ଭୁବନେଶ୍ୱର : ବିଜେପି କୌଣସି ପରିବାର କିମ୍ବା ବ୍ୟକ୍ତିଙ୍କ ଦଳ ନୁହେଁ, ବରଂ ଏହା ଏକ ସଙ୍ଗଠନ ଆଧାର ଦଳ । ବିଜୟ ମହାପାତ୍ର ଏବଂ ଦିଲୀପ ରାୟ ଦଳ ଛାଡିବାରେ ଦୁଃଖ କେବଳ କ୍ଷଣିକ ପାଇଁ, ମାତ୍ର ଲମ୍ବା ସମୟ ପାଇଁ ନୁହେଁ । ଅନ୍ୟ ପଟେ ଅବସରପ୍ରାପ୍ତ ବରିଷ୍ଠ ପ୍ରଶାସକ ଶ୍ରୀମତୀ ଅପରାଜିତା ଷଡଙ୍ଗୀଙ୍କ ପାର୍ଟୀରେ ଯୋଗଦାନ କାରଣରୁ କାର୍ଯ୍ୟକର୍ତାଙ୍କ ମନରେ ଖୁସିର ଲହରି ଖେଳିଯାଇଛି ବୋଲି ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା କହିଛନ୍ତି ।
ତ୍ୟାଗ ଏବଂ ତପସ୍ୟାର ବଳିଦାନ ଉପରେ ବିଶ୍ୱାସ କରି ରାଷ୍ଟ୍ର ସର୍ବୋପରୀ ଭାବନା ରଖି ଭାରତୀୟ ଜନତା ପାର୍ଟି କାର୍ଯ୍ୟ କରେ । ବୁଥ୍, ମଣ୍ଡଳସ୍ତରୀୟ ତୃଣମୂଳ ସ୍ତରର କାର୍ଯ୍ୟକର୍ତା ହେଲେ ଏହି ପାର୍ଟୀର ମୂଳଦୁଆ । ଏହି କାରଣରୁ ଭାରତୀୟ ଜନତା ପାର୍ଟୀ ଆଜି ଶୀର୍ଷରେ ଏବଂ ଏହାର କାର୍ଯ୍ୟକର୍ତା କେବେ ହେଲେ ବିଚଳିତ ହୁଅନ୍ତି ନାହିଁ ବୋଲି ଶ୍ରୀ ପଣ୍ଡା କହିଛନ୍ତି ।
“ଟିମ୍ ସ୍ପିରିଟ୍”ରେ ବିଶ୍ୱାସ ରଖୁଥିବା ବିଜେପିର କାର୍ଯ୍ୟକର୍ତାମାନେ ସର୍ବଦା ସହମତି ଭିତିରେ କାର୍ଯ୍ୟ ଆରମ୍ଭ ଏବଂ ଶେଷ କରିଥାନ୍ତି । ବିଜୟ ମହାପାତ୍ର ଏବଂ ଦିଲ୍ଲୀପ ରାୟ ଦଳ ଛାଡିବା ତାଙ୍କର ବ୍ୟକ୍ତିଗତ ନିଷ୍ପତି । ଭାରତୀୟ ଜନତା ପାର୍ଟରୁ କିଏ ଇସ୍ତଫା ଦେଲେ କିମ୍ବା ଛାଡି ଦେଲେ ଦଳ ଏଥିରେ କେବେ ବି ଦିଗହରା ହେବନି ବୋଲି ଶ୍ରୀ ପଣ୍ଡା ଦୃଢୋକ୍ତି ପ୍ରକାଶ କରିଛନ୍ତି ।

Loading...

LEAVE A REPLY

Please enter your comment!
Please enter your name here