ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଶୁକ୍ରବାର ୯ଟି ଜିଲ୍ଲାର ୯ଟି ବ୍ଲକ୍ ଅନ୍ତର୍ଗତ ୧୬୦ଟି ପଂଚାୟତ ପାଇଁ ୩୬.୦୪ କୋଟି ଟଙ୍କାରେ ୧୪୪୪ଟି ପ୍ରକଳ୍ପ ମଂଜୁର କରିଛନ୍ତି ।
ମୁଖ୍ୟମନ୍ତ୍ରୀ ବାଲେଶ୍ୱର ଜିଲ୍ଲା ବାହନଗା ବ୍ଲକ୍ ର ୨୪ଟି ପଂଚାୟତ ପାଇଁ ୬ କୋଟି ଟଙ୍କାରେ ୩୨୩ଟି ପ୍ରକଳ୍ପକୁ ମଂଜୁରୀ ଦେଇଛନ୍ତି । ସେହିପରି ଦେବଗଡ ଜିଲ୍ଲା ରିଆମାଳ ବ୍ଲକ୍ ର ୨୫ ଟି ପଂଚାୟତ ପାଇଁ ୪.୨୫ କୋଟି ଟଙ୍କାରେ ୧୬୧ଟି ପ୍ରକଳ୍ପ , ଗଂଜାମ ଜିଲ୍ଲା କବିସୂର୍ଯ୍ୟନଗର ବ୍ଲକ୍ ର ୨୧ଟି ପଂଚାୟତ ପାଇଁ ୫.୨୪ କୋଟି ଟଙ୍କାରେ ୧୦୪ଟି ପ୍ରକଳ୍ପ , କନ୍ଧମାଳ ଜିଲ୍ଲା ଖଜୁରୀପଡା ବ୍ଲକ୍ ର ୧୪ଟି ପଂଚାୟତ ପାଇଁ ୨.୮୦ କୋଟି ଟଙ୍କାରେ ୧୦୦ଟି ପ୍ରକଳ୍ପ .କେନ୍ଦ୍ରାପଡା ଜିଲ୍ଲା ସଦର ବ୍ଲକ୍ ର ୨୬ଟି ପଂଚାୟତ ପାଇଁ ୭.୨୭ କୋଟି ଟଙ୍କାରେ ୨୭୧ ଟି ପ୍ରକଳ୍ପ , ମାଲକାନଗିରି ଜିଲ୍ଲାର ସଦର ବ୍ଲକ୍ ର ୧୯ଟି ପଂଚାୟତ ପାଇଁ ୩.୨୫ କୋଟି ଟଙ୍କାର ୨୧୦ଟି ପ୍ରକଳ୍ପ , ମୟୁରଭଂଜ ଜିଲ୍ଲା ଜିବି ନଗର ବ୍ଲକ୍ ର ୧୨ଟି ପଂଚାୟତ ପାଇଁ ୩ କୋଟି ଟଙ୍କାରେ ୮୭ଟି ପ୍ରକଳ୍ପ , ନୟାଗଡ ଜିଲ୍ଲା ଗଣିଆ ବ୍ଲକ୍ ର ୮ଟି ପଂଚାୟତ ପାଇଁ ୨.୦୨୫ କୋଟି ଟଙ୍କାରେ ୧୨୪ଟି ଏବଂ ରାୟଗଡା ଜିଲ୍ଲା ରମଣଗୁଡା ବ୍ଲକ୍ ର ୧୧ ଟି ପଂଚାୟତ ପାଇଁ ୨.୦୨୫ କୋଟି ଟଙ୍କାରେ ୬୪ଟି ପ୍ରକଳ୍ପ କୁ ମୁଖ୍ୟମନ୍ତ୍ରୀ ମଂଜୁରୀ ଦେଇଛନ୍ତି ।
ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଆଜି ସୁଦ୍ଧା ମୁଖ୍ୟମନ୍ତ୍ରୀ ରାଜ୍ୟର ୨୭୮ଟି ବ୍ଲକ୍ ର ୬୧୦୫ ଟି ଗ୍ରାମପଂଚାୟତ ସହିତ ଆଲୋଚନା ମାଧ୍ୟମରେ ୧୩୯୮.୬୨ କୋଟି ଟଙ୍କାରେ ୫୬,୨୩୦ ଟି ପ୍ରକଳ୍ପ ମଂଜୁର କରିଛନ୍ତି ।

LEAVE A REPLY

Please enter your comment!
Please enter your name here