ବାରିପଦା ବନଖଣ୍ଡ ଅନ୍ତର୍ଗତ ବାରିପଦା ରେଞ୍ଜର ଗୁଡିଆଲବନ୍ଧ ଗ୍ରାମର ଏକ ଜଳାଶୟରୁ ତୀରବିଦ୍ଧ ଶମ୍ବରଛୁଆକୁ ଉଦ୍ଧାର କରାଯାଇଥିଲେ ମଧ୍ୟ ତାହାର ମୃତୁ୍ୟ ଘଟିଛି । ଘଟଣାରୁ ପ୍ରକାଶ ଯେ, ଶିମିଳିପାଳ ଅଭୟାରଣ୍ୟର ୫ବର୍ଷର ଶମ୍ବରଛୁଆକୁ କେହି ଶିକାରୀ ତୀରବିଦ୍ଧ କରିଥିଲା, ମାତ୍ର ଶମ୍ବରଟି ଜଳାଶୟରେ ଆଶ୍ରୟ ନେଇଥିବାବେଳେ ବନବିଭାଗ ତାକୁ ଉଦ୍ଧାର କରିଥିଲେ ମଧ୍ୟ ଶମ୍ବରଟିର ମୃତୁ୍ୟ ଘଟିଛି । ଅପରପକ୍ଷରେ ଶମ୍ବରଛୁଆଟି ଶିମିଳିପାଳ ଅଭୟାରଣ୍ୟରୁ ଜନବସଃତି ଗ୍ରାମକୁ କିପରି ଆସିଲା ସେ ନେଇ ଅନେକ ପ୍ରଶ୍ନ ଉଠିଛି । ଏନେଇ ପୂର୍ବତନ ଅବତୈନିକ ବନ୍ୟପ୍ରାଣୀ ତତ୍ତ୍ୱାବଧାରକ ଭାନୁମିତ୍ର ଆଚାର୍ଯ୍ୟ କହିଛନ୍ତି ଯେ, ଏବେ ଶିମିଳିପାଳ ଅଭୟାରଣ୍ୟରେ ଶିକାରୀଙ୍କ ପାଦୃଭାବ ବଢୁଥିବାବେଳେ ଶିକାରୀ ମାନେ ଶମ୍ବର ଓ ହରିଣକୁ ଧରିବା ପାଇଁ ପୋଷାକୁକୁରର ବ୍ୟବହାର କରୁଛନ୍ତି । ତେଣୁ ଶିକାରୀଙ୍କ କୁକୁର ଏହି ବନ୍ୟପ୍ରାଣୀକୁ ଜନବସଃତି ଆଡକୁ ଘୋଉଡାଇ ଦେଇପାରିଥାନ୍ତି ବୋଲି ଅନୁମାନ କରାଯାଉଛି । ଅନ୍ୟପକ୍ଷରେ ବାରିପଦା ବନାଞ୍ଚଳ ରେଞ୍ଜର ଲକ୍ଷ୍ମୀଧର ବେହେରା ଶମ୍ବରଟି କିପରି ଜନବସଃତି ଆଡକୁ ଆସିଥିଲା ତାଙ୍କ ତଦନ୍ତ କରାଯାଉଛି ବୋଲି ସଫେଇ ଦେଇଛନ୍ତି ।

LEAVE A REPLY

Please enter your comment!
Please enter your name here