ଚଣ୍ଡିଖୋଲ, ୧୭/୧୧  ଜିଲାର ଚଣ୍ଡିଖୋଲ ଛକ ଠାରେ ଜିଲା ପୋଲିସ ତରଫରୁ ନିର୍ମାଣ କରାଯାଇଥିବା ନୂତନ ଟ୍ରାଫିକ ପୋଷ୍ଟକୁ ଏସଡିପିଓ ଚିନ୍ମୟ ନାୟକ ଉଦଘାଟନ କରିଛନ୍ତିି । ଦୀର୍ଘ ଦିନ ହେଲା ଏହି ଛକରେ ଅସ୍ଥାୟୀ ଟ୍ରାଫିକ ପୋଷ୍ଟ ମାଧ୍ୟମରେ ଗାଡ଼ିର ନିୟନ୍ତ୍ରଣ କରାଯାଉଥିଲା । ଉଦଘାଟନ ପରେ ପୋଲିସ ତରଫରୁ ଏକ ଟ୍ରାଫିକ ସଚେତନତା ସଭା ବଡ଼ଚଣା ଥାନା ଅଧିକାରୀ ଦିପକ କୁମାର ଜେନାଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା ।

ଏଥିରେ ଅତିଥି ଭାବେ ଚଣ୍ଡିଖୋଲ ଅଗ୍ନିଶମ ସେବା ଅଧିକାରୀ ପ୍ରଭାକର ସାହୁ, ବଣିକ ସଂଘର ସଭାପତି କ୍ଷିରୋଦ ମାହାଲା, ଜିଲା କ୍ରସର ଆସୋସିଏସନ ସଭାପତି ଚନ୍ଦନ ନାୟକ, ଚଣ୍ଡିଖୋଲ ଅସ୍ଥାୟୀ ବ୍ୟବସାୟୀ ସଂଘର ସଂପାଦକ ସଂଜୟ କୁମାର ସ୍ୱାଇଁ , ସୁଙ୍ଗୁଡ଼ା ନାୟବ ସରପଞ୍ଚ ଗୁଲାମ ଆରିଫ, ସଂଘମିତ୍ରା ଦଳେଇ, ଯୁବ ନେତା ଗଣେଶ୍ୱର ବରାଳ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏହି ସଭାକୁ ବରିଷ୍ଠ ନାଗରିକ ମଞ୍ଚର ସଭାପତି ଶେଷଦେବ ନାୟକ ସଂଞ୍ଚାଳନ କରିଥିଲେ ।

ଏସଡିପିଓ ଶ୍ରୀ ନାୟକ ନିଜ ବକ୍ତବ୍ୟରେ ଚଣ୍ଡିଖୋଲ ଅଞ୍ଚଳ ବାସୀଙ୍କୁ କୃତଜ୍ଞତା ଜଣାଇବା ସହ ଏଠାକାର ଜନ ସାଧାରଣ ଟ୍ରାଫିକ ନିୟମ ମାନିବା ସହ ପରିବେଶକୁ ସଫା ସୁତରା ରଖିବା ଓ ପୋଲିସକୁ ସର୍ବଦା ସାହାଯ୍ୟ କରିବା ପାଇଁ ଅନୁରୋଧ କରିଥିଲେ । ଅନ୍ୟ ମାନଙ୍କ ମଧ୍ୟରେ ଚଣ୍ଡିଖୋଲ ଫାଣ୍ଡି ଅଧିକାରୀ ସୁଶୀଲ କୁମାର ନାୟକ, ସଂଜୀବ କୁମାର ଥାଟୋଇ, ସୟଦ ଖାନ, ମହାବିନାୟକ ଲୋକାଲ ଟ୍ରକ ସଂଘର ସଭାପତି ପ୍ରିୟବ୍ରତ ଖିଲାର, ଚିତ୍ତରଂଜନ ମହାପାତ୍ର, ହେମନ୍ତ ମହାପାତ୍ର ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ ।

ପରେ ମିଳିତ ଭାବରେ ଜାତୀୟ ରାଜପଥରେ ହେଲମେଟ ଓ ସିଟ ବେଲ୍ଟ ବ୍ୟବହାର କରି ଯାଉଥିବା ଗାଡ଼ି ଚାଳକ ମାନଙ୍କୁ ପୋଲିସ ଓ ଜନ ସାଧାରଣ ଗୋଲାପ ଫୁଲ ଓ ଗଛ ଚାରା ଦେଇ ସ୍ୱାଗତ କରିଥିଲେ ।

 

LEAVE A REPLY

Please enter your comment!
Please enter your name here