କଟକ ନୁଆଗାଁ ୫୫ନଂ ଜାତୀୟ ରାଜପଥ ମାନ୍ୟତା ପାଇବା ୫ ବର୍ଷରୁ ଉର୍ଦ୍ଧ ହେଲାଣି । ଏହାର ସମ୍ପ୍ରସାରଣ କାର୍ଯ୍ୟ କରାଯାଉନଥିବାରୁ ଏବେ ରାସ୍ତାଟି ଜନସାଧାରଣଙ୍କ ପାଇଁ ମରଣ ଜନ୍ତା ପାଲଟିଛି । ଯାହାକୁ ନେଇ ବିରିଡି ବ୍ଲକ ୧ ନଂ ଜୋନର ଜିଲା ପରିଷଦ ସଭ୍ୟ ପ୍ରତାପ ବେହେରା ଆପତି ଉଠାଇବା ସହ ତୁରନ୍ତ କାର୍ଯ୍ୟ ଆରମ୍ଭ କରିବାକୁ ଦାବି କରିଛନ୍ତି । ସେ କହିଛନ୍ତି ଯେ ଦିର୍ଘ ୪ମାସ ତଳେ ବିଭାଗିୟ ଅଧିକାରୀଙ୍କ ଦୃଷ୍ଟିକୁ ଅଣା ଯାଇଥିଲେ ମଧ୍ୟ ଏପର୍ଯ୍ୟନ୍ତ କାର୍ଯ୍ୟ ଆରମ୍ଭ କରାଯାଇ ପାରୁନଥିବା ଘୋର ପରିତାପର ବିସୟ ପାଲଟିଛି । ଏହି ୫୫ ନଂ ଜାତୀୟ ରାଜପଥ କାର୍ଯ୍ୟ ତ୍ୱରାନିତ କରିବାରେ ଅହେତୁକ ବିଳମ୍ବ କରୁଥିବାରୁ ଏବଂ ବିଭାଗିୟ ଅବହେଳା ଯୋଗୁଁ ରାସ୍ତା କଡରେ ଅନା ବନା ଗଛସବୁ ଉଠି ରାସ୍ତା ଉପରକୁ ମାଡି ଆସିଥିବାରୁ ଯାତ୍ରୀ ମାନେ ଦୁର୍ଘଟଣାର ସିକାର ହେଉଥିବାର ଅଭିଯୋଗ ହୋଇଛି । ପ୍ରକାଶ ଯୋଗ୍ୟ ଯେ ଏହି ୫୫ ନଂ ଜାତୀୟ ରାଜପଥ କଟକ ଠାରୁ କନ୍ଦରପୁର ଭାୟା ବିରିଡି ବ୍ଲକ, ଜଗତସିଂହପୁର ବ୍ଲକ ଅତିକ୍ରମ କରି ବାଲିକୁଦା ବ୍ଲକର ନୁଆଗାଁ ପର୍ଯ୍ୟନ୍ତ ୯୫ କିଲୋମିଟର ରାସ୍ତା କରାଯିବାର ପ୍ରସ୍ତାବ ରହିଛି । ଏହା ପୂର୍ବରୁ ପୂର୍ତବିଭାଗ ଅଧିନରେ ରାସ୍ତାଟି ଥିଲା । ସେତେବେଳେ ବିଭାଗ ଠିକ ବର୍ଷା ପରେପରେ ରାସ୍ତାର ଉଭୟ ପାଶ୍ୱର୍ରେ ଅନାବନା ଗଛଲତାକୁ ସଫା କରିବା ସହ ରସ୍ତାକୁ ଓସାରଆ କରି ରଖୁଥିଲେ । ଯାହା ଦ୍ୱାରା ଗାଡି ମଟର ଅତିକ୍ରମ କରିବାରେ ବେଶେଷ ଅସୁବିଧା ହେଉନଥିଲା କି ଦୁର୍ଘଟଣା ମଧ୍ୟ ସେତେ ନଥିଲା । ମାତ୍ର ବର୍ତମାନ ଜାତୀୟ ରାଜପଥ ମାନ୍ୟତା ପାଇବା ପରେ ରାସ୍ତାର ଅବସ୍ତାରୁ ଅନୁମାନ କରାଯାଇପାରେ ଯେ ବା ଉଭୟ ପଶ୍ୱର୍ରେ ଯେଉଁଭଳି ଗଛ ଲତା ଉଠି ଏବେ ବି ରାସ୍ତା ଉପରକୁ ମାଡି ରହିଥିବାରୁ ଗାଡି ମଟର ଅତିକ୍ରମ କରିବାରେ ବାଧା ଉପୁଜିବା ସହ ଦୁର୍ଘଟଣା ଘଟିବାରେ ଲାଗିଛି । ତେବେ ଏହି ରାସ୍ତାର ବରଡା ଛକ ଠାରୁ ଦଳେଇ ଘାଇ ବାଙ୍କ ପର୍ଯ୍ୟନ୍ତ ପ୍ରାୟ ୨ କିଲୋମିଟର ପର୍ଯ୍ୟନ୍ତ କେନାଲ ଝର ପାଣି ନିସ୍କାସନ ପାଇଁ ହୋଇଥିବା ଡ୍ରେନେଜ ଭିତର ସାରା ଅନାବନା ଗଛ ବହୁ ମାତ୍ରାରେ ଉଠି ଡ୍ରେନେଜ ଆଦୌ ଦେଖାଯାଉନଥିବା ବେଳେ ଏବଂ ଏହାକୁ ବିଭାଗିୟ ଅଧିକାରୀ ଦୃଷ୍ଟି ଦେଉ ନଥିବାରୁ ପ୍ରତି ଦିନ କିଛି ନା କିଛି ଦୁର୍ଘଟଣା ଘଟୁଥିବା ସେ ଅଂଚଳର ଜନସାଧାରଣ କହିଛନ୍ତି । ତେବେ ଏହି ରାସ୍ତାର ଉଭୟ ପାଶ୍ୱର୍ରେ ଯେଉଁ ଅନା ବାନା ଗଛ ସବୁ ଉଠି ଯାତ୍ରୀ ମାନଙ୍କ ଯାତାୟତରେ ଅସୁବିଧା ଶୃଷ୍ଟି କରୁଛି ପ୍ରଥମେ ସେ ଗଛ ଲତାକୁ ସଫା କରିବା ସହ ଜତୀୟ ରାଜପଥ କାର୍ଯ୍ୟକୁ ତ୍ୱରାନ୍ୱିତ କରିବାକୁ ସାଧାରଣରେ ଦାବି ହେଉଛି ।

LEAVE A REPLY

Please enter your comment!
Please enter your name here