ଭଦ୍ରକ,୩୦ା୬: ରାଜ୍ୟ ସରକାରଙ୍କ ନିଦେ୍ର୍ଦଶ ମୁତାବକ ପ୍ରତି ସୋମବାର ଜିଲ୍ଲାପାଳ ଜିଲ୍ଲା ସଦର ମହକୁମା ଠାରୁ ଆରମ୍ଭ କରି ବିଭିନ୍ନ ବ୍ଲକରେ ଜନ ଅଭିଯୋଗ ଶୁଣାଣି ଶିବିର କରି ଜନସାଧାରଣଙ୍କ ଅଭିଯୋଗ ଶୁଣୁଥିଲେ । ମାତ୍ର କରୋନା ମହାମାରୀ ଜନିତ ବିଭିନ୍ନ କଟକଣା ଲାଗୁ ହେବା ପରେ ଏହି ଶିବିରକୁ ବନ୍ଦ କରି ଦିଆଯାଇଛି । ତେବେ ଦୀର୍ଘ ଦିନ ଧରି ଏହି ଶିବିର ବନ୍ଦ ରହିବା ପରେ ଏବେ ଏହି ଶୁଣାଣି ନିମନ୍ତେ ଜିଲ୍ଲାପାଳ ଆଗଭର ହୋଇଛନ୍ତି ।

ଏଥିଲାଗି ଜିଲ୍ଲାପାଳ ଡ. ଜ୍ଞାନ ଦାସ ହ୍ୱାଟ୍ସଅପ, ଇମେଲ ଏବଂ ଫୋନ ଯୋଗେ ଅଭିଯୋଗ ଗ୍ରହଣ କରିବା ବ୍ୟବସ୍ଥା କରିଛନ୍ତି । ଏଣିକି ଜନସାଧାରଣ ଜିଲ୍ଳାପାଳଙ୍କ କାର୍ଯ୍ୟାଳୟକୁ ନ ଆସି ଘରେ ବସି ଅଭିଯୋଗ କରିବେ । ଏଥି ନିମନ୍ତେ ଫୋନ ନଂ- ୦୬୭୮୪-୨୫୧୮୮୧, ହ୍ୱାଟସ୍ଅପ ନଂ-୮୭୬୩୦୦୪୦୧୧ ଏବଂ ଇମେଲ – ୟଜ୍ଞ-ଭଷବୟକ୍ସବଳଅଦ୍ଭସମ.ସଦ୍ଭ ମାଧ୍ୟମରେ ମେଲ କରି ଅଭିଯୋଗ ପଠାଇ ପାରିବେ । ଅଭିଯୋଗକାରୀଙ୍କ ଅଭିଯୋଗକୁ ସମ୍ପୃକ୍ତ ବିଭାଗକୁ ପଠାଯିବା ସହିତ ଏ ସଂକ୍ରାନ୍ତୀୟ ପଦକ୍ଷେପ ଗ୍ରହଣ କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।

LEAVE A REPLY

Please enter your comment!
Please enter your name here