କରାଯିବା ପରେ ଏହାକୁ ପ୍ରତ୍ୟାଖାନ କରିଛନ୍ତି ହରେକୃଷ୍ଣ । ରାଜ୍ୟରେ ଦଳୀୟ ଗୋଷ୍ଠୀ କନ୍ଦଳ ତୀବ୍ର ରୂପ ଧାରଣ କରିଥିବା ବେଳେ ଦଳୀୟ ପଦ ପଦବୀରୁ ଇସ୍ତଫାର ସୁଅ ଛୁଟିଥିବା ବେଳେ ତାଙ୍କୁ ପଦବୀକୁ ସେ ସ୍ୱୀକାର କରିନାହାନ୍ତି । ତାଙ୍କୁ ଥଇଥାନ ବା ସନ୍ତୁଷ୍ଟି କରଣ ପାଇଁ ପଦବୀ ଦିଆଯାଇଥିବାରୁ ସେ ଏହାକୁ ଅସ୍ୱୀକାର କରିଥିବା କହିଛନ୍ତି ।

LEAVE A REPLY

Please enter your comment!
Please enter your name here