Shadow of sad man hanging suicide. light and shadow

ଭଞ୍ଜନଗର : ମାତ୍ର ଦୁଇଦିନ ପୂର୍ବେ ସୁରତରୁ ଆସିଥିଲା ସ୍ୱାମୀ । ତେବେ ଘରେ ପହଞ୍ଚିବା ଦିନଠାରୁ ପତିପତ୍ନୀ ମଧ୍ୟରେ କୌଣସି କାରଣରୁ ଆରମ୍ଭ ହୋଇଯାଇଥିଲା ବଚସା । ଏହାକୁ ନେଇ ପରିବାରରେ ଅଶାନ୍ତି ଲାଗିରହିଥିଲା । ଶନିବାର ରାତିରେ ଉଭୟେ ସ୍ୱାମୀସ୍ତ୍ରୀ ଖାଇପିଇ ସାରି ଶୋଇବାକୁ ଯାଇଥିଲେ । ହେଲେ କୌଣସି କାରଣରୁ ଉଭୟଙ୍କ ମଧ୍ୟରେ ପୁଣିଥରେ ବଚସା ହୋଇଥିଲା । ଏଥିରେ ରାଗିଯାଇ ସ୍ୱାମୀ ଶେଷରେ ପତ୍ନୀଙ୍କ ଆଗରେ ରଶି ଲଗାଇ ଆତ୍ମହତ୍ୟା କରିଥିଲା । ସ୍ୱାମୀଙ୍କୁ ବଞ୍ଚାଇବାକୁ ରଶିକୁ କାଟି ଦେଇଥିଲା ପତ୍ନୀ । ପରେ ଗୁରୁତର ଅବସ୍ଥାରେ ଭଞ୍ଜନଗର ମେଡିକାଲରେ ଆଣି ଭର୍ତ୍ତି କରିଥିଲେ ମଧ୍ୟ ସେତେବେଳକୁ ତାର ମୃତ୍ୟୁ ଘଟି ସାରିଥିଲା । ଏଭଳି ଏକ ଦୁଃଖଦ ଘଟଣା ଭଞ୍ଜନଗର ଥାନା ଅନ୍ତର୍ଗତ ନୂଆଁ ବାରୁଡା ଗ୍ରାମରେ ଘଟିଛି । ଗ୍ରାମର ଦେବରାଜ ପ୍ରଧାନଙ୍କ ପୁଅ ନାରାୟଣ ପ୍ରଧାନ(୩୦)ଙ୍କ ସହ ଆସିକା ଥାନା ଅନ୍ତର୍ଗତ ଖଣ୍ଡରାବଳୀ ଗ୍ରାମର ଉମା ବିଶୋୟୀଙ୍କ ଝିଅ ରଶ୍ମିତା ସହ ବିବାହ ହୋଇଥିଲା । ଉଭୟଙ୍କର ୩ଟି ପୁତ୍ର ସନ୍ତାନ ଅଛନ୍ତି । ନାରାୟଣ ସୁରତରେ କାମ କରୁଥିବାବେଳେ ୨ଦିନ ତଳେ ସେ ଘରକୁ ଆସିଥିଲେ । ଆଉ ଘରକୁ ଆସିବା ଦିନଠାରୁ କୌଣସି କଥାକୁ ନେଇ ସ୍ୱାମୀସ୍ତ୍ରୀ ମଧ୍ୟରେ ବଚସା ଲାଗିରହିଥିଲା । ଶେଷରେ ମାନସିକ ଭାରସାମ୍ୟ ହରାଇ ନାରାୟଣ ଆତ୍ମହତ୍ୟାଭଳି ଚରମ ପନ୍ଥା ଆପଣାଇ ନେଇଥିଲା । ଭଞ୍ଜନଗର ଥାନରେ ଏସଂପର୍କରେ ଏକ ଅପମୃତୁ୍ୟ ମାମଲା ରୁଜୁହେବାସହ ଶବ ବ୍ୟବଚ୍ଛଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।

LEAVE A REPLY

Please enter your comment!
Please enter your name here