ବୋରିଗୁମ୍ମା (K.sakil Dora) : କୋରାପୁଟ ଜିଲ୍ଲା ହେଉଛି ଆଦିବାସୀ ବହୁଳ ଜିଲ୍ଲା। ଏହି ଜିଲ୍ଲାରେ ଶତକଡା ୭୦ ଭାଗରୁ ଉର୍ଦ୍ଧ୍ବ ଲୋକ ଆଦିବାସୀ ଓ ହରିଜନ ସମ୍ପ୍ରଦାୟର। କୋରାପୁଟ ଜିଲ୍ଲାରେ ବସବାସ କରୁଥିବା ଶତାଧିକ ଆଦିବାସୀ ଙ୍କ ପରିବାର ରେ ନିୟମିତ ରୋଜଗାର ନାହିଁ। କେବଳ ନିଜ ନିଜର ଚାଷ ଜମିରେ ଯାହା ପାଆନ୍ତି, ସେତକ ବର୍ଷ ସାରା ଚଳେ। ଅଧିକାଂଶ ଆଦିବାସୀ ଓ ହରିଜନ ପରିବାର ରେ ଚାଷ ଜମି ଖଣ୍ଡେ ନାହିଁ। ଏମାନେ ବର୍ଷ ସାରା କେତେବେଳେ କେନ୍ଦୁପତ୍ର ସଂଗ୍ରହ କରନ୍ତି ତ କେତେବେଳେ ଆମ୍ବ ସଂଗ୍ରହ କରି କିଛି ଟା ରୋଜଗାର କରନ୍ତି।
ବର୍ଷ ସାରା ଆଦିବାସୀ ମହିଳା ମାନେ ଜଙ୍ଗଲ ରୁ କିଛି ନା କିଛି ଖାଇବା ଦ୍ରବ୍ୟ ସଂଗ୍ରହ କରି ନିକଟସ୍ଥ ହାଟ କିମ୍ବା ବଜାର ରେ ବିକ୍ରି କରିଥାନ୍ତି। କୋରାପୁଟ ଜିଲ୍ଲାରେ ବର୍ତ୍ତମାନ କାଜୁ ଅମଳ ର ସମୟ। ଆଦିବାସୀ ମହିଳା ମାନେ କଞ୍ଚା କାଜୁ କୁ ସଂଗ୍ରହ କରି ବେଶ ଦୁଇ ପଇସା ରୋଜଗାର କରିଥାନ୍ତି। ବୋରିଗୁମ୍ମା ବ୍ଲକରେ ବିଭିନ୍ନ ସ୍ଥାନରେ ସରକାରୀ ଜମି ଓ ନିଜ ନିଜର ବ୍ୟକ୍ତି ଗତ ଜମିରେ କାଜୁ ବଣ ରହିଛି। ପ୍ରଥମେ ଆଦିବାସୀ ମହିଳା ମାନେ କାଜୁ ଗଛରୁ କାଜୁ ସଂଗ୍ରହ କରନ୍ତି।
ପରେ ତାକୁ ଦୁଇ ଫାଳ କରି ଚୋପାକୁ ଫୋପାଡ଼ି କାଜୁ କୁ ସଂଗ୍ରହ କରନ୍ତି। ତାପର ଦିନ ନିକଟସ୍ଥ ବଜାର କୁ କଞ୍ଚା କାଜୁ କୁ ବିକ୍ରି କରିଥାନ୍ତି। ବୋରିଗୁମ୍ମା ଦୈନିକ ବଜାରରେ କଞ୍ଚା କାଜୁ  ବିକ୍ରି ହେଉଛି। କଞ୍ଚା କାଜୁ କୁ କିଲୋ ୪୦୦ ଶହ ରେ ଟଙ୍କାରେ ଆଦିବାସୀ ମହିଳା ମାନେ ବିକ୍ରି କରନ୍ତି। ବର୍ଷ କୁ ମାତ୍ର ତିନି ମାସରୁ  ଚାରି ମାସ କଞ୍ଚା କାଜୁ ବିକ୍ରି ହୋଇଥାଏ। ଏଣୁ ଲୋକମାନେ ଆଗ୍ରହ ର ସହ  କଞ୍ଚା କାଜୁ କୁ କିଣି ନିଅନ୍ତି। କାଜୁ ରେ ପ୍ରଚୁର ପରିମାଣରେ ପ୍ରୋଟିନ ରହିଥାଏ। ସାଧାରଣତଃ ଛୋଟ ଛୋଟ ପିଲାମାନଙ୍କ ସୁସ୍ଥ ଶରୀର ଗଠନ ରେ କାଜୁ ବେଶ ସହାୟକ ହୋଇଥାଏ। କୋରାପୁଟ ଜିଲ୍ଲାରେ କେବଳ କାଜୁ ନୁହେଁ ଅନେକ ଜଙ୍ଗଲ ଯାତ ଦ୍ରବ୍ୟ ଯଥା ମହୁ,ଝୁଣା, ମହୁଲ, ଝାଡୁ ଓ ଆମ୍ବ ଜଙ୍ଗଲ ଯାତ ଦ୍ରବ୍ୟ ବିକ୍ରି କରି ପରିବାର ପୋଷଣ କରିଥାନ୍ତି।

LEAVE A REPLY

Please enter your comment!
Please enter your name here